ក្រុមហ៊ុនធានារ៉ាប់រងអាយុជីវិតអន្តរជាតិដំបូងបង្អស់នៅកម្ពុជា Manulife Cambodia ប្រកាសការដាក់ឲ្យដំណើរការផលិតផលធានារ៉ាប់រងអាយុជីវិតឌីជីថលដំបូងរបស់ខ្លួនឈ្មោះថា Manulife សុខសប្បាយ ជូនដល់អតិថិជនធនាគារ ABA ដែលជាធនាគារឌីជីថលឈានមុខមួយនៅកម្ពុជា។
Manulife សុខសប្បាយ គឺជាគម្រោងធានារ៉ាប់រងដែលមានតម្លៃសមរម្យបំផុតត្រឹមតែ $16/1ឆ្នាំ ដែលអតិថិជន ABA អាចទិញពី Manulife បានយ៉ាងងាយស្រួល និងរហ័សត្រឹមតែ ១ នាទីប៉ុណ្ណោះពីកម្មវិធី ABA Mobile តាមរយៈផ្នែក “សេវាកម្ម”។ សម្រាប់អត្ថ-ប្រយោជន៍ផ្សេងទៀតពីគម្រោងនេះ សូមចូលទៅកាន់ https://bit.ly/3BgfIQd ។
លោក Justin Helferich នាយកប្រតិបត្តិ និងនាយកចាត់ការទូទៅ Manulife Cambodia បានមានប្រសាសន៍ថា “ការសម្ពោធគម្រោង “Manulife សុខសប្បាយ” នេះពិតជាបានឆ្លុះបញ្ចាំងពីការប្តេជ្ញាចិត្តរបស់ក្រុមហ៊ុនក្នុងការក្លាយជាក្រុមហ៊ុនឈានមុខគេផ្នែកឌីជីថល ក្នុងការជួយកសាងអនាគតឲ្យកាន់តែប្រសើរឡើងជូនក្រុមគ្រួសារកម្ពុជា។
លោកបន្តថា “ក្រោមការសហការយ៉ាងជិតស្និទ្ធជាមួយធនាគារ ABA ដែលជាដៃគូយុទ្ធសាស្ត្ររបស់យើង គម្រោងនេះនឹងជួយឲ្យប្រជាពលរដ្ឋកម្ពុជាកាន់តែច្រើនទទួលបាននូវការការពារហិរញ្ញវត្ថុដ៏ត្រឹមត្រូវមួយស្របតាមតម្រូវការរបស់គាត់”។
លោក Askhat Azhikhanov នាយកប្រតិបត្តិធនាគារ ABA មានប្រសាសន៍ថា ធនាគារ ABA ពិតជាមានសេចក្ដីសោមនស្សក្នុងការគាំទ្រដៃគូយុទ្ធសាស្ដ្ររបស់ខ្លួន ដោយណែនាំអតិថិជន ABA ទៅកាន់ ផ្លែតហ្វម Manulife ដើម្បីទទួលបានជម្រើសផលិតផលធានារ៉ាប់រងដែលមានតម្លៃសមរម្យ។ លោកបានបន្ថែមទៀតថា “ខ្ញុំសូមលើកទឹកចិត្តដល់អតិថិជនរបស់យើង ឲ្យទទួលយកការផ្ដល់ជូនដ៏ល្អនេះ ដើម្បីទទួលបានការការពារជាមួយ Manulife សុខសប្បាយ ក្នុងកម្មវិធី ABA Mobile”។
គួរបញ្ជាក់ផងដែរថា កិច្ចសហការរវាងក្រុមហ៊ុន Manulife Cambodia និងធនាគារ ABA បានចាប់ផ្ដើមតាំងពីឆ្នាំ 2016។ ហើយក្នុងឆ្នាំ 2019 ស្ថាប័នទាំងពីរបានសហការគ្នា ផ្តល់សេវាបង់បុព្វលាភធានារ៉ាប់រងដល់អតិថិជនមេនូឡាយហ្វ៍តាម កម្មវិធី ABA Mobile។
សម្រាប់ព័ត៌មានបន្ថែមពី Manulife Cambodia: www.manulife.com.kh ឬ www.facebook.com/ManulifeKH
សម្រាប់អតិថិជនដែលមិនទាន់មានគណនី ABA ហើយចាប់អារម្មណ៍លើគម្រោង Manulife សុខសប្បាយ អាចដោនឡូតកម្មវិធី ABA Mobile ទីនេះ ហើយបើក គណនីរហ័ស (តម្រូវឲ្យមានអត្តសញ្ញាណប័ណ្ណនិងស្មាតហ្វូនមានលេខដំណើរការ)៕