ក្រុងឡាហ័រ៖ មន្ត្រីបានថ្លែងកាលពីថ្ងៃអាទិត្យថា ប្រទេស ប៉ាគីស្ថាន បានដាក់អ្នកគោរពបូជាសាសនាចំនួន ២ ម៉ឺននាក់ ឲ្យនៅដាច់ដោយឡែកពីគេ ហើយនៅតែស្វែងរកមនុស្សរាប់ម៉ឺននាក់បន្ថែមទៀត ដែលបានចូលរួមនៅក្នុងការប្រមូលផ្តុំសាសនាអ៊ិស្លាមមួយ នៅក្នុងទីក្រុងឡាហ័រកាលពីខែមុន ទោះបីជាមានការឆ្លងរីករាលដាលវីរុសកូរ៉ូណាកាន់តែអាក្រក់ខ្លាំងឡើងក្តី។
អាជ្ញាធរបានថ្លែងថា ពួកគេចង់ធ្វើតេស្ត ឬដាក់ក្រុមអ្នកដែលបានប្រមូលផ្តុំគ្នា នៅកន្លែងព្រឹត្តិការណ៍បានរៀបចំធ្វើឡើងដោយក្រុមតាប្លីហ្គីចាម៉ាអាត ជាចលនាសាសនាទូតអ៊ិស្លាមមួយ ឲ្យនៅដាច់ដោយឡែកពីគេ រវាងថ្ងៃទី ១០-១២ ខែមីនា ជុំវិញការព្រួយបារម្ភពួកគេបច្ចុប្បន្ន កំពុងឆ្លងរីករាលដាលជំងឺកូវីដ ១៩ នៅទូទាំងប្រទេស ប៉ាគីស្ថាន និងនៅក្រៅប្រទេស។
មនុស្សជាង ១ សែននាក់ បានទៅចូលរួមការជួបជុំគ្នានៅទីនោះ ក្រុមអ្នករៀបចំបានថ្លែងថា ការរារាំងរបស់រដ្ឋាភិបាល ដើម្បីស្នើសុំឲ្យលុបចោលព្រឹត្តិការណ៍នោះ ខណៈវីរុសផ្លូវដង្ហើមកូរ៉ូណាប្រភេទថ្មីបានចាប់ផ្តើមឆ្លងរាលដាល នៅក្នុងប្រទេសនេះ។
នៅក្នុងខេត្តហ្គីប៊ឺរ ប៉ាក់ហ៍ទុនវ៉ាភាគពាយព្យ រហូតមកទល់ពេលនេះ អាជ្ញាធរបានដាក់ក្រុមតាប្លីហ្គី ឬក្រុមគ្រូបង្រៀនសាសនាអ៊ិស្លាម ដែលបានចូលរួមនៅក្នុងការជួបជុំ នៅក្នុងទីក្រុងឡាហ័រ ឲ្យនៅដាច់ដោយឡែកពីគេ។
អ្នកនាំពាក្យប្រចាំតំបន់លោក អាឆ្មាល់ វ៉ាហ្សឺរ បានថ្លែងប្រាប់ AFP កាលពីថ្ងៃអាទិត្យថា៖ «មន្ត្រីសុខាភិបាលកំពុងធ្វើតេស្តរកវីរុសផ្លូវដង្ហើម កូរ៉ូណាប្រភេទថ្មី ហើយអ្នកខ្លះក្នុងចំណោមពួកគេ បានធ្វើតេស្តមានផ្ទុកជំងឺកូវីដ ១៩»។
លោក អាឆ្មាល់ វ៉ាហ្សឺរ បានថ្លែងថា ក្រុមតាប្លីហ្គី ចាម៉ាអាត រាប់ពាន់នាក់ចេញពីខេត្តរបស់លោកបានជាប់គាំងនៅក្នុងតំបន់ ១ ចំនួនផ្សេងទៀត ដោយសារការបិទផ្លូវហាយវ៉េសំខាន់មួយចំនួននៅទូទាំងប្រទេស ប៉ាគីស្ថាន។
មន្ត្រីរដ្ឋាភិបាលបានថ្លែងថា មនុស្សប្រហែល ៧ ពាន់នាក់ ត្រូវបានគេដាក់ឲ្យនៅដាច់ដោយឡែកពីគេនៅក្នុងមជ្ឈមណ្ឌលពុនចាបទីក្រុងឡាហ័រ ខណៈនៅក្នុងខេត្តស៊ីនហ៍ភាគខាងត្បូង ក្រុមតាប្លីហ្គី បានកើនឡើងរហូតដល់ ៨ ពាន់នាក់ ត្រូវបានគេដាក់ឲ្យនៅដាច់ដោយឡែកពីគេ។
មនុស្សរាប់សិបនាក់បន្ថែមទៀត ត្រូវបានបង្ខំខ្លួនឯងនៅដាច់ដោយឡែកពីគេ៕ AFP/SK