ភ្ញៀវពិតជារីករាយយ៉ាងខ្លាំងជាមួយមុខម្ហូបបែបបារាំងដ៏មានឱជារសជាប់ចិត្ត នៅឯកម្មវិធី Chef''s Table ខណៈសណ្ឋាគារ Raffles Hotel Le Royal បានបង្ហាញនូវភោជនីយដ្ឋានដ៏ទំនើបរបស់ខ្លួនឈ្មោះ Le Phnom 1929 កាលពីល្ងាចថ្ងៃពុធកន្លងទៅ។ ភាពស្រស់ឆើតឆាយនៃភោជនីយដ្ឋាន Le Phnom 1929 មានរចនាប័ទ្មបែបអ្នកទីក្រុងប៉ារីសសម័យបុរាណបានបើកទ្វារស្វាគមន៍ភ្ញៀវមកទទួលយកនូវជម្រើសអាហារបារាំងបែបបុរាណដ៏ឈ្ងុយឆ្ងាញ់ និងមានតម្លៃសមរម្យ។ ជាមួយការរចនាដ៏ស្រស់ស្អាតអមដោយបរិយាកាសដ៏មនោរម្យ ភោជនីយដ្ឋាន Le Phnom 1929 ត្រូវបានដាក់ឈ្មោះតាមឆ្នាំដែលសណ្ឋាគារ Le Royal បានបើកដំណើរការដំបូង ខណៈសណ្ឋាគារមួយនេះក៏ត្រូវបានគេស្គាល់ឈ្មោះយ៉ាងខ្លីថា Le Phnom ក្នុងអំឡុងទសវត្សរ៍ ១៩៧០ ផងដែរ៕ រូបថត សហការី