.jpg)
កាលពីថ្ងៃអង្គារ នាយករដ្ឋមន្រ្តីប្រទេសម៉ាឡេស៊ីប្រកាសថា ប្រជាជនពេញវ័យរបស់ខ្លួនប្រមាណ ៨០ ភាគរយ ទទួលបានការចាក់វ៉ាក់សាំងការពារកូវីដ ១៩ ពេញលេញ។
កម្មវិធីតាមដានការចាក់វ៉ាក់សាំងការពារកូវីដ ១៩ COVIDNOW បានបង្ហាញថា ប្រជាជនប្រមាណ ៧៩.៦ ភាគរយ នៃប្រជាជនពេញវ័យសរុបបានទទួលការចាក់វ៉ាក់សាំងពេញលេញគិតត្រឹមម៉ោង ១១:៥៩ នាទីយប់ថ្ងៃទី ២០ កញ្ញា។
នាយករដ្ឋមន្រ្តីម៉ាឡេស៊ី លោក Ismail Sabri Yaakob បានបង្ហោះសារតាមបណ្តាញសង្គមថា៖ «សូមអបអរសាទរ! ប្រទេសម៉ាឡេស៊ី បានចែកចាយវ៉ាក់សាំងពេញលេញទៅដល់ប្រជាជន ៨០ភាគរយ នៃប្រជាជនពេញវ័យសរុបរបស់ប្រទេសខ្លួនហើយ» ។
ការចែកចាយវ៉ាក់សាំងការពារកូវីដ ១៩ ត្រូវបានចែកចាយដោយផ្តល់អាទិភាពទៅបុគ្គលិកជួរមុខ និងមនុស្សចាស់មុនពេលដែលយុទ្ធនាការចាក់វ៉ាក់សាំងការពារកូវីដ ១៩ ត្រូវបានចែកចាយដល់អ្នកដែលមានអាយុលើសពី ១៨ ឆ្នាំ៕
