ក្រុងដាក្កា៖ ក្រុមមន្ត្រីបាននិយាយកាលពីថ្ងៃចន្ទថា រដ្ឋាភិបាលបង់ក្លាដែសបានចេញបញ្ជាឲ្យក្រុមអ្នកប្រតិបត្តិការទូរស័ព្ទដៃ ឈប់លក់ស៊ីមកាតទៅឲ្យក្រុមជនភៀសខ្លួនរ៉ូហ៊ីងយ៉ា ជាសញ្ញានៃភាពខ្វះការអត់ធ្មត់ថែមទៀតរបស់ក្រុងដាក្កា បន្ទាប់ពីកិច្ចប្រឹងប្រែងធ្វើមាតុភូមិនិវត្តន៍ថ្មីៗនេះ បានបរាជ័យនោះ។
ប្រទេស បង់ក្លាដែស បានទទួលជនភៀសខ្លួនរ៉ូហ៊ីងយ៉ាប្រហែលមួយលាននាក់ឲ្យរស់ក្នុងជំរំនានា នៅភាគអាគ្នេយ៍ចាប់តាំងពីការបង្ក្រាបដោយយោធានៅក្នុងប្រទេស មីយ៉ាន់ម៉ា ដែលនៅជិតខាង បានជំរុញឲ្យជម្លៀសចេញទ្រង់ទ្រាយធំបំផុតនៅក្នុងខែ សីហា ឆ្នាំ ២០១៧។
កាលពីចុងខែសីហា គំនិតផ្តួចផ្តើមធ្វើមាតុភូមិនិវត្តន៍មួយបានបរាជ័យទាំងស្រុងដោយក្រុមជនភៀសខ្លួនភាគតិចដែលត្រូវធ្វើបាបយ៉ាងយូរនោះបានបដិសេធមិនវិលត្រឡប់ទៅមីយ៉ាន់ម៉ា ដោយសារគ្មានការធានាចំពោះសុវត្ថិភាព និងសញ្ជាតិរបស់ពួកគេទេ។
ដោយបន្ថែមទៅលើដំណើរការមិនបានសម្រេចនៅក្នុងក្រុងដាក្កា ការបដិសេធមិនវិលត្រឡប់ទៅវិញនោះ បានកើតឡើង ដោយសារការតវ៉ារបស់ជនរ៉ូហ៊ីងយ៉ាប្រហែល ២០ ម៊ឺននាក់ ដើម្បីរៀបចំប្រារព្ធខួប ២ ឆ្នាំចាប់តាំងពីពួកគេមកដល់បង់ក្លាដែស៕ AFP/PSA