ប្រធានាធិបតីមុុិកស៊ិកលោក Andres Manuel Lopez Obrador ថ្លែង។ AFP
.jpg)
ក្រុងម៉ិកស៊ីកូៈ អាមេរិក នឹងបន្តគោលនយោបាយនៃការធ្វើមាតុភូមិនិវត្តន៍ក្រុមចំណាកស្រុកស្វែងរកសិទ្ធិជ្រកកោនដែលត្រឡប់ទៅព្រំដែនភាគខាងត្បូង ដើម្បីឲ្យរង់ចាំសវនការរបស់តុលាការ ដែលបង្កឲ្យមានការរិះគន់យ៉ាងខ្លាំងពីប្រទេស ម៉ិកស៊ិក ស្តីអំពី «វិធានការជាឯកតោភាគីនេះ»។
លោក Mexicali រដ្ឋមន្ត្រីក្រសួងការបរទេសម៉ិកស៊ិក បានថ្លែងកាលពីថ្ងៃអង្គារថា គោលនយោបាយនោះ គឺជាកិច្ចប្រឹងប្រែងថ្មីបំផុតរបស់ប្រធានាធិបតីអាមេរិក លោក ដូណាល់ ត្រាំ ដើម្បីទប់ស្កាត់ក្រុមជនអន្តោប្រវេសន៍ដែលគ្មានឯកសារ នឹងត្រូវបានអនុវត្តនៅច្រកឆ្លងកាត់ព្រំដែនទី២ រវាងក្រុងកាលីស៊ិកកូ រដ្ឋកាលីហ្វ័រនីញ៉ា និងក្រុងតូចគឺម៊ិកស៊ីកាលី របស់ខ្លួន។
វិធានការនោះ ត្រូវបានរិះគន់ដោយក្រុមសិទ្ធិមនុស្សដែល ត្រូវបានអនុវត្តដំបូងនៅព្រំដែនរវាងក្រុងទីជូណា និងក្រុងសាន់ស៊ីរ៉ូរដ្ឋកាលីហ្វ័រនីញ៉ា កាលពីខែមករា។
នៅក្នុងសេចក្តីថ្លែងការណ៍មួយ ក្រសួងការបរទេស បានថ្លែងថា៖ «រដ្ឋាភិបាលម៉ិកស៊ិកបានបញ្ជាក់ម្តងហើយម្តងទៀតថា ខ្លួនមិនឯកភាពជាមួយវិធានការជាឯកតោភាគី ដែលបានអនុវត្តដោយអាជ្ញាធរអាមេរិក»នោះទេ។
គោលនយោបាយនោះ ត្រូវបានគេដឹងថាជាវិធីការពារ ជនចំណាកស្រុក ដែលបានអនុវត្តតែចំពោះជនចំណាកស្រុក ដែលមិនមែនជាជនជាតិម៉ិកស៊ិកប៉ុណ្ណោះ។
លោក ត្រាំ ដែលពីដំបូង បានហៅវិធានការនោះថាជាគោលនយោបាយ «បន្តនៅម៉ិកស៊ិក» ដែលបានបង្ហាញអំពីទស្សនៈកាលពីឆ្នាំមុនថាជាក្បួនដង្ហែ ដោយមានជនចំណាកស្រុកអាមេរិកកណ្តាលរាប់ពាន់នាក់ ដែលបានធ្វើដំណើរទៅកាន់ព្រំដែនអាមេរិក-ម៉ិកស៊ិក។
លោកប្រធានាធិបតីអាមេរិក ដូណាល់ ត្រាំ បានហៅការហែក្បួននោះថាជា «ការឈ្លានពាន» របស់ក្រុមជនប្រព្រឹត្តអំពើឧក្រិដ្ឋកម្មជាមុខរបរ និង «ជាក្រុមឧក្រិដ្ឋជន»៕AFP/SK
