លោកប្រធានាធិបតី ដូណាល់ ត្រាំ ធ្វើកាយវិការនៅក្នុងអំឡុងការជួបជុំក្រុមអ្នកគាំទ្រកាលពីថ្ងៃទី ៦ ខែវិចិ្ឆកា។ AFP
.jpg)
ក្រុងញូវយ៉ក៖ ការស្ទង់មតិថ្មី បានរកឃើញថា ដោយនៅពេលមិនដល់ ១ ឆ្នាំផង មុនការបោះឆ្នោតប្រធានាធិបតីឆ្នាំ ២០២០ ភាគច្រើននៃអ្នកបោះឆ្នោតដែលបានចុះឈ្មោះនិយាយថា ពួកគេគិតថា វាទំនងជាថា លោកប្រធានាធិបតី ត្រាំ នឹងធានាជាប់អាណត្តិទី ២ នៅក្នុងសេតវិមាន ដោយជិត ១ ភាគ ៣ នៃអ្នកបោះឆ្នោតនិយាយថា លោកប្រធានាធិបតី នឹងស្ថិតនៅលើលំដាប់នៃការសម្រេចចិត្តខ្ពស់ នៅពេលបោះឆ្នោតរបស់ពួកគេខែវិច្ឆិកា ឆ្នាំក្រោយនេះ។
យោងតាមការស្ទង់មតិរបស់ POLITICO/Morning Consult ដែលត្រូវបានចេញផ្សាយកាលពីថ្ងៃពុធបានឲ្យដឹងថា ៥៦ ភាគរយ នៃអ្នកបោះឆ្នោតរំពឹងថា លោកប្រធានាធិបតី នឹងជាប់ឆ្នោតជាថ្មីនៅឆ្នាំក្រោយ នៅក្នុងនោះមាន ៨៥ ភាគរយ នៃអ្នកគាំទ្របក្សសាធារណរដ្ឋ និង ៥១ ភាគអ្នកឯករាជ្យ។ តាមរយៈការប្រៀបធៀបលើសពី ១ ភាគ ៣ នៃអ្នកគាំទ្របក្សលទ្ធិប្រជាធិបតេយ្យ (៣៥ ភាគរយ) និយាយដូចគ្នា។
ការស្ទង់មតិនោះ បានរកឃើញថាការចាប់អារម្មណ៍របស់អ្នកបោះឆ្នោតចំពោះការបោះឆ្នោតនេះ នៅតែខ្ពស់ថ្វីបើនៅពេល ១ ឆ្នាំទៀតក្តី។
៨ នាក់ ក្នុងចំណោមអ្នកបោះឆ្នោត ១០ នាក់ និយាយថា ពួកគេត្រូវជំរុញទឹកចិត្តឲ្យចេញទៅបោះឆ្នោតនៅក្នុងឆ្នាំ ២០២០ ដោយ ៦៩ ភាគរយ និយាយថា ពួកគេ ពិតជាត្រូវជំរុញទឹកចិត្តយ៉ាងខ្លាំង។ ភាគច្រើននៃក្រុមអ្នកបោះឆ្នោតទូទាំងមជ្ឈដ្ឋាននយោបាយនិយាយថា ពួកគេត្រូវជំរុញទឹកចិត្តយ៉ាងខ្លាំងក្នុងការបោះឆ្នោតប្រធានាធិបតីនេះ។
លោកដូណាល់ ត្រាំ ស្តាប់ ខណៈបេក្ខជនបក្សសាធារណរដ្ឋសម្រាប់អភិបាលរដ្ឋលូហ្ស៊ីអែណា ថ្លែងសុន្ទរកថា។ AFP
ការសាទរនោះត្រូវបានជំរុញដោយគណបក្សប្រជាធិបតេយ្យ និងគណបក្សសាធារណរដ្ឋប្រហែល ៣ ភាគ ៤ នៃអ្នកបោះឆ្នោតនៅក្នុងគណបក្សនីមួយៗពិពណ៌នាខ្លួនពួកគេថាមានកម្លាំងចិត្តយ៉ាងពិសេស។
ចំណែកការសាទរនោះនឹងក្លាយជាការក្តីសង្ឃឹមចំពោះការបោះឆ្នោត ៩២ ភាគរយ នៃអ្នកឆ្លើយតបនិយាយថា ពួកគេទំនងនឹងចេញទៅបោះឆ្នោតនៅឆ្នាំ ២០២០ ក្នុងនោះមាន ៩៦ ភាគរយ នៃអ្នកគាំទ្រគណបក្សប្រជាធិបតេយ្យ និងគណបក្សសាធារណរដ្ឋ និង ៨៦ ភាគរយ ជាអ្នកឯករាជ្យ។
លោក Tyler Sinclair អនុប្រធាននៃសារព័ត៌មាន Morning Consult បានថ្លែងថា៖ «ការរំពឹងនឹងជាប់ឆ្នោតជាថ្មីរបស់លោកប្រធានាធិបតី ដូ ណាល់ ត្រាំ ហាក់ដូចជាធ្វើឲ្យអ្នកបោះឆ្នោតកាន់តែមានកម្លាំងចិត្តថែមទៀតនៅទូទាំងមជ្ឈដ្ឋាននយោបាយ»។ «ទិន្នន័យរបស់យើង បង្ហាញថាគណបក្សសាធារណរដ្ឋ និងគណបក្សប្រជាធិបតេយ្យ ចង់និយាយថា ពួកគេត្រូវជំរុញទឹកចិត្ត និងទំនងជានឹងធ្វើការបោះឆ្នោតនៅឆ្នាំក្រោយ»។
ជាការពិតណាស់ប្រហែល ៤ នាក់ នៅក្នុងចំណោមអ្នកបោះឆ្នោត ១០ នាក់ ពួកគេនឹងគិតច្រើនអំពីលោក ដូណាល់ ត្រាំ នៅពេលធ្វើការបោះឆ្នោតប្រធានាធិបតីនៅឆ្នាំក្រោយ ក្នុងនោះមានចំនួន ៦៨ ភាគរយ នៃអ្នកគាំទ្របក្សសាធារណរដ្ឋ។
ក្រុមអ្នកគាំទ្ររបស់លោក ដូណាល់ ត្រាំ ចូលរួមការជួបជុំនៅរដ្ឋលូហ្ស៊ីអែណា។ រូបAFP
ប៉ុន្តែគណបក្សប្រជាធិបតេយ្យ និងគណបក្សសាធារណរដ្ឋ បានជំរុញឲ្យមានចំណាប់អារម្មណ៍ខ្លាំងចំពោះការបោះឆ្នោតយ៉ាងប្រកបដោយសក្តានុពលខុសប្លែកគ្នា ដោយអ្នកបោះឆ្នោត ទំនងជានិយាយថា ពួកគេមានក្តីសង្ឃឹមចំពោះការបោះឆ្នោត (២១ ភាគរយ) និងមានការព្រួយបារម្ភ (១៨ ភាគរយ)។
គណបក្សប្រជាធិបតេយ្យ ទំនងជានិយាយថា ពួកគេសង្ឃឹម (២៦ ភាគរយ) និងព្រួយបារម្ភ (២៤ ភាគរយ) ចំពោះការបោះឆ្នោតនេះ ខណៈបក្សសាធារណរដ្ឋទំនងជានិយាយថា ពួកគេសង្ឃឹម (១៩ ភាគរយ) និងមានទំនុកចិត្ត (១៧ ភាគរយ) ចំពោះការបោះឆ្នោតនេះ៕ Yahoo News/PSA
