ក្រុងបាងកកៈ លោកនាយករដ្ឋមន្ត្រីថៃ ប្រាយុធ ចាន-អូចា បានធ្វើការអំពាវនាវឲ្យមានឯកភាពជាតិ ដើម្បីជួយប្រទេសឲ្យរួចផុតពីភាពជាប់គាំងនយោបាយ។
លោកឧត្តមសេនីយ៍ ប្រាយុធ កាលពីថ្ងៃអង្គារបានថ្លែងថា ច្បាប់ត្រូវតែសិក្សាដោយប្រុងប្រយ័ត្ន ទោះបីជាច្បាប់នេះមិនទាន់កំណត់ពីគោលគំនិតនៃការបង្កើតរដ្ឋាភិបាលជាតិមួយដែលមិនមានគណបក្សប្រឆាំងចូលរួម។
លោក ប្រាយុធ បានថ្លែងថា៖ «ដំណើរការនេះនៅវែងឆ្ងាយនៅឡើយ» ដោយមើលឃើញថា ការនិយាយសំដៅលើរយៈពេលនៃការប្រកាសលទ្ធផលនៃការបោះឆ្នោតទូទៅកាលពីថ្ងៃទី ២៤ ខែ មីនា ជាផ្លូវការ ដោយគណៈកម្មាធិការរៀបចំការបោះឆ្នោត (EC)។
គណៈកម្មាធិការរៀបចំការបោះឆ្នោត បានប្រកាសអាសនៈសរុបនៅតាមមណ្ឌលបោះឆ្នោត និងផ្សព្វផ្សាយចំនួនសន្លឹកឆ្នោត ដែលនឹងត្រូវបានគេប្រើប្រាស់ ដើម្បីគណនាអាសនៈ ដែលមានក្នុងបញ្ជីគណបក្ស។ ទោះបីជាយ៉ាងណាក៏ដោយ ក៏គណៈកម្មាធិការនេះ មិនបានបិទបាំងចំនួនអាសនៈពិតប្រាកដនោះទេ។ ការពន្យារពេលការប្រកាសលទ្ធផលឆ្នោតនេះបានបង្កើនការព្រួយបារម្ភអំពីវិបត្តិនយោបាយ ជាពិសេស នៅពេលបច្ចុប្បន្ននេះ មិនមែនមានបក្សនយោបាយណាមួយ អាចបង្ហាញសមត្ថភាពប្រឆំាងនឹងសំឡេងភាគច្រើនទេ។
អ្នកនយោបាយខ្លះបានស្នើថា រដ្ឋាភិបាលជាតិមួយជាទីដែលគ្រប់គណបក្សទាំងអស់ ចូលរួមធ្វើការជាមួយគ្នាដើម្បីគ្រប់គ្រងប្រទេសនេះដោយគ្មានបក្សប្រឆាំងនោះទេ។
លោក ប្រាយុធ បានថ្លែងទៀតថា៖ «យើងមិនដឹងថា តើគំនិតនេះជោគជ័យដែរ ឬយ៉ាងណានោះទេ។ យើងចាំបាច់មើលច្បាប់ និងរដ្ឋធម្មនុញ្ញដែលបានចែង»។
លោកឧត្តមសេនីយ៍ ប្រាយុធ បានបន្ថែមថា មិនមែនមនុស្សគ្រប់រូបអាចកំណត់គោលការណ៍តាមដែលពួកគេចង់បាននោះទេ៕ BKP/SK