ផ្ទះមួយខ្នងត្រូវបានបំផ្លាញទាំងស្រុងដោយសារបាតុភូតរញ្ជួយដី។ AFP
កោះលុមបូកៈ ក្រុមមន្ត្រីបានថ្លែងថា បាតុភូតរញ្ជួយដីមួយនៅលើកោះទេសចរណ៍លុមបូកនៃប្រទេសឥណ្ឌូនេស៊ីបានបណ្តាលឲ្យមនុស្សយ៉ាងតិច ១៣ នាក់ស្លាប់ រងរបួសរាប់រយនាក់ និងបានបំផ្លាញផ្ទះសំបែងជាច្រើនខ្នងកាលពីថ្ងៃអាទិត្យ។
រញ្ជួយដីមានកម្លាំង ៦,៤ វ៉ិចទ័រដែលបានធ្វើឲ្យកោះនោះញ័ររញ្ជួយនៅពេលព្រឹកព្រលឹមបានធ្វើឲ្យប្រជាជនរត់ចេញក្រៅដោយភ័យតក់ស្លុត និងបានបង្កឲ្យបាក់ដីនៅតាមផ្លូវឆ្លងកាត់ព្រៃភ្នំដ៏មានប្រជាប្រិយភាពនេះ។
រំញ័រពីដំបូងឡើយនៅភាគខាងជើងកោះនេះបានកើតឡើងដោយរញ្ជួយដីដ៏ខ្លាំងក្លាលើកទី ២។
លោក Sutopo Purwo Nugroho អ្នកនាំពាក្យនៃទីភ្នាក់ងារកាត់បន្ថយគ្រោះមហន្តរាយឥណ្ឌូនេស៊ីបានថ្លែងថា៖ «រញ្ជួយដីនោះបានបណ្តាលឲ្យមនុស្សយ៉ាងតិច ១៣ នាក់ស្លាប់រាប់រយនាក់រងរបួស និងផ្ទះសំបែងរាប់រយខ្នងត្រូវរងការខូចខាត»។
លោក Nugroho បានថ្លែងថា៖ «យើងបានប៉ាន់ប្រមាណថា ចំនួននោះនឹងបន្តកើនឡើងដោយសារយើងមិនបានប្រមូលទិន្នន័យទាំងអស់នោះនៅឡើយទេ»។
លោក Sutopo Purwo Nugroho បានថ្លែងថាស្ត្រីឥណ្ឌូនេស៊ីម្នាក់មានវ័យ ៣០ ឆ្នាំក៏ស្ថិតនៅក្នុងចំណោមអុ្នកស្លាប់ទាំងនោះដែរ ដោយបានបន្ថែមថា អ្នកដែលរងរបួសទាំងអស់នោះគឺដោយសារត្រូវកម្ទេចថ្ម៕ PSA
