យន្តហោះស៊ើបការណ៍ RC-135W RivetJoint ហោះហើរលើឧបទ្វីបកូរ៉េ។Yonhap
.jpg)
ក្រុងសេអ៊ូល៖ អ្នកតាមដានអាកាសចរណ៍ស៊ីវិល បានឲ្យដឹងពីថ្ងៃសៅរ៍ថា យន្តហោះស៊ើបការណ៍អាមេរិក ១ គ្រឿង បានហោះហើរពីលើប្រទេស កូរ៉េខាងត្បូង ជាការបំពេញបេសកកម្មយ៉ាងច្បាស់ ដើម្បីតាមដានកូរ៉េខាងជើង ក្រោយពីការបាញ់តេស្តអាវុធធុនធ្ងន់ប្រកបដោយជោគជ័យ។
ចលនាតាមដានផ្លូវអាកាសរបស់យោធា Aircraft Spots បាននិយាយនៅលើគេហទំព័រធ្វីធើរថា យន្តហោះ RC-135W RivetJoint របស់ទ័ពអាកាស US ត្រូវបានគេឃើញហោះពីលើដែនអាកាសហ្គីអឹងហ្គីក្បែរក្រុងសេអ៊ូល និងខេត្តហ្គាងវ៉ុនខាងកើត។
យន្តហោះប្រភេទនេះ ជារឿយៗត្រូវចាប់បាននៅទីនេះ ដោយការហោះហើរចុងក្រោយ ត្រូវបានគេធ្វើឡើងកាលពីដើមខែនេះ រួមជាមួយយន្តហោះស៊ើបការណ៍ច្រើនប្រភេទ។
កាលពីថ្ងៃអាទិត្យ និងថ្ងៃអង្គារកាលពីសប្តាហ៍មុនយន្តហោះម៉ាស EP-3E របស់ទាហានជើងទឹក ត្រូវគេឃើញហោះពីលើឧបទ្វីបកូរ៉េ។
កិច្ចប្រតិបត្តិការនេះ បានកើតឡើងក្រោយពីប្រទេស កូរ៉េខាងជើង បានបន្តបាញ់សាកល្បងកាលពីខែមីនាក្រោយពីសម្រាករយៈពេល ៤ ខែ។ ជុំចុងក្រោយ និងទី ៤ រហូតមកទល់ឆ្នាំនេះ បានកើតឡើងកាលពីថ្ងៃទី ២៨ ខែមីនា នៅពេលប្រទេសនេះ បានបាញ់មីស៊ីលចម្ងាយជិត ២ គ្រាប់ចេញពីក្រុងឆ្នេរសមុទ្រភាគខាងកើត គឺក្រុងវ៉ុនសាន សំដៅទៅសមុទ្រខាងកើត។
ប្រទេសកុម្មុយនីស្តនេះ បានប្រឹងប្រែងបង្កើនសមត្ថភាពស្វ័យការពារស្របពេលការចរចាពីបញ្ហានុយក្លេអ៊ែរជាមួយអាមេរិកជាប់គាំង។
កាលពីថ្ងៃចន្ទ សប្តាហ៍មុនកូរ៉េខាងជើងបានថ្លែងថា ខ្លួនមិនមានចំណាប់អារម្មណ៍ក្នុងការចរចាទេ ហើយប្តេជ្ញាបន្តមធ្យោបាយរបស់ខ្លួនប្រឆាំងការអំពាវនាវរបស់ US ឲ្យអន្តរជាតិបន្ត ការដាក់សម្ពាធទៅលើក្រុងព្យុងយ៉ាង៕ Yonhap/PSA
