រថយន្តតូយ៉ូតាដែលតាំងបង្ហាញនៅក្នុងទីក្រុងតូក្យូក្នុងពេលកន្លងមក។ AFP
ទីក្រុងតូក្យូៈ ក្រុមហ៊ុនផលិតរថយន្ត តូយ៉ូតា បានឲ្យដឹងនៅថ្ងៃពុធថា ប្រាក់ចំណេញសុទ្ធបានហក់ឡើងជាង ៤៦០ ភាគរយ ដែលជាត្រីមាសដំបូង ដែលកើនឡើងដោយការលក់ខ្លាំងរុញច្រើនដោយការងើបឡើងវិញពីវិបត្តិវិរុសកូរ៉ូណា។
ក្រុមហ៊ុនផលិតរថយន្តលក់ដាច់បំផុតក្នុងពិភពលោកទទួលបានប្រាក់ចំណេញសុទ្ធ ៨៩៧,៨ ពាន់លានយ៉េន (៨,២ ពាន់លានដុល្លារ) សម្រាប់ត្រីមាសទី ២ ដល់ខែមិថុនា ដែលកំណត់សម្រាប់ត្រីមាសដំបូងបំផុត និងកើនឡើង ១៥៨,៨ ពាន់លានយ៉េន ក្នុងរយៈពេលដូចគ្នានៃឆ្នាំមុន។
ប៉ុន្តែក្រុមហ៊ុននេះបានបង្ហាញការព្យាករប្រាក់ចំណេញសុទ្ធពេញ ១ ឆ្នាំដោយមិនផ្លាស់ប្តូរទេ ដែលមាន ២,៣ ពាន់ពាន់លានយ៉េន ដោយលើកឡើង «ពីភាពមិន ច្បាស់លាស់ និងបន្ទាប់ពីត្រីមាសទី ២»។
ក្រុមហ៊ុនតូយ៉ូតាបានស្ទុះងើបឡើងវិញយ៉ាងឆាប់រហ័សពីផលប៉ះពាល់នៃការរីករាលដាលកូវីដ ១៩ លឿនជាងក្រុមហ៊ុនគួប្រកួត ដោយទទួលបាននូវងារជាក្រុមហ៊ុនផលិតរថយន្តលក់ដាច់បំផុតកាលពីឆ្នាំមុន។
កាលពីសប្តាហ៍មុន ក្រុមហ៊ុនបានឲ្យដឹងថា ការលក់ទូទាំងសកលលោករបស់ក្រុមហ៊ុន បានឈានដល់កំណត់ត្រាខ្ពស់សម្រាប់រយៈពេល ៦ ខែ ដល់ខែមិថុនា ដោយសារតម្រូវការ ល្អសម្រាប់រថយន្តប្រភេទ Highlander និង Camry នៅសហរដ្ឋអាមេរិក និងប្រភេទ Corolla និង Lexus នៅក្នុងប្រទេសចិន។
ក្រុមហ៊ុនបានអះអាងក្នុងសេចក្តីថ្លែងការថា៖ «លទ្ធផលក្នុងត្រីមាសទីមួយ ជាលទ្ធផលនឹងធឹង...ការលក់ និងការផ្គត់ផ្គង់ថេរ ទោះបីមានកង្វះខាតឧបករណ៍ពាក់កណ្តាលចម្លង និងការរីករាលដាលនៃកូវីដ ១៩»។
ក្រុមហ៊ុនផលិតរថយន្តយក្សជប៉ុននេះរហូតដល់ពេលនេះតានតឹងចំពោះការខ្វះខាតឧបករណ៍ពាក់កណ្តាលចម្លង ដែលបង្ខំឲ្យក្រុមហ៊ុនគូប្រជែងដើម្បីកាត់បន្ថយទិសដៅផលិតកម្ម ប៉ុន្តែពេលនេះវាប្រឈមការរំខានខ្លះ។
ក្នុងខែមិថុនា ក្រុមហ៊ុនតូយ៉ូតាបានផ្អាកប្រតិបត្តិការជាបណ្តោះអាសន្ននៅរោងចក្រក្នុងស្រុកពីរដោយសារវិបត្តិខ្វះបន្ទះឈីបជាមួយនឹងការផ្អាកខ្លីទីបីដែលកំពុងដំណើរការនៅរោងចក្រដាច់ដោយឡែកមួយទៀត។
លោក Yasuo Imanaka ប្រធានអ្នកវិភាគនៅក្រុមហ៊ុនមូលបត្រ Rakuten បាននិយាយ៖ «ការផ្គត់ផ្គង់ឧបករណ៍ពាក់កណ្តាលសម្រេចត្រូវគេរំពឹងថានៅតែតានតឹងយ៉ាងហោចដល់ឆ្នាំក្រោយ ពីព្រោះការងើបឡើងវិញសេដ្ឋកិច្ចសកល ពីការរីករាលដាលវីរុសគួរតែជំរុញបន្ថែមទៀតដល់តម្រូវការឈីបក្នុងវិស័យជាច្រើន»៕ RR
