កាលពីឆ្នាំ២០២៣កន្លងទៅ ក្នុងឱកាសគម្រប់ខួប ៧០ឆ្នាំនៃថ្ងៃឯករាជ្យជាតិកម្ពុជា កម្មវិធីប្រកួតប្រជែងពហុសិល្បៈលំដាប់ថ្នាក់ទូទាំងប្រទេសមួយនេះ បានសម្រេចទៅបានពោរពេញទៅដោយភាពជោគជ័យ។
ដោយហេតុនេះ យើងបានពាំនាំយកមកសារជាថ្មីម្តងទៀតសម្រាប់ឯករាជ្យ ២០២៤ ជាមួយនឹងឱកាសថ្មីៗដ៏គួរឲរំភើបជូនដល់សិល្បករទូទាំងប្រទេស។ សម្រាប់កម្មវិធីប្រកួតរដូវកាលកន្លងទៅ មានបេក្ខភាពចុះឈ្មោះពីបណ្តាខេត្តនានារហូតដល់ ១៦០រូប ហើយក្នុងនោះមាន ៣រង្វាន់ ដែលមានតម្លៃរួម ៥០០០ដុល្លារ បានផ្តល់ជូនដល់បេក្ខភាពជ័យលាភីដែលមានទេព្យកោសល្យផ្នែកផាត់ពណ៌ និងគំនូរ។
សម្រាប់ឆ្នាំ២០២៤ កម្មវិធីប្រកួតនេះនឹងបើកទូលាយផ្តល់ឱកាសបន្ថែមជូនដល់ទេព្យកោសល្យសិល្បៈទស្សនីយភាពផ្សេងទៀតដូចជា រូបថតនិងសិល្បៈឌីជីថល។
សណ្ឋាគារ សូហ្វីតែល ភ្នំពេញ ភូគីត្រា និងដៃគូសហការបានផ្តួចផ្តើមនិងរៀបចំកម្មវិធីនេះឡើងក្នុងគោលបំណង ជម្រុញនិងលើកម្ពស់ស្មារតីសិល្បៈនិងការច្នៃប្រឌិតក្នុងអំឡុងខែសីហាដល់ខែតុលា។ ស្នាដៃដែលដាក់ស្នើចូលរួមប្រកួតនឹងត្រូវពិនិត្យវិនិច្ឆ័យដោយគណៈកម្មការ ៧រូប ក្នុងអំឡុងខែវិច្ឆិកាដល់ខែធ្នូនេះ។
ស្នាដៃដែលត្រូវបានជ្រើសរីសនឹងដាក់តាំងពិព័ណ៌នៅក្នុងវិចិត្រសាលរបស់សណ្ឋាគារក្នុងខែមករាឆ្នាំ ២០២៥ ហើយនឹងអមចុងក្រោយដោយកម្មវិធីប្រគល់រង្វាន់ជយលាភី។ គណៈរៀបចំនឹងថ្លែងជូនព័ត៌មានលម្អិត និងឆ្លើយតបនៅសំណួរផ្សេងៗជូន៕
