អ្នកនាំពាក្យការបរទេសចិនលោកស្រី Hua Chunying ថ្លែងសុន្ទរកថា។ក្រសួងការបរទេស
.jpg)
ក្រុងប៉េកាំង៖ ប្រទេស ចិន កាលពីថ្ងៃពុធបានចោទសួរអំពី «គោលបំណង» របស់ប្រទេស កាណាដា នៅពីក្រោយការបញ្ជូននាវាចម្បាំងមួយគ្រឿងឆ្លងកាត់ច្រកសមុទ្រកោះតៃវ៉ាន់ នៅចំពេលទំនាក់ទំនងរវាងក្រុងប៉េកាំង និងក្រុងអូតាវ៉ា ជាប់គាំងនោះ។
អាជ្ញាធរកោះតៃវ៉ាន់បានថ្លែងថា នាវាចម្បាំងកាណាដាមួយគ្រឿង បានឆ្លងកាត់ផ្លូវទឹកយុទ្ធសាស្ត្រកាលពីថ្ងៃអង្គារ នៅក្នុង «សេរីភាពនៃប្រតិបត្តិការនាវាចរណ៍» មួយ ជាការធ្វើដំណើរតាមសមុទ្រចុងក្រោយបំផុតរបស់នាវាលោកខាងលិចមួយ គ្រឿងដែលធ្វើឲ្យក្រុងប៉េកាំងខឹងសម្បាយ៉ាងខ្លាំង។
ចិនបានត្រួតពិនិត្យមើលការឆ្លងកាត់តាមច្រកផ្លូវដាច់ដោយឡែកតូចចង្អៀតមួយរវាងកោះតៃវ៉ាន់ និងចិនដីគោកថា ជាការបំពានអធិបតេយ្យភាពរបស់ខ្លួន ចំណែកឯអាមេរិក និងបណ្តាប្រទេសជាច្រើនផ្សេងទៀត មើលឃើញច្រកផ្លូវនោះថា ជាដែនទឹកអន្តរជាតិ។
អ្នកនាំពាក្យក្រសួងការបរទេសចិនលោកស្រី Hua Chunying បានថ្លែងនៅឯសន្និសីទសារព័ត៌មានជាប្រចាំមួយថា៖ «ភាគីចិន មិនរឹតត្បិតចំពោះការធ្វើដំណើរធម្មតារបស់នាវាចម្បាំងបរទេសឆ្លងកាត់ច្រកផ្លូវកោះតៃវ៉ាន់នោះទេ»។
«ប៉ុន្តែខ្ញុំមិនដឹងថា តើមានបំណងពិសេសអ្វីខ្លះដែលភាគីកាណាដាមាននៅក្នុងការប្រកាសជាចំហអំពីការធ្វើដំណើរនៃនាវាចម្បាំងរបស់ខ្លួនឆ្លងកាត់ច្រកសមុទ្រកោះតៃវ៉ាន់ទេ»។
លោកស្រី Hua ថ្លែងថា យើងសង្ឃឹមថា កាណាដានឹងបង្ហាញការគោរពអធិបតេយ្យភាពរបស់យើង៕ AFP/SK
