ធនាគារ​កណ្តាល​កូរ៉េ​បង្កើន​ការប្រាក់​បន្ថែម​ដល់​ ១% ចំពេល​មាន​ក្តីបារម្ភ​អំពី​អតិផរណា

Content image - Phnom Penh Post
លោក Lee Ju-yeol ទេសាភិបាល​ធនាគារកណ្តាល​កូរ៉េ BOK ។ AFP

ទីក្រុងសេអ៊ូលៈ ធនាគារកណ្តាល​កូរ៉េខាងត្បូង BOK នៅ​ថ្ងៃ​ព្រហស្បតិ៍​បាន​ដំឡើង​អត្រា​ការប្រាក់​ចំនួន​ ២៥ ​ពិន្ទុ​មូលដ្ឋាន ដែល​វិល​ទៅរក​អត្រា​ ១ ​ភាគរយ​បន្ទាប់ពី​រយៈពេល​ ២០ ​ខែ ខណៈ​ដែល​ការធ្វើឱ្យ​ប្រសើរឡើង​នូវ​គោលដៅ​អតិផរណា​នៅ​ឆ្នាំនេះ​។

នៅក្នុង​ការសម្រេច​ដែល​បាន​រំពឹងទុក ធនាគារ​កណ្តាល​កូរ៉េ​បាន​អនុវត្ត​ការដំឡើង​អត្រា​ការប្រាក់ ដែល​ជា​លទ្ធផល​នៃ​កិច្ចប្រជុំ​គោលនយោបាយ​រូបិយវត្ថុ​ចុងក្រោយ​នៃ​ឆ្នាំនេះ​។ ធនាគារកណ្តាល​បាន​ឈរលើ​អត្រា​មូលដ្ឋាន​របស់ខ្លួន​នៅក្នុង​កិច្ចប្រជុំ​កំណត់​អត្រា​ការប្រាក់​មុន​កាលពី​ខែ​មុន បន្ទាប់ពី​បាន​អនុវត្ត​ការដំឡើង​អត្រា​ការប្រាក់​ពី​ ២៥ ​ពិន្ទុ​មូលដ្ឋាន​ដល់ 0,75 ភាគរយ​នៅក្នុង​ខែសីហា​។ ការផ្លាស់ប្តូរ​នៅក្នុង​ខែសីហា​បានបញ្ចប់​រយៈពេល​ជាង​ ១ ​ឆ្នាំ​នៃ​អត្រា​ការប្រាក់​ទាប​បំផុត​ចំពេល​មាន​ការរាតត្បាត​នៃ​ជំងឺ​កូវីដ​ ១៩​។

ទិន្នន័យ​រដ្ឋាភិបាល​បានបង្ហាញ​ BOK បានលើកឡើង​ពី​ល្បឿន​ស្ថិរភាព​នៃ​ការងើប​ឡើងវិញ​នៃ​ប្រទេស​កូរ៉េ​ដែល​មាន​សេដ្ឋកិច្ច​ធំជាងគេ​ទី​ ៤ ​នៅ​អាស៊ី​ដែល​គាំទ្រ​ដោយ​ការចាក់​វ៉ាក់សាំង និង​ការនាំចេញ​ដ៏រឹងមាំ​។ ទិន្នន័យ​របស់​រដ្ឋាភិបាល​បាន​បង្ហាញថា ការនាំ​ចេញទៅ​ក្រៅប្រទេស​របស់​ប្រទេស​កូរ៉េ​បាន​កើនឡើង​ ២៤ ​ភាគរយ​ធៀប​នឹង​ឆ្នាំមុន​ក្នុង​ខែតុលា ដល់​ ៥៥,៥៥ ​ពាន់​លាន​ដុល្លារ​។

រដ្ឋាភិបាល​នៅ​ដើមខែ​នេះ​បាន​អនុម័ត​ការវិលត្រឡប់​មករក​ភាព​ធម្មតា​វិញ​ជា​ដំណាក់កាល​នៅក្នុង​គ្រោងការ​ «​រស់នៅ​ជាមួយ​កូវីដ​ ១៩» ហើយ​ ៧៩,៣ ភាគរយ​នៃ​ប្រជាជន​កូរ៉េ​សរុប ៥១ ​លាន​នាក់​ត្រូវបាន​ចាក់​វ៉ាក់សាំង​យ៉ាង​ពេញលេញ​នៅ​ដើម​ថ្ងៃ​ព្រហស្បតិ៍​។

BOK បាន​កត់សម្គាល់​ថា សេដ្ឋកិច្ច​របស់​ប្រទេស​នេះ​ត្រូវបាន​ព្យាករ​ថា​នឹង​សម្រេចបាន​នូវ​គោលដៅ​ប្រចាំឆ្នាំ​របស់ខ្លួន​ចំនួន​ ៤ ​ភាគរយ​នៅ​ឆ្នាំនេះ​។ ប៉ុន្តែ​ខណៈពេល​ដែល​ទស្សនវិស័យ​សេដ្ឋកិច្ច​ទាំងមូល​នៅតែ​មាន​ភាពរស់រវើក BOK បានបង្ហាញ​ពី​ក្តីបារម្ភ​កាន់តែ​ខ្លាំង​អំពី​ការកើនឡើង​នៃ​សម្ពាធ​អតិផរណា ដោយ​បង្កើន​គោលដៅ​អតិផរណា​របស់ខ្លួន​សម្រាប់​ឆ្នាំនេះ និង​ឆ្នាំក្រោយ​។ វា​បាន​បង្កើន​គោលដៅ​អតិផរណា​នៅ​ឆ្នាំនេះ​ដោយ​ ០,២ ​ភាគរយ​ដល់​ ២,៣ ភាគរយ ហើយ​តួលេខ​ដែល​ត្រូវ​គ្នា​នៅ​ឆ្នាំក្រោយ​ដោយ​ ០,៥ ​ភាគរយ​ដល់ 1.5 ភាគរយ​។

ទិន្នន័យ​រដ្ឋាភិបាល​បាន​បង្ហាញថា ក្នុង​ខែតុលា តម្លៃ​ប្រើប្រាស់​របស់​ប្រទេស​កូរ៉េ​ឡើង​ ៣,២ ​ភាគរយ​ធៀប​នឹង​ខែតុលា​ឆ្នាំមុន ដែល​បង្ហាញ​នូវ​ការកើនឡើង​លឿន​បំផុត​ធៀប​រយៈពេល​ដូចគ្នា​ក្នុង​ ១ ​ទសវត្សរ៍​។

លោក Lee Ju-yeol ទេសាភិបាល​ធនាគារកណ្តាល​កូរ៉េ​បាន​លើកឡើង​ថា ការរាំងស្ទះ​ការផ្គត់ផ្គង់​ជា​សកល និង​តម្លៃ​ប្រេង​ហក់​ឡើង​នៅ​ពីក្រោយ​តម្លៃប្រើប្រាស់​កើនឡើង​។

លោក Lee បាន​និយាយ​នៅក្នុង​សន្និសីទ​សារព័ត៌មាន​ដែល​ភ្ជាប់​នឹង​កិច្ចប្រជុំ​កំណត់​អត្រា​ការប្រាក់​កាលពី​ថ្ងៃ​ព្រហស្បតិ៍​ថា​៖ «​ផ្លូវ​ឆ្ពោះទៅរក​ការងើប​ឡើងវិញ​នាពេល​បច្ចុប្បន្ននេះ​ពាក់ព័ន្ធ​នឹង​ការរាំងស្ទះ​ការផ្គត់ផ្គង់​សកល​ដែល​មិន​ធ្លាប់មាន​ពីមុនមក ដែល​ត្រូវបាន​កម្រិត​សកម្មភាព​ពាក់ព័ន្ធ ហើយ​បាននិង​កំពុង​ជំរុញ​ឱ្យ​មាន​អតិផរណា​»៕ Korea Herald-ANN/RR

ព័ត៌មានថ្មីៗ