លោកប្រធានាធិបតីអ៊ីរ៉ង់ ហាស្សាន រូហានី ថ្លែងក្នងជំនួបជាមួយក្រុមបុគ្គលិកនៃក្រសួងការបរទេសអ៊ីរ៉ង់។ AFP
.jpg)
ក្រុងតេអេរ៉ង់ៈ សារព័ត៌មានPress TV បានរាយការណ៍កាលពីថ្ងៃចន្ទថា កងការពារបដិវត្តន៍អ៊ិសា្លមរបស់អ៊ីរ៉ង់ (IRGC) បានព្រមានប្រឆាំងនឹងវត្តមានណាមួយរបស់អ៊ីស្រាអែលនៅតំបន់ឈូងសមុទ្រ។
លោក AlirezaTangsiri ជាមេបញ្ជាការកងទ័ពជើងទឹកនៃ IRGC បាននិយាយកាលពីថ្ងៃអាទិត្យថា៖ «វត្តមានណាមួយរបស់របបអ្នកគិត និងស្ថាបនិកនិយមអ៊ីស្រាអែលនៅក្នុងដែនសមុទ្រអន្តរជាតិ ខុសច្បាប់ ខណៈដែលវត្តមាននោះអាចនាំឲ្យកើតសង្គ្រាម និងការប្រឈមមុខដាក់គ្នានៅក្នុងតំបន់»។
លោក Tangsiri បានបញ្ជាក់ថា៖ «អាមេរិកនិងអង់គ្លេសត្រូវទទួលខុសត្រូវចំពោះវត្តមានខុសច្បាប់របស់របបអ្នកគិត និងស្ថាបនិកនិយមនៅក្នុងដែនសមុទ្រនោះ»។
សម្តីរបស់មេបញ្ជាការ IRGC បានកើតឡើងបន្ទាប់ពីទំនោរចិត្តថ្មីៗរបស់អ៊ីស្រាអែលចូលរួមជាមួយផែនការរបស់អាមេរិកក្នុងការបង្កើតក្រុមចម្រុះយោធា ដើម្បីបង្កើនសន្តិសុខនៅតំបន់ឈូងសមុទ្រ៕ Xinhua/PSA
