ប្រវែង ៨៨ សង់ទីម៉ែត្រ និងមើមដំឡូងឈាមមាន់ទម្ងន់ដល់ទៅ ១៦,៨គីឡូក្រាម។ AFP
ឈើគ្រប់ដើមសុទ្ធតែផ្ដល់អុកស៊ីសែនដល់មនុស្ស តែដើមឈើខ្លះផ្ដល់នូវប្រយោជន៍លើសពីនេះ ដោយពួកវាមានគុណសម្បត្ដិប្លែកៗ។
រូបភាព ទាំងនេះបានបង្ហាញពីដើមឈើអស្ចារ្យក្នុងលោកដែលមានរូបរាងស្រស់ស្អាត ចាស់បំផុត ធំបំផុត និងចម្លែកៗបំផុតក្នុងលោក។ រូបភាពទាំងនេះត្រូវបានដកស្រង់ចេញពីសៀវភៅ «ដើមឈើវៃឆ្លាត» ដែលមានដំណាលរឿងប្រវត្ដិសាស្ដ្រ និង វប្បធម៌របស់វាចាប់ពីកាលីហ្វរនីញ៉ា រហូតដល់ ឥណ្ឌា។
វាបង្ហាញពីរូបភាពដែលថតដោយអ្នកថតរូប Diane Cook និង Len Jenshel ដែលចំណាយពេល ២ ឆ្នាំធ្វើដំណើរជុំវិញពិភពលោក ដើម្បីផ្ដិតយករូបភាពដើមចម្លែក ៥៩ ដើម។
ដើមស្រល់យក្ស Great Basin ស្ថិតក្នុងតំបន់ព្រៃជាតិអុីនយ៉ូ រដ្ឋកាលីហ្វរនីញ៉ា គឺជាប្រភេទដើមឈើចំណាស់បំផុតក្នុងលោក ដោយពូជខ្លះមានអាយុកាលជាង ៥០០០ ឆ្នាំឯនោះ។
យោងតាមសៀវភៅនេះ ទីតាំងពិតប្រាកដនៃរុក្ខជាតិបុរាណនេះត្រូវបានរក្សាជាអាថ៌កំបាំងដោយឆ្មាំព្រៃដើម្បីបញ្ជៀសពីការកាប់បំផ្លាញ។
«ដើមហាងលក់បង្អែម» ដែលដុះក្នុងហាងលក់បង្អែមរបស់គ្រួសារយ៉ាដាវ ក្នុងក្រុងវ៉រ៉ាណាស៊ី ប្រទេសឥណ្ឌា។ គ្រួសារនេះសង់ហាងព័ទ្ធជុំវិញដើមឈើ ជាវត្ថុដ៏ពិសិដ្ឋមួយរបស់ឥណ្ឌា។
សៀវភៅនេះបានបង្ហាញថា៖ «អស់រយៈពេលជាច្រើនសតវត្សរ៍ គ្រប់ផ្នែកទាំងអស់នៃដើមនីមនេះ ត្រូវបានប្រើក្នុងឱសថបុរាណឥណ្ឌា។ នៅតំបន់ជនបទនៃប្រទេស វាត្រូវបានប្រើជាឱសថបំបាត់ការឈឺចាប់ គ្រុនក្ដៅ ជំងឺឆ្លង និងជំងឺផ្សេងៗទៀត។
ដើមជូនីព័រអ៊ូតាពន្យួស្បែកជើង នៅសហគមន៍ Hallelujah Junction លើដងវិថីហាវ៉េលេខ ៣៩៥ រដ្ឋកាលីហ្វរនីញ៉ាសហរដ្ឋអាមេរិក។
សៀវភៅបានឲ្យដឹងថា គ្មាននរណាច្បាស់ពីមូលហេតុដែលមនុស្សនាំគ្នាយកស្បែកជើងទៅពន្យួលើដើមឈើនោះឡើយ កាលពីប៉ុន្មានទសវត្សរ៍មុន ហើយនាយកដ្ឋានដឹកជញ្ជូនរដ្ឋកាលីហ្វរនីញ៉ា ត្រូវតែយកស្បែកជើងនោះចេញជារឿយៗ។
ឈើអូករស់ ឯភាគខាងត្បូងឧទ្យានស៊ីធី នៃទីក្រុងញូវអរលែនស៍ រមែងត្រូវបានចាត់ទុកជាដើមឈើអូកចម្បាំង។ នេះដោយសារតែសុភាពបុរសសតវត្សរ៍ទី១៩ រមែងណាត់គ្នាប្រយទ្ធនៅក្រោមដើមអូកដោយប្រើកាំភ្លើង និងដាវ។ សៀវភៅបន្ដថា ចន្លោះឆ្នាំ១៨៣៤ និងឆ្នាំ១៨៤៤ គូប្រជែងទាំងពីរត្រូវបានប្រទះឃើញប្រយុទ្ធគ្នារាល់ថ្ងៃ។
ដើមឈើដែប៊ី បូប នៅតំបន់គីមបែលី រដ្ឋវ៉េស្ទើនអូស្ដ្រាលី ប្រទេសអូស្ដ្រាលី។ យោងតាមសៀវភៅ អ្នកស្រុកដើមរមែងប្រើដើមឈើនេះជាប្រភពទឹកអំឡុងរដូវប្រាំង។ ពូជឈើពេញវ័យមួយដើមអាចផ្ទុកទឹកជិត ១០០ ម៉ែត្រគូប។ វាក៏ត្រូវបានប្រើជាកន្លែងរក្សាអធិធាតុ និងត្រូវបានជឿថា មានអាយុ ១៥០០ ឆ្នាំ។
ដើមឈើឌីស្កូវើរី ស្ថិតក្នុងឧទ្យាន Calaveras Big Trees State Park រដ្ឋកាលីហ្វរនីញ៉ា។ ឈើនេះជាដើមឈើធំដែលទើបត្រូវបានកាប់រំលំកាលពីឆ្នាំមុនក្រោយពីរកឃើញដំបូង (វាចំណាយមនុស្ស ២៥ នាក់ និងរយៈពេល ៣ សប្ដាហ៍ទើបអាចផ្ដួលវាបាន)។ គេជឿថា វាមានអាយុកាលជាង ១២០០ ឆ្នាំ។
សៀវភៅបន្ដថា ការកាប់រំលំដើមឈើយក្សនេះគឺជាការចាប់ផ្ដើមយុទ្ធនាការអភិរក្សពូជឈើយក្សនៅកាលីហ្វរនីញ៉ា។
ដោយហៅថា ដើមឈើ Tomb Raider ស្ថិតក្នុងខេត្ដសៀមរាប ប្រទេសកម្ពុជា ដែលបានបង្ហាញរូបរាងក្នុងភាពយន្ដហូលីវូដរបស់អេនជឺលីណា ជោលី ក្នុងឆ្នាំ ២០០១។
ភាពអស្ចារ្យរបស់វាគឺឫស្សច្រូងច្រាសចុះត្បាញជាប់នឹងតួប្រាសាទបុរាណ តាព្រហ្ម ដែលត្រូវបានបោះបង់ចោលក្នុងសតវត្សរ៍ទី១៥ ក្រោយពីចក្រភពខ្មែរបានដួលរលំ។ សៀវភៅកំណត់ត្រាបានបង្ហាញថា ក្រុមបុរាណវត្ថុវិទូ បានចាត់ទុកការចាក់ឫស្សពូនលើតួប្រាសាទជាចំណងអភូតហេតុដ៏វិសេសរវាងធម្មជាតិ និងស្ថាបត្យកម្ម។
ដើមពោធិពិសិដ្ឋ នៅភូមិអាសាឌូរ៉េន ភាគខាងលិចកោះបាលី មានរូងចំកណ្ដាលសម្រាប់រថយន្ដពីរអាចបើកបរឆ្លងកាត់។ ពេលកសាងផ្លូវ ក្រុមហ៊ុនបានដឹងថា មិនអាចសង់ផ្លូវព័ទ្ធជុំវិញដើមឈើយក្សនេះឡើយ ដូច្នេះ ពួកគេកសាងផ្លូវទម្លុះដើមឈើវិញ។ សៀវភៅបានបន្ដថា សាសនាព្រាហ្មរបស់អ្នកកោះបាលី ហាមប្រាមការកាប់បំផ្លាញដើមពោធិ។
ដើមអែលអាបុល ដែលធូឡេ នៅក្រុងអូកសាកា ប្រទេសម៉ិកស៊ិក ដែលមានដើមទំហំ ៤២,៦៧ ម៉ែត្រ។ អ្នកស្រុកដើមម៉ិកស៊ិកបានធ្វើពិធីបូជាចំពោះដើមឈើយក្សនេះ ហើយវានៅតែបន្ដជាប្រភពអំនួតវប្បធម៌។ វាត្រូវបានជឿថាមានអាយុកាលចន្លោះពី ១២០០ ទៅ ៣០០០ ឆ្នាំមុន៕ HR
