ស្រ្តីយេម៉ែនដែលមានជំងឺមហារីក ទទួលការព្យាបាលនៅមន្ទីរពេទ្យមួយនៅភាគនិរតីក្រុងសាណា។ AFP
.jpg)
ក្រុងឌូបៃៈ អង្គការលើកលែងទោសអន្តរជាតិ (Amnesty International) បាននិយាយកាលពីថ្ងៃចន្ទថា ក្មេងៗដែលមានអាយុមិនលើសពី ៨ ឆ្នាំត្រូវបានគេចាប់រំលោភ នៅក្នុងក្រុងដែលត្រូវគេឡោមព័ទ្ធនៃប្រទេស យេម៉ែន ទទួលរងគ្រោះ នូវសង្គ្រាម ហើយដោយមានសមាជិកជីវពលនៅក្នុងចំណោមឧក្រិដ្ឋជនដែលត្រូវគេសង្ស័យដែរ។
អង្គការនោះ បាននិយាយថា ខ្លួនមានឯកសារភ័ស្តុតាងនៃការចាប់រំលោភក្មេងប្រុស ៣ នាក់ និងការចាប់រំលោភផ្លូវភេទ លើកទី៤ នៅក្រុង Taez ភាគនិរតី ដែលបានគ្រប់គ្រងដោយ កងកម្លាំងគាំទ្ររដ្ឋាភិបាល និងត្រូវឡោមព័ទ្ធដោយក្រុមឧទ្ទាមយេម៉ែននោះ។
ក្រុមគ្រួសាររបស់ក្មេងប្រុស ៤ នាក់នោះ មានអាយុពី ៨ ឆ្នាំដល់ ១៦ ឆ្នាំ បានប្រាប់អង្គការនេះថា ពួកគេត្រូវបានគេចាប់រំលោភកាលពីថ្ងៃ ៨ ខែកុម្ភៈ នៅក្នុងនោះមាននៅវិហារអ៊ិស្លាមមួយកន្លែង ប៉ុន្តែក្រុមអាជ្ញាធរតំបន់នោះមិនអើពើទេ។
អង្គការលើកលែងទោសបាននិយាយថា ក្រុមគ្រួសារក្មេងប្រុសទាំង ៤ នាក់ បាន រាយការណ៍អំពីការចាប់រំលោភទៅកាន់អង្គភាពស៊ើបអង្កេតឧក្រិដ្ឋកម្ម។
_13.jpg)
ក្រុមជនភៀសខ្លួនយេម៉ែនមកពីតំបន់នានាក្បែរព្រំដែនអារ៉ាប៊ី សាអ៊ូឌីត ទទួលជំនួយមនុស្សធម៌។ AFP
លោកស្រី Heba Morayef ជាប្រធានអង្គការលើកលែងទោសអន្តរជាតិប្រចាំនៅមជ្ឈិមបូព៌ា និងនៅអាហ្រ្វិកខាងជើង បាននិយាយថា៖ «ការចាប់រំលោភ និងរំលោភផ្លូវភេទដែលធ្វើឡើងនៅក្នុងបរិបទនៃជម្លោះប្រដាប់អាវុធជាសង្គ្រាមឧក្រិដ្ឋកម្ម»។
«ក្រុមមេបញ្ជាការដែលបានបរាជ័យក្នុងការបញ្ឈប់ទង្វើដ៏សាហាវយង់ឃ្នងបែបនេះ អាច ធ្វើឲ្យពួកគេទទួលខុសត្រូវ ចំពោះសង្គ្រាមឧក្រិដ្ឋកម្ម»។
ម្តាយរបស់ក្មេងប្រុសអាយុ ៨ ឆ្នាំ បានប្រាប់អង្គការនេះថា កូនប្រុសរបស់លោកស្រី ត្រូវបានគេចាប់រំលោភយ៉ាងតិច ២ ដងនៅឆ្នាំ ២០១៨ នៅវិហារអ៊ិស្លាមមួយ រំលោភរៀងរាល់លើកដោយបុរស ២ នាក់នៅក្នុងនោះ មានកូនប្រុសរបស់អ្នកបួសលោក Islah ចូលរួមជាមួយផងដែរ។
Al-Islah គឺជាគណបក្សអ៊ិស្លាមយេម៉ែនមួយ ដែលជាប្រវត្តិសាស្ត្រមានទំនាក់ទំនងជាមួយក្រុមបងប្អូនមូស្លីម និងអារ៉ាប៊ី សាអ៊ូឌីត៕ AFP/SK
_2.jpg)
ក្រុមយុទ្ធជនយេម៉ែនមកពីគណៈកម្មាធិការតស៊ូប្រជាប្រិយនិយមចូលរួមពិធីចែកសញ្ញាបត្រនៅក្នុងក្រុង Taez កាលពីថ្ងៃទី ១១ ខែ មីនា។ AFP
