ដោយ​ផ្តើម​ជីវិត​នៅ​ក្នុង​គ្រួសារ​មាន​សន្តាន​ព្រះ​ធម៌​ពេញ​ខ្លួន លោក​ស្រី ញ៉ឹក ប៊ុនថា បាន​ថ្វាយ​ជីវិត​របស់​ខ្លួន​ទៅ​នឹង​ព្រះ​ពុទ្ធ​សាសនា​ស្ទើរ​ពេញ​មួយ​ជីវិត​ទៅ​ហើយ ហើយ​នៅ​ជីវិត​ចុង​ក្រោយ​នេះ ស្ត្រី​ដែល​លះ​បង់​កិលេស​មិន​យក​គ្រួសារ​ដើម្បី​សាសនា​រូប​នេះ បាន​និង​កំពុង​លះ​បង់​ទ្រព្យ​សម្បត្តិ​ផ្ទាល់​ខ្លួន និង​កៀរគរ​ពុទ្ធ​សាសនិក​ទាំង​អស់​សាង​សង់​នូវ​មហា​សំណង់​ប្រាសាទ​ដ៏​អស្ចារ្យ​បំផុត​មាន​កម្ពស់​រហូត​ដល់​ទៅ ៩២,៧០ ម៉ែត្រ​នៅ​លើ​ស្ថាន​សួគ៌​បៃតង​ភ្នំ​គិរីរម្យ ដោយ​ដាក់​ឈ្មោះ​ថា «មជ្ឈមណ្ឌល​វប្បធម៌​ព្រះ​ពុទ្ធ​សាសនា​កម្ពុជា»។