ក្រុងញូវយ៉ក: ឆ្ងល់ណាស់ថា ហេតុអ្វីរបបអាហារជះឥទ្ធិពលលើបុគ្គលខ្លះ តែអ្នកខ្លះអត់? ការពិតគឺថា របបអាហារខុសគ្នាប៉ះពាល់លើបុគ្គលខុសៗគ្នា មិនថាវាជាកម្រិតជាតិស្ករ និងខ្លាញ់ក្នុងឈាមនោះទេ។
ការសិក្សាស្ដីពីជីវជាតិអាហារក្រោមទឹកប្រាក់ជាង ២៦ លានដុល្លារទាក់ទងនឹងកិច្ចសហការរវាង King''s College London និង Massachusetts General Hospital ព្រមទាំង Stanford University។
ការសិក្សាដឹកនាំដោយ ធីម ស្ពេកទ័រ ជាសាស្ដ្រាចារ្យរោគរាតត្បាតលើហ្ស៊ែននៅ King''s ហើយក៏ជាអ្នកជំនាញរបបអាហារ មីក្រូបៃអូទិក។
បដិវត្ដន៍លើទម្រង់របបអាហារ
ការអង្កេតដ៏សាមញ្ញដែលអ្នកខ្លះអាចទទួលទាននំដូណាត់អស់រលីងតាមចិត្ដចង់ដោយឥតឡើងទម្ងន់អីបន្ដិច តែអ្នកដទៃហ៊ានសម្លឹងមើលត្រឹមនំប៊ីស្គីតនៅតែឡើងគីឡូទៀត។
ការសិក្សាត្រូវបានធ្វើឡើងលើអ្នកចូលរួម ១១០០ នាក់ដែលជាបងប្អូនភ្លោះនឹងគ្នាដែលមានភិនភាគដូចគ្នា ភាពខុសគ្នារបស់ពួកគេអាចកើតឡើងដោយសារកត្ដាអ្វីម្យ៉ាង។
យ៉ាងណាមិញមួយអាចកើតឡើងក្នុងចំណោម ១០ បរិមាណជាតិស្ករ ឬខ្លាញ់ក្នុងឈាមរបស់ពួកគេ បន្ទាប់មករបបអាហារលើកត្ដាផ្សេងៗដោយធ្វើឲ្យពួកគេបង្កើនហានិភ័យនៃការឡើងទម្ងន់ ឬជំងឺបេះដូង។
នំសូកូឡាជាសត្រូវអ្នកធាត់ឬ?
បងប្អូនភ្លោះមួយគូអាចបង្ហាញពីភាពមិនប្រែប្រួលនៃជាតិស្ករក្នុងឈាម បើពួកគេធ្វើលំហាត់ប្រាណក្រោយពីញ៉ាំអាហារសម្បូរកាបូនអ៊ីដ្រាត ខណៈជាតិស្ករក្នុងឈាមរបស់កូនភ្លោះផ្សេងទៀតបានកើនឡើងក្រោយញ៉ាំអាហារ បើពួកគេមិនបានគេងស្កប់។
ចំនួនបាក់តេរីដ៏ច្រើនក្នុងពោះវៀនរបស់ពួកគេក៏បានប៉ះពាល់ដល់ប្រតិកម្មចំពោះអាហារផងដែរ។ យើងដឹងថា បាក់តេរីពោះវៀនខ្សោយបង្កើនឱកាសកើនទម្ងន់ និងជំងឺបេះដូង។
ការសិក្សាក៏បានបង្ហាញថា ជីវជាតិអាហារផ្ទុកកាឡូរី ស្ករ និងខ្លាញ់ពិតជាគ្មានប្រយោជន៍ដែលដំបូន្មានបែបបុរាណលើវេលាទទួលទានអាហារព្រឹកអាចជាគំនិតដ៏ខុសឆ្គង។
របបអាហារត្រូវសម្របទៅតាមបុគ្គលនីមួយៗ
យើងគួរតែមានរបបអាហារផ្ទាល់ខ្លួន ដោយយើងធ្លាប់ដឹងហើយថា រាងកាយរបស់យើងនីមួយៗមានប្រតិកម្មខុសៗចំពោះអាហារ។ យើងអាចកែសម្រួល ដើម្បីបញ្ចៀសបញ្ហាខ្លះ ជាគុណសម្បត្ដិសម្រាប់អ្នកដទៃ។
តាមទ្រឹស្ដី វិធីដ៏សាមញ្ញមួយបំផុតដើម្បីតាមដានពីការប្រតិកម្មរាងកាយចំពោះអាហារគឺធ្វើឡើងជាមួយឧបករណ៍វាស់ស្ទង់កម្រិតជាតិស្ករដែលអ្នកជំងឺទឹកនោមផ្អែមនិយមប្រើ។
សាស្ដ្រាចារ្យ ស្ពេកទ័រ បានបន្ដថា៖ «ប៉ុន្ដែលោកអ្នកត្រូវការវេជ្ជបណ្ឌិតជំនាញម្នាក់ដើម្បីវាយតម្លៃពីលទ្ធផលក្នុងការវាស់វែងនេះដែរ»។
វិធានការគន្លឹះមួយទៀតថា តើម្ហូបមួយមុខប៉ះពាល់ដល់ជាតិខ្លាញ់ក្នុងឈាមកម្រិតណា?
ល្បឿនការរំលាយខុសៗគ្នា
ជាទូទៅកម្រិតជាតិស្ករបានកើនឡើងបន្ដិចម្ដងៗប្រមាណពី ៦ ទៅ ៨ ម៉ោងក្រោយទទួលទានអាហារ (យឺតជាងជាតិស្ករក្នុងឈាម ដែលត្រូវការពេល ២ ឬ ៣ ម៉ោង) រួចធ្លាក់ចុះ។
បើជាតិខ្លាញ់ត្រូវការពេលជម្រុះយូរពេក វាអាចបង្កជាបញ្ហានានាដូចជាការរលាក និងកើនទម្ងន់។ វាក៏អាចរំខានដល់ដំណើរការនៃការសម្អាតក្នុងពោះវៀនផងដែរ។
គន្លាតដ៏យូររវាងម៉ោងអាហារពីមួយពេលទៅមួយពេលពិតជាល្អចំពោះបាក់តេរីពោះវៀន។ អាហារសម្បូរខ្លាញ់ទទួលទានពេលយប់ជ្រៅ បើការសម្អាតជាតិខ្លាញ់ធ្វើឡើងយឺតយ៉ាវអាចជះឥទ្ធិពលអាក្រក់ផងដែរ។
សាស្ដ្រាចារ្យបានបន្ថែមថា៖ «ភាពខុសគ្នារវាងការសម្អាតជាតិខ្លាញ់យឺត និងលឿនអាចជាមូលហេតុដែលបញ្ជាក់ថា អ្នកខ្លះធ្វើល្អជាងលើរបបអាហារខ្លាញ់ទាប ហើយអ្នកខ្លះទៀតធ្វើបានល្អជាងលើសារធាតុកាបូនអ៊ីដ្រាតទាប។ ដោយសារយើងនៅមានសុខភាពល្អនៅឡើយ ហើយទម្ងន់ខ្លួនយើងអាចរក្សាឲ្យនៅដដែលក្នុងរយៈពេល ១០ ឆ្នាំ ដែលនៅមានកត្ដាជាច្រើនត្រូវសិក្សាពីរបបអាហារតម្រូវតាមបុគ្គលនេះ»៕ HR