ក្នុងឱកាសអបអរសាទរខួបអនុស្សាវរីយ៍ ២០ ឆ្នាំ នៃការប្រគល់ម៉ាកាវមកប្រទេស ចិន វិញ ខ្ញុំសូមតំណាងសមាគមអាណិកជន និងធុរកិច្ច ចិន ហុងកុង និងម៉ាកាវនៅកម្ពុជា សូមសម្តែងគារវកិច្ចដោយស្មោះដល់ម៉ាកាវដ៏ស្រស់ស្អាតមួយនេះ សូមជូនពរម៉ាកាវមានភាពរឹតតែអស្ចារ្យ និងសូមជូនពរប្រទេស ចិន មានភាពរីកចម្រើន និងវិបុលភាព។
ការប្រគល់ម៉ាកាវមកប្រទេសចិន គឺជាមហាសមិទ្ធផលដ៏អស្ចារ្យគ្រប់ជំនាន់ក្នុងប្រវត្តិសាស្ត្រនៃជនជាតិចិនចាប់តាំងពីថ្ងៃទី ២០ ខែធ្នូ ឆ្នាំ ១៩៩៩ មក ម៉ាកាវបានដើរលើវិថីមាគ៌ាដ៏ទូលាយមួយនៃការអភិវឌ្ឍរួមជាមួយនឹងប្រទេស ចិន។
នៅក្នុងរយៈពេល ២០ ឆ្នាំកន្លងមកនេះ គោលនយោបាយ «ប្រទេសមួយប្រព័ន្ធពីរ» ប្រព័ន្ធនយោបាយ «ម៉ាកាវគ្រប់គ្រងដោយជនជាតិចិនម៉ាកាវ» និងព្រមទាំងស្វ័យគ្រប់គ្រងកម្រិតខ្ពស់សុទ្ធតែទទួលបានការអនុវត្តយ៉ាងគ្រប់ជ្រុងជ្រោយក្នុងម៉ាកាវ។
ស្ថិតនៅក្រោមការគាំទ្រពេញទំហឹងនៃរដ្ឋាភិបាលមជ្ឈិមបក្ស និងការខិតខំពីរដ្ឋាភិបាលនៃតំបន់រដ្ឋបាលពិសេសម៉ាកាវ និងគ្រប់ជាន់ថ្នាក់នៃសង្គមបានធ្វើឲ្យម៉ាកាវទទួលបានសមិទ្ធផលនៃការអភិវឌ្ឍបានយ៉ាងច្រើនគួរឲ្យកត់សម្គាល់ ស្ថិរភាពក្នុងសង្គម វិបុលភាពនៃសេដ្ឋកិច្ច ការរស់នៅប្រកបដោយសុខដុមរមនា និងវប្បធម៌ចម្រុះ សុទ្ធសឹងតែទទួលបានការអភិវឌ្ឍបានយ៉ាងល្អប្រសើរដែលបានក្លាយទៅជាគំរូដ៏ជោគជ័យនៃការអនុវត្តគោលនយោបាយ «ប្រទេសមួយ ប្រព័ន្ធពីរ»។
ក្នុងរយៈពេល ២០ ឆ្នាំកន្លងមកនេះ ម៉ាកាវ និងប្រទេសចិនបានភ្ជាប់គ្នាយ៉ាងស្អិតល្មួត ស្ថិតនៅក្រោមការគាំទ្រពេញទំហឹងនៃរដ្ឋាភិបាលមជ្ឈិមបក្សធ្វើឲ្យជីវភាពរបស់ប្រជាជន សេដ្ឋកិច្ច និងវិស័យផ្សេងទៀតទទួលបានផ្លែផ្កា ជាទីគាប់ចិត្ត។ GDP នៃម៉ាកាវមានការកើនឡើងជិត ៧.៥ ដង ដែលកើនពីជីវភាព ៥១,៨៧២ ពាន់លានប៉ាតាកាម៉ាកាវ (៦,៤៩១ ពាន់លានដុល្លារសហរដ្ឋអាមេរិក) ក្នុងឆ្នាំ ១៩៩៩ មក ៤៤០,៣១៦ ពាន់លានប៉ាតាកាម៉ាកាវ (៥៤,៥៤៣ ពាន់លានដុល្លារសហរដ្ឋអាមេរិក) ក្នុងឆ្នាំ ២០១៨ ។
រីឯ GDP សម្រាប់មនុស្សម្នាក់ជាមធ្យមបានកើនពី ១៥,២០០ ដុល្លារសហរដ្ឋអាមេរិក ក្នុងឆ្នាំ ១៩៩៩ មក ៨២,៦០០ ដុល្លារសហរដ្ឋអាមេរិក ក្នុងឆ្នាំ ២០១៨ ដែលតួលេខនេះបានធ្វើឲ្យម៉ាកាវជាប់ចំណាត់ថ្នាក់លេខ ១ ក្នុងអាស៊ី និងលេខ ២ នៅលើពិភពលោក។ បានក្លាយជាតំបន់ «អ្នកមានបំផុត» ក្នុងចំណោមតំបន់ដទៃទៀតនៅលើពិភពលោក។
ទន្ទឹមនឹងនេះក៏បានជំរុញការអភិវឌ្ឍប្រកបដោយស្ថិរភាពនៃសុខុមាលភាពសេដ្ឋកិច្ច ហើយសមិទ្ធផលនៃការអភិវឌ្ឍទាំងនេះបានប្រើប្រាស់ក្នុងការបង្កើតអត្ថប្រយោជន៍ជូនដល់ជីវភាពរស់នៅរបស់ប្រជាពលរដ្ឋបានក្លាយជាគំនិតស្នូលនៃការអនុវត្តគោលនយោបាយ «ប្រទេសមួយ ប្រព័ន្ធពីរ» ដែលជាលក្ខណពិសេសនៃម៉ាកាវ។
ចំពោះថ្ងៃអនាគត តាមរយៈការអនុវត្តយុទ្ធសាស្ត្រតំបន់ឆកសមុទ្រនៃក្វាងទុង ហុងកុង និងម៉ាកាវ យើងជឿជាក់ថា ម៉ាកាវដែលប្រៀបដូចផ្កាឈូកដ៏ស្រស់ស្អាតមួយនៃប្រទេស ចិន នឹងរីកស្គុះស្គាយនូវភាពស្រស់បំព្រង និងរឹតតែមានភាពទាក់ទាញថែមមួយកម្រិតទៀត។ រូបភាពនៃសម័យកាលដ៏អស្ចារ្យដែលបានបង្ហាញពីមនោសញ្ចេតនានៃម៉ាកាវ ក៏នឹងត្រូវបានឆ្លាក់លើផ្ទាំងសិលានៃភាពរស់រវើកឡើងវិញដ៏មហិមានៃជនជាតិចិន៕