និយ័តករមូលបត្រកម្ពុជា (ន.ម.ក.) ជាអាជ្ញាធរដែលមានមុខងារគ្រប់គ្រងត្រួតពិនិត្យ និងអភិវឌ្ឍវិស័យមូលបត្រនៅព្រះរាជាណាចក្រកម្ពុជា។ កិច្ចគាំពារវិនិយោគិនក្នុងវិស័យមូលបត្រ គឺជាការងារចម្បង និងអាទិភាពដែល ន.ម.ក. តែងតែយកចិត្តទុកដាក់ខ្ពស់បំផុត។
ច្បាប់ និងបទប្បញ្ញត្តិដែលមានជាធរមាននៅក្នុងវិស័យមូលបត្របានបញ្ញត្តិកំណត់នូវយន្តការជាច្រើន ក្នុង គោលដៅការពារវិនិយោគិនក្នុងវិស័យមូលបត្រ ដោយក្នុងនោះរួមមាន ការរៀបចំក្របខ័ណ្ឌគតិយុត្ត ដើម្បីគ្រប់គ្រង និងត្រួតពិនិត្យតួអង្គអ្នកចូលរួមក្នុងវិស័យមូលបត្រ និងប្រភេទឧបករណ៍ហិរញ្ញវត្ថុដែលចាត់ទុកជាមូលបត្រ ការបន្តការត្រួតពិនិត្យ តាមដានការធ្វើអាជីវកម្ម និងការផ្តល់សេវាកម្មរបស់តួអង្គទាំងអស់ ក្នុងវិស័យមូលបត្រ ការផ្សព្វផ្សាយព័ត៌មានទាន់ពេលជាសាធារណៈរបស់ក្រុមហ៊ុនបោះផ្សាយ នីតិវិធីបុននីតិសម្បទា និងការជម្រះបញ្ជីក្នុងវិស័យមូលបត្រ ការផ្សព្វផ្សាយតាមរយៈយន្តការ SERC Alert ការចុះអធិការកិច្ច ការទទួលពាក្យបណ្តឹងនិងដោះស្រាយវិវាទ ការស៊ើបអង្កេត និងការពង្រឹងការអនុវត្តច្បាប់។
ច្បាប់ និងបទប្បញ្ញតិ្តជាច្រើនត្រូវបានរៀបចំ និងប្រកាសដាក់ឱ្យអនុវត្តជាបន្តបន្ទាប់ ដើម្បីគ្រប់គ្រងតួអង្គក្នុងវិស័យមូលបត្រ។ មិនមានក្រុមហ៊ុន ឬ បុគ្គលណាមួយដែលត្រូវបានអនុញ្ញាត ឱ្យធ្វើអាជីវកម្ម ឬប្រតិបតិ្តការពាក់ព័ន្ធនឹងវិស័យមូលបត្រ មុនពេលដែលមានច្បាប់ ឬបទប្បញ្ញតិ្តគ្រប់គ្រងត្រឹមត្រូវនោះទេ។
លោក សម រង្ស៊ី កាលពីនៅស្រុកខ្មែរឆ្នាំ ២០១៥។ហុង មិនា
បន្ថែមលើច្បាប់ស្តីពីការបោះផ្សាយនិងការជួញដូរមូលបត្រមហាជន និងអនុក្រឹត្យស្តីពីការអនុវត្តច្បាប់ ស្តីពីការបោះផ្សាយ និងការជួញដូរមូលបត្រមហាជន ន.ម.ក. បានរៀបចំប្រកាសជាច្រើនក្នុងគោលបំណង គ្រប់គ្រងប្រតិបតិ្តករទីផ្សារមូលបត្រ ប្រតិបតិ្តករប្រព័ន្ធផាត់ទាត់ និងទូទាត់មូលបត្រ ប្រតិបតិ្តកររក្សាទុកមូលបត្រ ក្រុមហ៊ុន និងភ្នាក់ងារក្រុមហ៊ុនមូលបត្រ ក្រុមហ៊ុនសមភាគីកណ្តាល ក្រុមហ៊ុនឈ្មួញជើងសា និងភ្នាក់ងារជើងសាឧបករណ៍និស្សន្ទ ក្រុមហ៊ុនសហគ្រាសបោះផ្សាយលក់មូលបត្រ ក្រុមហ៊ុនគ្រប់គ្រងមូលនិធិ ក្រុមហ៊ុនថែរក្សាទ្រព្យសម្បតិ្តជំនួស តួអង្គ និងអ្នកចូលរួមផ្សេងទៀតក្នុងវិស័យមូលបត្រនៅកម្ពុជា ដើម្បីធានាបាននូវប្រសិទ្ធភាព តម្លាភាព គណនេយ្យភាព និងរបៀបរៀបរយនៅក្នុងទីផ្សារមូលបត្រ និងជាពិសេសធានាកិច្ចគាំពារវិនិយោគិនសាធារណៈ។
ខាងក្រោមនេះគឺជាប្រកាសសំខាន់ៗ ដែលត្រូវបានរៀបចំដោយ ន.ម.ក. ដើម្បីគ្រប់គ្រងតួអង្គ និងអ្នកចូលរួមក្នុងវិស័យមូលបត្រ ហើយសាធារណជនអាចស្វែងរកប្រកាសទាំងអស់នេះ នៅលើគេហទំព័ររបស់ ន.ម.ក. តាមរយៈគេហទំព័រ https://www.serc.gov.kh/khmer/index.php។
អត្តសញ្ញាណប័ណ្ណក្លែងក្លាយ ត្រូវបានប្រើប្រាស់ដើម្បីបង់រំលស់ ឬដាក់បញ្ចាំ។ រូបថត ហ្វេសប៊ុក
បទប្បញ្ញតិ្តក្នុងវិស័យមូលបត្រ បានបញ្ញត្តិលក្ខខណ្ឌតម្រូវជាច្រើនក្នុងការផ្តល់អាជ្ញាប័ណ្ណ ការអនុញ្ញាត និង/ឬការទទួលស្គាល់ពី ន.ម.ក. ដើម្បីអាចធ្វើប្រតិបតិ្តការអាជីវកម្ម និងផ្តល់សេវាកម្មនៅក្នុងវិស័យមូលបត្រជាអាទិ៍ លក្ខខណ្ឌតម្រូវផ្នែកហិរញ្ញវត្ថុ រចនាសម្ព័ន្ធគ្រប់គ្រង ធនធានមនុស្ស ប្រព័ន្ធបច្ចេកវិទ្យា ទីតាំង លក្ខខណ្ឌតម្រូវលើកម្រិតមូលធនភាគហ៊ុនិក ប្រាក់តម្កល់ធានាអាជីវកម្ម និងអភិបាលកិច្ច ជាដើម។ ន.ម.ក.ធ្វើការពិនិត្យយ៉ាងល្អិតល្អន់លើលក្ខខណ្ឌតម្រូវទាំងអស់ខាងលើនេះ មុននឹងផ្តល់អាជ្ញាប័ណ្ណ ការអនុញ្ញាត និង/ឬការទទួលស្គាល់។
បន្ទាប់ពីផ្តល់អាជ្ញាប័ណ្ណ ការអនុញ្ញាត និង/ឬការទទួលស្គាល់ ន.ម.ក. នៅតែបន្តត្រួតពិនិត្យការអនុវត្តស្របតាមច្បាប់ និងបទប្បញ្ញត្តិពាក់ព័ន្ធនឹងវិស័យមូលបត្ររបស់អ្នកចូលរួមក្នុងវិស័យមូលបត្រ ទាំងអស់ និងថាតើមានករណីប្រព្រឹត្តល្មើស ដែលប៉ះពាល់ដល់ប្រយោជន៍វិនិយោគិនសាធារណៈដែរ ឬទេ?
រៀបចំដោយ៖ និយ័តករមូលបត្រកម្ពុជានាយកដ្ឋានកិច្ចការគតិយុត្ត
អ៊ីមែល៖ legal@serc.gov.kh
ទូរស័ព្ទ៖ ០២៣ ៨៨៥ ៦១១
