​ក្រុមហ៊ុន Vespa Cambodia បានដាក់​បង្ហាញ​ម៉ូតូ​ជំនាន់​ថ្មី Vespa GTS ដ៏​ទំនើប នៅ​សាល​តាំង​បង្ហាញ​របស់ខ្លួន​ក្នុង​ទីក្រុង​ភ្នំពេញ កាលពី​ថ្ងៃទី ​២៦ ខែសីហា ឆ្នាំ​២០២៣ ដែល​នេះ​ជា​ម៉ាក​យីហោ​អ៊ីតាលី​ដ៏​ល្បីល្បាញ «Unstoppable Greatness» ដែលមាន​វត្ត​មាននៅ​ព្រះរាជាណាចក្រ​កម្ពុជា​។​

​គ្រប់​ជំនាន់​នៃ​ប្រវត្តិសាស្ត្រ​របស់ GTS គឺ​ប្រកាន់យក​នូវ​លក្ខណៈ​ផ្ទាល់ខ្លួន​ដ៏​រឹងមាំ តំណាងឱ្យ​ភាពខុសៗ​គ្នា​នៃ​ចំណង់​ចំណូលចិត្ត ដោយ​បង្ហាញ​ពី​ភាព​អស្ចារ្យ​ដែល​មិនអាច​ប្រៀបផ្ទឹម​បាន​នៅក្នុង​ជីវិត​តាមរយៈ​រចនាបថ​រប​ស់ Vespa GTS​។​

Vespa GTS SuperSport គឺជា​ស្ទីល​ស្ព័​រ​បែប​កីឡា​របស់ Vespa ដោយមាន​ការតុបតែង​ជាមួយ​តែម​ក្រា​ហ្វិ​ចបែប​ស្ព័​រ ដោយ​តែម​ផុស និង​គែម​ម៉ូតូ​មាន​ពណ៌​ខ្មៅ រត់តាម​បរិវេណ​នៃ​តួ​ម៉ូតូ​។ Vespa GTS Super Sport ក៏បាន​បំពាក់​បន្ថែម​នូវ​ផ្លាក​ប្រភេទ Carbon Fiber ដែលមាន​ភាព​ទាក់ទាញ​ទ្វេ​រដង​។ ពណ៌​របស់ GTS Super Sport មាន ៣ ជម្រើស​គឺ​: White Innocenza, Black Opaco Matt និង Green Olive Matt​។

​តុល្យភាព​ដ៏​អស្ចារ្យ​នៃ​រចនាបថ បច្ចេកវិជ្ជា​ទំនើប រូ​ម​ជាមួយ នឹង​ម៉ាស៊ីន​ដែលមាន​កម្លាំង​ខ្លាំង Vespa GTS ត្រូវបាន​ផលិតឡើង​ជាមួយនឹង​ភាព​ធន់ រឹងមាំ​សម្រាប់​ការប្រើប្រាស់​គ្រប់​ស្ថានភាព​ផ្លូវ​។​

​ម៉ូតូ Vespa GTS Super Sport ស្ទីល​ស្ព័​រ ( បែប​កីឡា​) បំពាក់​មកជា​មួយ​ម៉ាស៊ីន​កម្លាំង 300cc ប្រភេទ HPE (High Performance Engine) ដែលជា​បច្ចេកវិទ្យា​ចុងក្រោយ​របស់​ក្រុមហ៊ុន Piaggio Group ដែលមាន​គោលបំណង​ផលិត​ម៉ាស៊ីន​ឱ្យ​កាន់​តែមាន​បច្ចេកវិទ្យា​ជឿនលឿន និង​ប្រសិទ្ធភាព​ខ្ពស់​ក្នុង​លក្ខខណ្ឌ​កំណ​ត់ក​ម្រឹត​ជាតិពុល​នៅក្នុង​ផ្សែង រួមទាំង​ភាព​សន្សំសំចៃ​ក្នុងការ​ប្រើប្រាស់​ប្រេងឥន្ធនៈ​ទៀតផង​។​

Vespa GTS ជំនាន់​ថ្មី​នេះ​ត្រូវបាន​បំពាក់​ជាមួយ​ប្រព​ន្ធ័​បូម​ខាងមុខ​ថ្មី​ទាំងស្រុង​ប៉ុន្តែ​រក្សាបាន​នូវ​ទម្រង់​បូម​តែមួយ​ចំហៀង​បែប​ប្រពៃណី ប៉ុន្តែ​ត្រូវបាន​រៀបចំ​ឡើងវិញ​ជាមួយ​បច្ចេកវិទ្យា​ថ្មី ដើម្បី​ធានាបាន​នូវ​សុវត្ថិភាព ជាពិសេស​ក្នុង​ល្បឿន​លឿន និង​មាន​ភាពងាយស្រួល ក្នុងការ​គ្រប់គ្រង​ម៉ូតូ​។​

Vespa GTS បាន​ភ្ជាប់​មកជា​មួយ​កែប​រចនា​ម៉ូត​ថ្មី​ដែល​ផ្តល់ជូន​នូវ​ផាសុកភាព​ទាំង​អ្នកបើកបរ និង​អ្នករួមដំណើរ និង​ធ្វើឱ្យ​ប្រសើរឡើង​នូវ​ប្រសិទ្ធភាព​ក្នុងការ​គ្រប់គ្រង​ម៉ូតូ​ដោយបាន​កាត់បន្ថយ​នូវ​កម្ពស់​កែប​ផ្តល់ជូន​នូវ​ភាពងាយស្រួល​ដល់​ការទម្លាក់​ជើង​ដល់​ដី​របស់​អ្នកបើកបរ​។​

​លើសពីនេះទៅទៀត Vespa GTS បានធ្វើការ​អភិរ​ឌ្ឈ​ឈាន​មួយ​ជំហាន​ទៅមុខទៀត​ជាមួយនឹង​ការដាក់ឱ្យ​ប្រើប្រាស់​នូ​វប្រ​ព័ន្ធ Smart key ដោយ​មិនចាំបាច់​ធ្វើការ​ចាក់សោ​បែប​បុរាណ សម្រួល​ដល់​ប្រតិបត្តិការ​នៃ​ការ​បញ្ឆេះ​ម៉ាស៊ីន បើក​កែប​និង​ចាក់សោ​រក​ចង្កូត​យ៉ាង​ងាយស្រួល​ដោយ​គ្រាន់តែ​ទុក​សោរ​នៅក្នុង​ហោប៉ៅ​របស់​អ្នក​។

​ការតុបតែង​និង​ពណ៌ Vespa បង្ហាញ​ពី​បុគ្គលិកលក្ខណៈ​ប្លែក​ដាច់​ពី​គេ និង​មានតម្លៃ​ដែល​គួរឱ្យ​កោតសរសើរ ដូចជា​ភាព​ទាក់ទាញ ភាពឆើតឆាយ ភាពស្រស់​ស្រាយ និង​សេរីភាព​៕

_

​