ថ្នាក់ដឹកនាំក្រុមហ៊ុនស៊ី.ភី.និងក្រុមហ៊ុនម៉ាក្រូ ថតរូបអនុស្សាវរីយ៍នៅថ្ងៃបើកកម្មវិធី CP x Makro Food Festival 2023 ។
កាលពីថ្ងៃទី២២ ខែធ្នូ ឆ្នាំ២០២៣ ក្រុមហ៊ុន ស៊ី.ភី. ខេមបូឌា ដែលជាក្រុមហ៊ុនកសិឧស្សាហកម្ម និងអាហារឈានមុខគេ និងផ្សារម៉ាក្រូ ខេមបូឌា (មជ្ឈមណ្ឌលលក់ដុំសម្រាប់ ប្រតិបត្តិការអាជីវកម្មអាជីព) បានសហការគ្នារៀបចំកម្មវិធី «CP x Makro Food Festival 2023» ដើម្បីចែករំលែកចំណេះដឹងទាក់ទងនឹងសុវត្ថិភាព និងស្តង់ដាចំណីអាហារនៅកម្ពុជា។
លោកវេជ្ជបណ្ឌិត Poohrich Sinwat អនុប្រធានចាត់ការទូទៅការិយាល័យការអភិវឌ្ឍយុទ្ធសាស្ត្រអាជីវកម្ម និងទីផ្សារ បានមានប្រសាសន៍ថា៖ «អាហារដើរតួនាទីយ៉ាងសំខាន់ក្នុងជីវិតរស់នៅរបស់យើង ការទទួលទានអាហារមាន គុណភាពល្អ រួមចំណែកធ្វើឱ្យយើងមានសុខភាពល្អ និងធ្វើឱ្យជីវិតកាន់តែប្រសើរ»។
«ដូច្នេះហើយទើបក្រុមហ៊ុន ស៊ី.ភី. និងផ្សារម៉ាក្រូ បានសហការគ្នារៀបចំកម្មវិធី «CP x Makro Food Festival 2023» នេះឡើង ដើម្បីឱ្យអតិថិជនកម្ពុជាទទួលបានអាហារ ដែលមានគុណភាពល្អ ជាមួយនឹងស្តង់ដាលំដាប់ពិភពលោកពីក្រុម ហ៊ុន ស៊ី.ភី. ជាមួយនឹងពាក្យស្លោក «អាហារសុវត្ថិភាព ជឿជាក់លើស៊ី.ភី.។»។ ក្រុមហ៊ុនស៊ី.ភី. បាននាំមកនូវផលិតផលអាហារដែលមានអនាម័យខ្ពស់ដូចជា សាច់ជ្រូកអនាម័យ សាច់មាន់ ហតដក និងស៊ុតដែលមានលក់នៅផ្សារម៉ាក្រូ»។ លោកវេជ្ជបណ្ឌិត Poohrich បានថ្លែងដូច្នេះ។
នៅក្នុងសុន្ទរកថាបើកកម្មវិធី លោក Piyapat Wongsree ជំនួយការនាយករងអាជីវកម្មលក់ជ្រូកបំណែកក្រុមហ៊ុនស៊ី.ភី. ខេមបូឌា បានមានប្រសាសន៍ថា៖ «បច្ចុប្បន្ននេះ យើងឃើញថាអាហារគ្មានអនាម័យជាច្រើន ជាពិសេសផលិតផលនាំចូលដែលមិនមានប្រភពច្បាស់លាស់ និងគ្មានការធានាគុណភាព ដាក់លក់នៅក្នុងប្រទេសកម្ពុជា។ កត្តានេះបង្កជាផលប៉ះពាល់ដល់សុខភាព និងធ្វើឱ្យប៉ះពាល់ដល់អាជីវកម្មកសិពាណិជ្ជកម្ម នៅក្នុងម៉ាក្រូសេដ្ឋកិច្ចរបស់ប្រទេសកម្ពុជា»។
« ស៊ី.ភី. ចង់ឃើញប្រជាជនកម្ពុជា មានសុខភាពកាន់តែល្អប្រសើរ តាម-រយៈការទទួលទានអាហារដែលមាន គុណភាពល្អ ហើយស៊ី.ភី. ប្តេជ្ញាផលិតអាហារដែលមានអនាម័យ ជាមួយនឹងមានអាហារូបត្ថម្ភខ្ពស់។ លើសពីនេះ ស៊ី.ភី. និងធ្វើឱ្យប្រសើរឡើងនូវការផលិតចំណីអាហារ និងការកែច្នៃតាមស្តង់ដាពិភពលោក។ ដូច្នេះ អតិថិជនកម្ពុជាទាំងអស់អាចជឿជាក់លើផលិតផលចំណីអាហារ ស៊ី.ភី. បាន»។
លោក Piyapat បន្ថែមថា កម្មវិធីនេះក៏មានការរៀបចំជាសិក្ខាសាលាខ្នាតតូចផងដែរ ដើម្បីបង្ហាញពីសារៈសំខាន់នៃសុវត្ថិភាពចំណីអាហារ។ វាគ្មិនជំនាញមកពីក្រុមហ៊ុនស៊ី.ភី.និងផ្សារម៉ាក្រូ បានពិភាក្សាលើប្រធានបទ «សុវត្ថិភាពចំណីអាហារ និងស្តង់ដាចំណីអាហារនៅកម្ពុជា»។ នៅក្នុងកិច្ចពិភាក្សានោះ មានចំណុចសំខាន់ចំនួន ៤ ចំណុច។
ចំណុចទី១ និយមន័យនៃពាក្យ «សុវត្ថិភាពចំណីអាហារ» គឺជាផលិតផលចំណីអាហារដែលមានសារធាតុចិញ្ចឹម និងផលិតដោយអនាម័យខ្ពស់ ដោយមិនមានការចម្លងរោគនៃជំងឺផ្សេងៗ។
ចំណុទី២ គឺពាក់ព័ន្ធទៅនឹងការជ្រើសរើសប្រភេទផលិតផលអាហារដែលមានប្រភពច្បាស់លាស់ ដំណើរការផលិត លក្ខខណ្ឌរក្សាទុក ថ្ងៃខែផលិត កាលបរិច្ឆេទផុតកំណត់ និងទ្រង់ទ្រាយ (រូបរាង ក្លិន រសជាតិ)។
ចំណុទី៣ ទាក់ទងនឹងការយល់ច្រឡំអំពីសុវត្ថិភាពចំណីអាហារ ដែលជាបញ្ហាត្រូវយកចិត្តទុកដាក់។ ការដែលមានរោងចក្រកែច្នៃស្តង់ដានៅកម្ពុជា ដូចជារោងចក្រផលិតចំណីអាហាររបស់ស៊ី.ភី.ជាដើម។ ផលិតផលសាច់ស្រស់ដែលចេញពីរោងចក្រស្តង់ដាត្រូវបានប្រតិបត្តិការក្នុងការថែរក្សាសីតុណ្ហភាពនៃកម្រិតមួយ ដើម្បីរក្សាគុណភាពផលិតផល និងកាត់បន្ថយការរីកលូតលាស់របស់បាក់តេរីនៅក្នុងអាហារ។
ចំណុចចុងក្រោយគឺ ការណែនាំដើម្បីឱ្យអតិថិជនទទួលបានចំណីអាហារ ដែលមានអនាម័យគឺត្រូវទិញផលិតផល គ្រឿងផ្សំ ព្រមទាំងចំណីអាហារពីហាងដែលមានស្តង់ដា អនាម័យ ដោយមានកន្លែងស្តុក-ទុកត្រឹមត្រូវសម្រាប់ប្រភេទអាហារនីមួយៗ និងមានការត្រួតពិនិត្យដើម្បីធានាគុណភាព។
លោក Piyapat Wongsree និងលោកវេជ្ជបណ្ឌិត Poohrich Sinwat ថ្លែងសុន្ទរកថាក្នុងកម្មវិធី "CP x Makro Food Festival 2023"។
តាមរយៈកិច្ចសម្ភាសន៍បងស្រីលក្ខិណា និងប្អួនស្រីណាវីនដែលបានចូលរួមក្នុងកម្មវិធីនេះ សុទ្ធតែបានសម្តែងការកោតសរសើរ ដោយបានលើកឡើងថា៖«យើងមានមោទនភាព និងជឿជាក់ក្នុងការទិញផលិតផលចំណីអាហារនៅផ្សារម៉ាក្រូ ដោយសារតែគ្រប់ផលិតផល មានអនាម័យ ហើយផលិតផលអាហារមានគុណភាពខ្ពស់ ជាពិសេសគឺផលិតផលរបស់ស៊ី.ភី.ដូចជាសាច់ជ្រូកអនាម័យ សាច់មាន់ ហតដក និងស៊ុត។
សម្រាប់កម្មវិធី «CP x Makro Food Festival» ចាប់ផ្តើមពីថ្ងៃទី២២ ខែធ្នូ ឆ្នាំ២០២៣ ដល់ថ្ងៃទី៧ ខែមករា ឆ្នាំ២០២៤ នៅផ្សារម៉ាក្រូសែនសុខ និងនិងម៉ាក្រូជ្រោយចង្វារ។ សម្រាប់រាល់ការចំណាយ អស់ចំនួន ៥ ដុល្លារ ក្នុងការទិញផលិតផលចំណីអាហារស៊ី.ភី.ដូចជា ( សាច់ជ្រូកអនាម័យ សាច់មាន់ ហតដក និងស៊ុត) អតិថិជននឹងទទួលបានគូប៉ុងបញ្ចុះតម្លៃសម្រាប់ការទិញផលិតផលណាមួយពីហាង Five Star, Star Coffee, និង Hi-Pork។ ម្យ៉ាងវិញទៀត គូប៉ុងនេះក៏អាចសន្សំដើម្បីប្តូរយករង្វាន់ផ្សេងៗទៀតពីក្រុមហ៊ុនស៊ី.ភី.។ រួសរាន់ឡើង រង្វាន់មានចំនួនកំណត់៕
វាគ្មិនមកពីក្រុមហ៊ុនសីុ.ភី.និងផ្សារម៉ាក្រូធ្វើបទបង្ហាញចែករំលែកចំណេះដឹងអំពីសុវត្ថិភាពចំណីអាហារ។
ផលិតផលអាហារដូចជា សាច់ជ្រូកអនាម័យ សាច់មាន់ ហតដក និងស៊ុត របស់ក្រុមហ៊ុន ស៊ី.ភី. ប្រកប-ដោយស្តង់ដា និងអនាម័យខ្ពស់ត្រូវបានដាក់លក់នៅផ្សារម៉ាក្រូ។
