កាលពី​ថ្ងៃទី​២៨​ ខែ​តុលា​កន្លង​ទៅ​នេះ ក្រុមហ៊ុន Meridian International Holdings​ បាន​ប្រកាស​ពី​ការ​ចាប់​ផ្តើម​សាង​សង់​និង​លក់​ខុន​ដូ Skylar Meridian ដែល​មាន​២៨​ជាន់​ស្ថិត​នៅ​ទីក្រុង​ភ្នំពេញ​ ទីតាំង​ពិសេស​តំបន់​សេដ្ឋកិច្ច​ តាម​បណ្តោយ​ផ្លូវ​ព្រះ​នរោត្តម​។​Skylar Meridian​ផ្តល់​នូវ​សេវាកម្ម​លំដាប់​ខ្ពស់​ជាទី​គាប់​ចិត្ត ជាមួយ​នឹង​ជម្រើស​បន្ទប់​ជា​លក្ខណៈ​ស្ទូឌីយោ គ្រែ​១​និង​គ្រែ​២។ ចំពោះ​១០៥​បន្ទប់​ គឺ​ធ្វើ​ជា ​Somerset Norodom សម្រាប់​ជួល​ឲ្យ​អ្នក​ជំនួញ​ ក្នុង​នោះ​មាន​អាង​ហែល​ទឹក កន្លែង​ហាត់​ប្រាណ​ស្តង់ដារ​ខ្ពស់ សូ​ណា កន្លែង​ក្មេង​លេង ផ្តល់​ជូន​នូវ​សន្តិសុខ​២៤​ម៉ោង សេវា​បោក​គក់ និង​សម្អាត និង​មាន​កម្មវិធី​ជួយ​ភ្ញៀវ​រៀប​ចំ​ផ្ទះ​ថ្មី​របស់​គេ​នៅ​ពេល​ដែល​គេ​ស្នាក់​នៅ​រយៈ​ពេល​ជា​ខែ ​ឬ​ឆ្នាំ​ក្នុង​ខុនដូ​ថ្មី​នេះ​៕ រូបថត ហុង មិនា