លោកស្រីអេនជេឡា មឺរកែល (ស្តាំ) និងលោកពូទីន ធ្វើសេចក្តីថ្លែងការណ៍រួម។ AFP
.jpg)
ក្រុងប៊ែរឡាំងៈ ប្រធានាធិបតីរុស្ស៊ីលោកវ្លាឌីមៀរ ពូទីន កាលពីថ្ងៃសៅរ៍ បានអំពាវនាវដល់អឺរ៉ុបឲ្យជួយចូលរួមវិភាគទានហិរញ្ញវត្ថុ ស្តារប្រទេសស៊ីរីឡើងវិញ ដើម្បីអនុញ្ញាតឲ្យជនភៀសខ្លួនរាប់លាននាក់ត្រឡប់ទៅផ្ទះសម្បែងរបស់ពួកគេវិញ។
លោកបានថ្លែងនៅមុនពេលកិច្ចប្រជុំជាមួយសមភាគីអាល្លឺម៉ង់របស់លោកគឺ លោកស្រី អេនជេឡា មឺរកែល នៅវិមានរដ្ឋាភិបាលMeseberg ដែលមានចម្ងាយ៧០គីឡូម៉ែត្រភាគខាងជើងក្រុងប៊ែរឡាំងថា យើងចាំបាច់ត្រូវពង្រឹងកិច្ចប្រឹងប្រែងមនុស្សធម៌នៅក្នុងជម្លោះស៊ីរី។
«តាមរយៈនេះ ខ្ញុំចង់និយាយថា ជំនួយមនុស្សធម៌ទាំងអស់ខាងលើត្រូវផ្តល់ឲ្យប្រជាជនស៊ីរី និងជួយតំបន់ជាច្រើន ជាទីដែលជនភៀសខ្លួន រស់នៅបរទេស អាចវិលត្រឡប់មកវិញបាន" ។
លោកពូទីន បានថ្លែងថា បច្ចុប្បន្ននេះ មានជនភៀសខ្លួនមួយលាននាក់នៅក្នុងប្រទេសហ្ស៊កដានី មួយលាននាក់នៅក្នុងប្រទេសលីបង់ និងបីលាននាក់នៅក្នុងប្រទេសតួកគី៕ PSA
