ភ្នំពេញៈ ពហុកីឡដ្ឋាន​ជាតិ ឬ​ហៅថា ស្តាត​អូឡាំពិក ជាទី​តាំង​សំណង់​ចំណាស់​ប្រវត្តិសាស្ត្រ​មួយ​ស្ថិត​នៅ​ក្រោមការ​គ្រប់គ្រង​របស់​ក្រសួង​អប់រំ យុវជន និង​កីឡា សម្រាប់​ប្រើប្រាស់​ក្នុង​សកម្មភាព​ភាព​កីឡា និង​សម្រាប់​ជួល​ឲ្យ​ក្រុមហ៊ុន​ឯកជន​សម្តែង​សិល្បៈ ព្រមទាំង​ការធ្វើ​ពាណិជ្ជកម្ម​ផ្សេងៗ​ទៀត ជា​ញឹកញាប់ ប៉ុន្តែ​ការរក្សា​សណ្តាប់​ធ្នាប់​គ្រប់គ្រង​អនាម័យ ព្រមទាំង​អំពើ​ចោរកម្ម តែងតែ​កើត​មាន​ឡើង​ជាបន្ត​បន្ទាប់ ចំណែក​ក្រុម​សន្តិសុខ​ភាគ​ច្រើន រវល់​ផ្តោត​តែ​ទៅ​លើការ​យក​លុយ​ថ្លៃ​ផ្ញើ​ម៉ូតូ ឡាន ជា​ចម្បង ហើយ​ការ​បាត់បង់​សម្ភារ និង​ម៉ូតូ​មួយ​ចំនួន គ្មាន​អ្នក​ទទួល​ខុសត្រូវ។