ប្រមុខរដ្ឋាភិបាលគាំទ្រដោយអ.ស.ប.លោក Fayez al-Sarraj ចាប់ដៃជាមួយមេបញ្ជាការយោធា។ AFP
.jpg)
ក្រុងទ្រីប៉ូលីៈ ការប្រយុទ្ធគ្នាបានរាលដាលយ៉ាងឆាប់រហ័សនៅជុំវិញក្រុងទ្រីប៉ូលី និងការវាយប្រហារផ្លូវអាកាសនៅក្បែរ ព្រលានយន្តហោះមួយកាលពីថ្ងៃចន្ទ ខណៈបុរសខ្លាំងលីប៊ី លោក Khalifa Haftar បានទាត់ចោលការអំពាវនាវរបស់អន្តរជាតិឲ្យបញ្ឈប់ការរុលចូលទៅមុខរបស់កងកម្លាំងទៅកាន់ក្រុងទ្រីប៉ូលី។
ប្រជាជនលីប៊ីរាប់ពាន់នាក់ ត្រូវបានរាយការណ៍ដោយអង្គការសហប្រជាជាតិថា បានកំពុងរត់ភៀសខ្លួនចេញពីទីក្រុង នៅក្នុងការប្រឈមមុខទៅនឹងការវាយប្រហារគួរឲ្យភ័យខ្លាចរបស់លោក Haftar ដែលបានបណ្តាលឲ្យមនុស្សរាប់សិបនាក់ស្លាប់។
ប្រធានាធិបតីបារាំង លោក អេម៉ានុយអែល ម៉ាក្រុង បានផ្តល់សម្ភាសតាមទូរស័ព្ទជាមួយលោក Fayez al-Sarraj ប្រមុខរដ្ឋាភិបាលសម្របសម្រួលជាតិមានមូលដ្ឋាននៅក្រុងទ្រីប៉ូលី។
ក្រុមសកម្មប្រយុទ្ធក្នុងតំបន់ដែលប្រឆាំងនឹងលោក Khalifa Haftar ឈរនៅក្បែររថយន្ត។ រូប AFP
រដ្ឋាភិបាល GNA ដែលត្រូវបានទទួលស្គាល់ដោយអន្តរជាតិបានថ្លែងថា លោក ម៉ាក្រុង បានថ្លែង «ប្រឆាំងទាំងស្រុងចំពោះការវាយប្រហារជាទ្រង់ទ្រាយធំប្រឆាំងក្រុងទ្រីប៉ូលី និងបង្កឲ្យមានគ្រោះថ្នាក់ដល់អាយុជីវិតរបស់ក្រុមជនស៊ីវិល»។
ប្រធានាធិបតីបារាំង បានបញ្ជាក់អះអាងថា ការអំពាវនាវត្រូវបានធ្វើឡើង ដោយមិនមានការបង្ហាញអំពីការពិភាក្សាលម្អិតឡើយ។
ប្រមុខគោលនយោបាយការបរទេសសហភាពអឺរ៉ុប បានបន្ថែមថា ការអំពាវនាវរបស់លោកស្រីបានធ្វើទៅកាន់អ្នកជំរុញឲ្យលោក Haftar បញ្ឈប់ការវាយប្រហាររបស់លោក ក្រោយពីអំពាវនាវឲ្យមានការអត់ធ្មត់ដោយក្រុមប្រឹក្សាសន្តិសុខអង្គការសហប្រជាជាតិ និងអាមេរិកនោះ។
លោកស្រី Federica Mogherini បានថ្លែងក្រោយពីកិច្ចពិភាក្សាជាមួយក្រុមរដ្ឋមន្ត្រីការបរទេសសហភាពអ៊ឺរ៉ុបថា៖ «ខ្ញុំសូមអំពាវនាវឲ្យក្រុមមេដឹកនាំលីប៊ី ជាពិសេស លោក Haftar បញ្ឈប់រាល់សកម្មភាពយោធាទាំងអស់ ហើយវិលទៅរកតុចរចាវិញ»។
ប្រជាជនលីប៊ីដើរឆ្លងកាត់ផ្លូវក្នុងផ្សារមួយនៅក្បែរទីលានMartyr នៅក្រុងទ្រីប៉ូលីកាលពីថ្ងៃទី ៦ មេសា។ AFP
កងទ័ពជាតិលីប៊ីរបស់លោក Haftar បានអះអាងពីការវាយប្រហារផ្លូវអាកាសកាលពីថ្ងៃចន្ទ ប្រឆាំងព្រលានយន្តហោះ Mitiga នៅទីក្រុងទ្រីប៉ូលីភាគខាងកើត។
អ្នកនាំពាក្យកងកម្លាំង LNA លោក Ahmad al-Mesmari បានថ្លែងថា ការវាយប្រហារនោះ បានយកព្រលានយន្តហោះយោធា MiG-23 និងឧទ្ធម្ភាគចក្រមួយគ្រឿងជាគោលដៅ។
ប្រភពសន្តិសុខមួយនៅឯព្រលានយន្តហោះ បានថ្លែងថា ការវាយប្រហារផ្លូវអាកាសនោះបានបាញ់ចំផ្លូវព្រលានយន្តហោះមួយកន្លែង ដោយមិនបានបណ្តាលឲ្យមនុស្សស្លាប់ ឬក៏រងរបួសនោះទេ ប៉ុន្តែប្រមុខអង្គការសហប្រជាជាតិបានស្តីបន្ទោស៕ AFP/SK
