ស្រាស្កុតវីស្គី Chivas បានធ្វើការអបអរការបន្តកិច្ចសហការរបស់ខ្លួនជាមួយនឹងតារាចម្រៀងស្រី K-POP ដ៏មានឥទ្ធិពលគឺកញ្ញា LISA ដោយបានធ្វើការបញ្ចេញនូវស្រា CHIVAS 18 មានចំនួនកំណត់ដ៏ប្រណិតមួយ ដែលជាការសហការជាមួយតារាចម្រៀងស្រីដែលកំពុងទទួលការចាប់អារម្មណ៍ទូទាំងពិភពលោករូបនេះ។ ដូចគ្នាទៅនឹងកញ្ញា LISA ដែរ Chivas 18 បានបង្ហាញខ្លួនជាលើកដំបូងនៅឆ្នាំ 1997 ដែលនេះធ្វើឱ្យវាក្លាយទៅជាផលិតផលមួយដែលស័ក្កិសមបំផុតសម្រាប់កញ្ញា ដើម្បីបង្ហាញភាពច្នៃប្រឌិតបានយ៉ាងល្អឥតខ្ចោះ។ ជាមួយនឹងផ្ទៃដិតពណ៌ខៀវ លាយផ្សំគ្នាជាមួយនឹងបន្ទាត់កាត់ពណ៌ផ្កាឈូកភ្លឺនៅលើប្រអប់ ភ្ជាប់មកជាមួយនឹងហត្ថលេខារបស់ កញ្ញា LISA នៅក្នុងទំរង់អក្សរ Neon បង្កើនភាពឥតខ្ចោះទៅលើផលិតផលថ្មីមួយនេះ។ ក្រុមហ៊ុនស្រាស្កុតវីស្គី Chivas នឹងរៀបចំកម្មវិធីសម្ភោធផលិតផល Chivas 18 x LISA Limited Edition នេះជាផ្លូវការនៅថ្ងៃទី 14 ខែមករា ឆ្នាំ2023 នៅ Bar Menaka ដែលមានទីតាំងនៅអាគារលេខ 540 ផ្លូវកោះពេជ្រ សង្កាត់ទន្លេបាសាក់ ខណ្ឌចំការមន និងមានការចូលរួមសម្ដែងផ្ទាល់ពីក្រុម K-Pop នារីមកពីប្រទេសកូរ៉េ និងការសម្ដែងពី DJ Wukong រួមជាមួយពិធីការនី Kosama ផងដែរ។
Pernod Ricard គឺជាក្រុមហ៊ុនផលិតស្រាធំជាងគេលំដាប់ទី២ ជាមួយនឹងម៉ាកល្បីៗជាង 240 ដែលចែកចាយលើទីផ្សារជាង 160 ប្រទេស៕
