ផ្សារ ហេរីថេក បាននាំមកនូវព្រឹត្តិការណ៍ដ៏អស្ទារ្យ និងដំបូងគេបំផុតនៅក្នុងខេត្តសៀមរាបគឺ «ពិព័រណ៍អាពាហ៍ពិពាហ៍ ហេរីថេក (Heritage Wedding Fair) ដែលបានប្រារព្ធធ្វើឡើងចាប់ពីថ្ងៃទី ១២-១៤ ខែកក្កដា ឆ្នាំ ២០១៩ នៅផ្សារ ហេរីថេក ជាន់ B1 ក្នុងក្រុងសៀមរាប។
ពិព័រណ៍អាពាហ៍ពិពាហ៍ ហេរីថេក នេះមានការចូលរួមតាំងបង្ហាញពីផលិតផល និងសេវាកម្មអាពាហ៍ពិពាហ៍ដែលផ្តល់ជាជម្រើស និងភាពងាយស្រួលក្នុងការរៀបចំគម្រោងអាពាហ៍ពិពាហ៍ក៏ដូចជាការប៉ាន់តម្លៃជាមុននៃការចំណាយសម្រាប់អាពាហ៍ពិពាហ៍របស់លោកអ្នក។
អ្នកចូលរួមមានឱកាសឈ្នះបណ្ណទឹកប្រាក់សម្រាប់ការញុំាអាហារក្នុងហាងនៅផ្សារ ហេរីថេក ជាច្រើនរង្វាន់ និងទទួលបានព័ត៌មានពីកញ្ចប់ក្រេបទឹកឃ្មុំពីសណ្ឋាគារ Le Meridien Angkor ។ លើសពីនេះទៀតពិធីតាំងពិព័រណ៍រយៈពេល ៣ ថ្ងៃនេះក៏មានការចូលរួមសម្តែងពីតារាល្បីៗដើម្បីផ្តល់ភាពសប្បាយរីករាយផងដែរ។ ពិធីតាំងពិព័រណ៍នេះត្រូវបានរៀបចំឡើងដោយ ផ្សារ ហេរីថេក និងចូលរួមសហការដោយក្រុមហ៊ុន Elephant Event ៕ រូបថតសហការី