អាមេរិក​ពង្រាយ​ទាហាន​ទៅ​​ ​ឆាដ តាម​ប្រមាញ់​ក្មេងស្រី​នីហ្សេរីយ៉ា


ក្រុងចូសៈ ក្រុម​មន្ត្រី​បាន​និយាយ​ពី​ថ្ងៃ​ពុធ​ថា អាមេរិក​បាន​ដាក់​ពង្រាយ​យន្តហោះ​គ្មាន​អ្នក​បើកបរ​មួយ​គ្រឿង និង​ទាហាន​៨០​នាក់ ទៅ​កាន់​ប្រទេស​ឆាដ ដើម្បី​ជួយ​ក្នុង​កិច្ចប្រឹងប្រែង​សង្គ្រោះ​ក្មេងស្រី​សិស្សសាលា ជាង​២០០​នាក់​ដែល​ត្រូវ​បាន​ចាប់​ពង្រត់​នៅក្នុង​ប្រទេស​ជិត​ខាង​នីហ្សេរីយ៉ា​។

ក្នុង​លិខិត​មួយ​ផ្ញើ​ជូន​សភា ប្រធានាធិបតី​អាមេរិក លោក បារ៉ាក់ អូបាម៉ា បាន​ថ្លែង​ថា កងពល​តូច​យោធា​នោះ​នឹង​ស្នាក់នៅ​ឆាដ​រហូត​ដល់​ការ​គាំទ្រ​ពួកគេ ដើម្បី​បញ្ចប់​សុបិន​អាក្រក់​ការ​ចាប់​ពង្រត់​ដែល​បាន​ធ្វើឲ្យ​ពិភពលោក​ខឹង​លែង​ត្រូវការ​។

លោក​បាន​បន្ត​ថា៖ «កម្លាំង​ទាំងនេះ​នឹង​គាំទ្រ​ប្រតិបត្តិការ ចារកម្ម ឃ្លាំមើល និង​យន្តហោះ ស៊ើប​យក​ការណ៍​សម្រាប់​បេសកកម្ម​នៅ​ភាគ​ខាង​ជើង​នីហ្សេរីយ៉ា និង​តំបន់​ជុំវិញ»។

លោក​បាន​ថ្លែង​ថា៖ «កម្លាំង​នោះ​នឹង​នៅ​ឆាដ រហូត​ទាល់​តែ​ការ​គាំទ្រ​របស់​ខ្លួន​ក្នុង​ការ​ដោះស្រាយ​ស្ថានការណ៍​នោះ លែង​ត្រូវការ​»។

កាលពី​ថ្ងៃ​ពុធ​ដែរ ក្រុម​សាក្សី បាន​និយាយ​ថា ក្រុម​ខ្មាន់កាំភ្លើង​បូកូហារ៉ាម​នេះ​បាន​សម្លាប់​មនុស្ស​៥០​នាក់​នៅក្នុង ការ​វាយប្រហារ​៣​ដោយឡែក​ពី​គ្នា ដែល​នៅក្នុង​នោះ​ការ​វាយប្រហារ​ពីរ​នៅ​ក្បែរ​តំបន់​ជីបូក ជា​ទី​ប្រជុំជន នីហ្សេរីយ៉ា​ដែល​ក្រុម​អ៊ិស្លាម​និយម បាន​ចាប់​ពង្រត់​ក្មេងស្រី​សិស្ស​សាលា​ជាង​២០០​នាក់ កាលពី​ខែ​មុន​។

ដោយ សុំ​មិន​បញ្ចេញ​ឈ្មោះ​អ្នក​ស្រុក​មួយ​ចំនួន​បាន​ប្រាប់ AFP ថា ការ​វាយប្រហារ​ទី​១​នៅ​រសៀល​ថ្ងៃ​ចន្ទ បាន​សម្លាប់​មនុស្ស​១០​នាក់​នៅក្នុង​ភូមិ​សាវ៉ា ចម្ងាយ​ប្រមាណ​៧​គ.ម​ពី​ទីប្រជុំជន​ជីបូក​ក្នុង​រដ្ឋ​បូរណូ ភាគ​ឦសាន​។

អ្នកស្រី​ហារូណាប៊ីត្រាស់ បាន និយាយ​ថា​៖ «​ការ​វាយប្រហារ​ទី​ពីរ បាន​ចាប់ផ្តើម​បាញ់រះ និង​ដុត​ផ្ទះ​សម្បែង​របស់​យើង​។ យើង​បាន​គេច​ខ្លួន​ទៅក្នុង​ព្រៃ​។ ពួកគេ​បាន​សម្លាប់​មនុស្ស​របស់​យើង​២០​នាក់»។

ក្នុង​ការ​វាយប្រហារ ទី​៣​ក្រុម​សកម្មប្រយុទ្ធ​ដែល​គេ​សង្ស័យ បាន​សម្លាប់​មនុស្ស​យ៉ាង​តិច​២៥​នាក់​នៅក្នុង​ការ​វាយឆ្មក់​ទៅលើ​តំបន់ ជូកូនហ្គូដូ ស្ថិត​នៅលើ​មាត់​បឹង​ឆាដ ម៉ោង​ប្រហែល​ជា​១​រសៀល​ថ្ងៃ​ពុធ៕ PSA

ព័ត៌មានថ្មីៗ