បុរីញូវយ៉កៈ ប្រធានក្រុមអ្នកជំនាញទណ្ឌកម្ម បានថ្លែងប្រាប់ AFP កាលពីថ្ងៃអង្គារថា ក្រុមឃ្លាំមើលទណ្ឌកម្មអង្គការសហប្រជាជាតិ កំពុងស៊ើបអង្កេតលើការទិញរថយន្តប្រណីតៗរបស់ គីម ជុងអ៊ុន ដូចជាម៉ាក Rolls-Royce ម៉ាក Mercedes-Benz limousines និងឡិចស៊ីសជាច្រើនគ្រឿង ដែលត្រូវបានបង្ហាញនៅក្នុងអំឡុងជំនួបអន្តរជាតិរបស់មេដឹកនាំកូរ៉េខាងជើងនាពេលថ្មីៗនេះ។
លោក គីម ជុងអ៊ុន ទទួលបានការចាប់អារម្មណ៍ពីក្រុមអ្នកជំនាញទណ្ឌកម្ម នៅពេលលោកបានមកចូលរួមជំនួបមួយជាមួយរដ្ឋមន្ត្រីការបរទេសអាមេរិក លោក ម៉ៃក៍ ប៉ុមប៉េអូ នៅក្នុងក្រុងព្យុងយ៉ាងកាលពីខែ តុលា ឆ្នាំ២០១៨ ដោយជិះរថយន្តម៉ាក Rolls-Royce Phantom limousine។
នៅឯជំនួបកំពូលនៅសិង្ហបុរីជាមួយលោកប្រធានាធិបតីអាមេរិក កាលពីខែមិថុនា ឆ្នាំ ២០១៨ ក្រុមអមដំណើររបស់លោក ត្រូវបានដឹកដោយរថយន្តប្រណីតម៉ាក Mercedes-Benz ជាច្រើនគ្រឿង ដោយគ្មានរថយន្តណាមួយមានស្លាកលេខឡើយ។
ចំណែករថយន្តឡិចស៊ីស LX570 ជាច្រើនគ្រឿងទៀតត្រូវប្រើប្រាស់ដោយគណៈប្រតិភូកូរ៉េខាងជើងនៅឯជំនួបកំពូលអន្តរកូរ៉េនៅក្នុងក្រុងព្យុងយ៉ាងកាលពីខែកញ្ញា។
លោក Hugh Griffiths ដែល ៥ ឆ្នាំកន្លងទៅគឺជាអ្នកសម្របសម្រួលក្រុមជំនាញ អ.ស.ប.ដែលស៊ើបអង្កេតទណ្ឌកម្ម ដែលប្រឆាំងជំទាស់ដោយប្រទេស កូរ៉េខាងជើង នេះ។
ក្រុមប្រឹក្សាសន្តិសុខ បានរារាំងកូរ៉េខាងជើងមិនឲ្យនាំចូលធ្យូងថ្ម និងទំនិញដទៃទៀត ទប់ស្កាត់ដឹកជញ្ជូនប្រេង និងប្រេងឥន្ធនៈ និងរឹតត្បិតវិស័យធនាគារ នៅក្នុងចំណោមវិធានការនានា៕ AFP/PSA