សៀមរាបៈ ប្រាក់ចំណូល​យ៉ាងច្រើន ដែល​ប្រមូល​បាន​ពី​ភ្ញៀវទេសចរ ចូល​ទៅ​ទស្សនា​ប្រាសាទ​អង្គរ និង​ការ​ចំណាយ​ផ្សេងៗ​នៅតែ​ត្រូវ​បាន​គេ​លាក់បាំង បើ​ទោះបី​ជា​រដ្ឋសភា បាន​ធ្វើការ​សួរ​ដេញដោល​ជា​បន្តបន្ទាប់ ពី​បញ្ហា​នេះ​ក្តី​។ នេះ​បើ​តាម​លោក សុន ឆ័យ អនុប្រធាន​គណៈកម្មការ​ហិរញវត្ថុ និង​ធនាគារ​នៃ​រដ្ឋសភា ដែល​បាន​ថ្លែង​ប្រាប់​ក្រុម​អ្នកកាសែត បន្ទាប់ពី​ប្រធាន​គណៈកម្មការ​នេះ លោក ជាម យៀប បាន​ដឹកនាំ​គណៈប្រតិភូ​ចូល​ជួប​អាជ្ញាធរ​អប្សរា​នៅ​ខេត្ត​សៀមរាប កាលពី​ថ្ងៃ​ចន្ទ​។