រថយន្តអគ្គិសនីខ្នាតតូចនៅក្នុងប្រទេសថៃដែលគេថតបានកាលពីខែកុម្ភៈ ឆ្នាំ ២០២១។ AFP
ទីក្រុងបាងកកៈ ក្នុងកិច្ចខិតខំដើម្បីជំរុញឱ្យមានរថយន្តអគ្គិសនី(EV)ច្រើនថែមទៀតដើម្បីធ្វើចរាចរណ៍តាមដងផ្លូវនៅប្រទេសថៃ គណៈកម្មាធិការគោលនយោបាយរថយន្តអគ្គិសនីជាតិ ត្រៀមរួចរាល់ដើម្បីដាក់សំណើសេចក្តីព្រាងទៅកាន់គណៈរដ្ឋមន្ត្រីនៅថ្ងៃអង្គារ។
សេចក្តីព្រាងគោលនយោបាយនេះមានគោលបំណងឱ្យមានការអនុវត្តក្នុងត្រីមាសដំបូងនៃឆ្នាំ ២០២២។
យោងតាមសំណើនោះ ការលើកទឹកចិត្តដែលផ្តល់ទៅឱ្យអ្នកទិញរថយន្តអគ្គិសនីនឹងមានរយៈពេល៤ទៅ៥ឆ្នាំ និង មានបំណងជំរុញឱ្យមានរថយន្តប្រហែល៣០ម៉ឺនគ្រឿងលើដងផ្លូវក្នុងរយៈពេលនោះដែរ។
គណៈកម្មាធិការកំពុងដាក់ស្នើការកាត់បន្ថយពន្ធអាករ ពន្ធគយ និង ការឧបត្ថម្ភធនរបស់រដ្ឋាភិបាលមានកញ្ចប់ទឹកប្រាក់៤០ពាន់លានបាត។
ក្រោមវិធានការព្រាងនេះគម្រោងចំនួនពីរនឹងត្រូវផ្តល់ជូនដោយមួយសម្រាប់រថយន្តតម្លៃថោកជាង២លានបាតនិងមួយសម្រាប់រថយន្តដែលមានតម្លៃជាង២លានបាត។
រថយន្តEVដែលមានតម្លៃតិចជាង២លានគ្រឿងនឹងរីករាយជាមួយនឹងការកាត់បន្ថយពន្ធគយចំនួន៤០ភាគរយក៏ដូចជាការកាត់បន្ថយចំនួន២ភាគរយនៃពន្ធអាករនិងការឧបត្ថម្ភធនផ្សេងទៀត។អត្ថប្រយោជន៍នឹងត្រូវបានកំណត់ត្រឹម១៥ម៉ឺនបាតក្នុងរថយន្ត១គ្រឿង។
យានជំនិះដែលមានកម្លាំង៣០kWh (គីឡូវ៉ាត់ម៉ោង) ដែលធ្លាក់ក្រោមប្រភេទតម្លៃ៤០ម៉ឺនទៅ៥០ម៉ឺនបាត នឹងទទួលបានប្រាក់ឧបត្ថម្ភប្រហែល៧ម៉ឺនបាត។
យានជំនិះដែលមានថ្មធំជាងដែលនឹងធ្លាក់ក្នុងជួរតម្លៃ៩០ម៉ឺនបាតនឹងទទួលបានប្រាក់ឧបត្ថម្ភចំនួន១៥ម៉ឺនបាត។
អ្នកទិញរថយន្តអគ្គិសនីដែលមានតម្លៃលើសពី២លានបាតនឹងមិនទទួលបានអត្ថប្រយោជន៍ផ្ទាល់ទេប៉ុន្តែពន្ធនឹងត្រូវកាត់បន្ថយចំនួន៤០ភាគរយនិងពន្ធគយ២ភាគរយ។គណៈកម្មាធិការបាននិយាយថាការកាត់បន្ថយពន្ធនាំចូលនិងពន្ធអាករនឹងនាំឱ្យតម្លៃរថយន្តEV ធ្លាក់ចុះពី៧០ម៉ឺនទៅ៨០ម៉ឺនបាតក្នុង១គ្រឿង៕ The Nation (Thailand)-ANN/RR
