ក្រុមហ៊ុន CP Cambodia បានចូលរួមឧមត្ថម្ភមាន់បំពងចំនួន ៣ ប្រភេទ និងបាយដំណើបសាច់ជ្រូកផាត់ដ៏ឈ្ងុយឆ្ងាញ់ ដល់កម្មវិធីជប់លៀងរបស់កាសែត ភ្នំពេញ ប៉ុស្តិ៍ ដើម្បីអបអរខួបលើកទី១៤ ឆ្នាំនៃកាសែត ភ្នំពេញ ប៉ុស្តិ៍ ជាខេមរភាសា កាលពីថ្ងៃទី ៧ ខែកញ្ញា។
ក្រុមហ៊ុនផលិតអាហារឈានមុខគេក្នុងព្រះរាជាណាចក្រកម្ពុជា CP Cambodia បានឧបត្ថម្ភសាច់មាន់បំពងចំនួន ៣០០ ដុំ ដែលមាន ៣ រសជាតិ គឺមាន់បំពងស្រួយរសជាតិដើម មាន់បំពងរសជាតិហិរ និងមាន់រស់ជាតិកូរ៉េ។
ក្រុមហ៊ុន CP Cambodia ក៏បាននាំយកនូវបាយដំណើបសាច់ជ្រូកផាត់ "Hi-Pork" ដ៏ឈ្ងុយឆ្ងាញ់ សម្រាប់កម្មវិធីជប់លៀងនេះ។ ការចូលរួមចំណែកដ៏ថ្លៃថ្លានេះ គឺទទួលបានការថ្លែងអំណរគុណយ៉ាងជ្រាលជ្រៅពីសំណាក់បុគ្គលិកកាសែត ភ្នំពេញ ប៉ុស្តិ៍ ក្នុងឱកាសអបអរសាទរខួបលើកទី១៤ ឆ្នាំនៃកាសែត ភ្នំពេញ ប៉ុស្តិ៍ ជាខេមរភាសា។
អាហារ និងភេសជ្ជៈដ៏ឈ្ងុយឆ្ងាញ់បានញុំាងឱ្យកម្មវិធីជប់លៀងនេះរឹតតែមិនអាចបំភ្លេចបាន ហើយបុគ្គលិករបស់កាសែត ភ្នំពេញ ប៉ុស្តិ៍ ទាំងអស់ សូមថ្លែងអំណរគុណដល់ក្រុមហ៊ុន CP Cambodia សម្រាប់ការឧមត្ថម្ភអាហារដ៏ឈ្ងុយឆ្ងាញ់នាពេលនេះ៕
