ជាផ្នែកមួយនៃការប្តេជ្ញាចិត្តរបស់ខ្លួនចំពោះការអប់រំរបស់កុមារ ក្រុមហ៊ុន Acteus Group តាមរយៈកម្មវិធីទំនួលខុសត្រូវសង្គមរបស់ខ្លួនដែលមានឈ្មោះថា «Acteus Smiles» មានឱកាសចូលរួមជួយឧបត្ថម្ភបង្កើតថ្នាក់រៀនថ្មីមួយសម្រាប់ការសិក្សាឆ្នាំ ២០២៤ដល់សាលាបឋមសិក្សាក្តីរុន ក្នុងខេត្ត តាកែវ។ ការបរិច្ចាគនេះគឺជាចំណុចរបត់ដ៏សំខាន់មួយ នៅក្នុងការខិតខំប្រឹងប្រែងរបស់សាលាដើម្បីផ្តល់ការអប់រំប្រកបដោយគុណភាពដល់កុមារនៅក្នុងតំបន់នេះ។
កម្មវិធីដែលមានរយៈពេលកន្លះថ្ងៃនេះ ទទួលបានការអញ្ចើញចូលរួមពីតំណាងក្រុមហ៊ុន Acteus ក្នុងនោះមានដូចជាលោក Pierre Combedimanche, អ្នកស្រី ប៉េង តុលា លោក Parit Chutharattanakul និងកញ្ញា Qaleeda Ibrahim ជាដើម។
ពិធីនេះត្រូវបានប្រារព្ធធ្វើឡើងដោយមានវត្តមានសិស្សានុសិស្សចូលរួមចំនួន ៣៤៤ នាក់ រួមនឹងឪពុកម្តាយរបស់ពួកគេ ព្រមទាំងនាយកសាលា លោកគ្រូអ្នកគ្រូ ក៏ដូចជាភ្ញៀវកិត្តិយសជាច្រើនរូបទៀត។
សាលាបឋមសិក្សាក្តីរុន មានទីតាំងស្ថិតនៅឃុំខ្វាវ ស្រុកទ្រាំង ខេត្តតាកែវ ហើយសាលានេះក៏បានផ្តល់ការអប់រំ ដល់កុមារដែលរស់នៅភូមិក្បែរៗនោះផងដែរ ដូចជាភូមិក្តីរុន ពង្រ និងភូមថ្នល់បត់ជាដើម។
ជាមួយនឹងកំណើនកុមារដែលបានចុះឈ្មោះចូលរៀនចាប់ពីថ្នាក់មត្តេយ្យ រហូតដល់ថ្នាក់ទី៦ កាន់តែកើនឡើង សាលាកំពុងពង្រីកថ្នាក់រៀនថ្មីបន្ថែម ដើម្បីទទួលសិស្សានុសិស្សថ្មី និងផ្តល់បរិយាកាសអំណោយផលសម្រាប់ក្មេងជំនាន់ក្រោយបានចូលសិក្សារៀនសូត្រ។
ដោយក្តោបក្តាប់បានខ្សែសង្វាក់ផ្គត់ផ្គង់នៅក្នុងតំបន់អាស៊ីប៉ាស៊ីហ្វិកជាមួយនឹង យុទ្ធសាស្ត្រឆ្លាតវ័យផ្នែក ថែទាំ ជួសជុល និងប្រតិបត្តិការ (MRO) និងលទ្ធកម្មគម្រោង, ក្រុមហ៊ុន Acteus បានរក្សាវត្តមានដ៏រឹងមាំនៅក្នុងប្រតិបត្តិការនៃឧស្សាហកម្មចម្រុះជ្រើនគិតចាប់តាំងពីឆ្នាំ ២០១៥ មក។
នៅក្នុងដំណើរនៃប្រតិបត្តិការទាំងមូលរបស់ខ្លួន ក្រុមហ៊ុន Acteus នៅតែបន្តប្តេជ្ញាផ្តល់ត្រឡប់ទៅឱ្យសហគមន៍ដែលខ្លួនធ្វើអាជីវកម្មវិញ ដោយប្រកាន់ខ្ជាប់នូវគំនិតផ្តូចផ្តើម «Acteus Smiles» ប្រកបដោយចក្ខុវិស័យរបស់ខ្លួន ក្នុងគោលបំណងគាំទ្រដល់អង្គការនានាដែលផ្តោតលើការលើកកម្ពស់ស្ត្រី និងជួយកុមារក្រីក្រ៕
