លោកអគ្គលេខាធិការណាតូ លោក Jens Stoltenberg (ស្តាំ) និងលោករដ្ឋមន្ត្រីការបរទេសអាមេរិក អានតូនី ប្ល៊ីនកែន ធ្វើសន្និសីទកាសែតរួមនៅក្នុងទីក្រុងប្រ៊ុចសែល កាលពីថ្ងៃទី៩ កញ្ញា។ AFP
សហរដ្ឋអាមេរិក និងប្រមុខអង្គការណាតូ បានចេញមុខសម្រួលស្ថានការណ៍នៅតំបន់មេឌីទែរ៉ាណេ រវាងប្រទេសតួកគី និងប្រទេសក្រិក ដែលជាប្រទេសក្បែរខាងគូសត្រូវនៅក្នុងសម្ព័ន្ធមិត្តនៃអង្គការណាតូឱ្យដោះស្រាយបញ្ហាប្រឈមតាមរយៈមធ្យោបាយការទូត ខណៈប្រទេសតួកគីគំរាមកំហែងក្រិចកាន់តែខ្លាំង។
លោក អាន់តូនី ប្ល៊ីនកែន (Antony Blinken) និងអគ្គលេខាធិការអង្គការណាតូ លោក Jens Stoltenberg បានថ្លែងរួមគ្នា ដោយចាត់ទុកប្រទេសតួកគី ដែលស្ថិតនៅចម្លោះរវាងទ្វីបអាស៊ីនិងអឺរ៉ុប និងប្រទេសក្រិកនៅភាគអាគ្នេយ៍នៃទ្វីបអឺរ៉ុប ជាសម្ព័ន្ធនិងជាមិត្តដ៏សំខាន់។ យោងតាមសារព័ត៌មាន Middle East Monitor។
អគ្គលេខាណាតូរូបនេះបានអះអាងថា ប្រទេសតួកគី និងក្រិក បានចូលរួម និងរួមចំណែកដ៏សំខាន់ដល់អង្គការណាតូតាមវិធីផ្សេងៗគ្នា ហើយបញ្ហានៃភាពខុសគ្នារវាងពួកគេ គួរតែត្រូវបានដោះស្រាយដោយមធ្យោបាយការទូត។
លោក Jens Stoltenberg បាននិយាយថា៖ «នៅអង្គការណាតូ យើង ក៏បានបង្កើតនូវអ្វីដែលយើងហៅថាយន្តការចៀសវាងជម្លោះដែលតួកគី និងក្រិក អាចចូលរួម ហើយបានប្រើវាពីមុនមកដើម្បីផ្តល់ព័ត៌មានជាមធ្យោបាយ ដើម្បីបញ្ចប់ជម្លោះ ឬអាកប្បកិរិយាដ៏គ្រោះថ្នាក់ណាមួយ ជាឧទាហរណ៍ នៅក្នុងសមុទ្រAegean»។
ជម្លោះចុងក្រោយបង្អស់ បានចាប់ផ្តើមនៅពេលដែលតួកគីបានចោទប្រកាន់ប្រទេសក្រិក នៅជិតខាងរបស់ខ្លួនថាបានចូលទៅក្នុងប្រព័ន្ធយន្តហោះចម្បាំងតួកគីជាមួយនឹងប្រព័ន្ធមីស៊ីលប្រឆាំងយន្តហោះ S-300 ដែលផលិតដោយរុស្ស៊ីដែលត្រូវបានដាក់ពង្រាយនៅលើកោះក្រេត។ ទីក្រុងអង់ការ៉ា ក៏បាននិយាយផងដែរថា អ្នកបើកយន្តហោះក្រិកបានដាក់យន្តហោះតួកគីនៅក្រោមប្រព័ន្ធរ៉ាដា នៅលើសមុទ្រមេឌីទែរ៉ាណេភាគខាងកើតក្នុងអំឡុងពេលបេសកកម្មរបស់អង្គការណាតូកាលពីខែមុន។ នេះបើយោងតាម VOA ជាភាសាអង់គ្លេស។
ប៉ុន្តែទីក្រុងអាថែន បានច្រានចោលការអះអាងរបស់តួកគី ហើយបានចោទប្រកាន់តួកគីថា បានរំលោភលើដែនអាកាសរបស់ខ្លួន។
Monitor បានដក់ស្រង់សម្តី លោក ប្ល៊ីនដូចដែលនិយាយ៖ «ក្រិក និងតួកគី គឺជាសម្ព័ន្ធមិត្តដ៏សំខាន់ និងជាមិត្តរបស់សហរដ្ឋអាមេរិក»។
លោកបានបន្ថែមថា៖ «ពួកគេមានភាពខុសគ្នា ហើយជាការពិតណាស់ យើងចង់ឃើញពួកគេដោះស្រាយភាពខុសគ្នាទាំងនេះក្នុងវិធីស្ថាបនាតាមរយៈការសន្ទនា។ ពួកគេបានធ្វើដូច្នេះកាលពីអតីតកាលហើយយើងរំពឹងថា ពួកគេធ្វើដូច្នេះទៅមុខ»។
ជាការឆ្លើយតបទៅនឹងការគំរាមកំហែងរបស់ក្រិកប្រធានាធិបតីតួកគី Recep Tayyip Erdogan បានប្រកាសកាលពីថ្ងៃអង្គារថាតួកគីអាច «មកដល់ភ្លាមត្រឹម ១ យប់» ដោយបង្ហាញថា ការវាយប្រហាររបស់តួកគី មិនអាចត្រូវបានគេច្រានចោលឡើយ។
យោងតាមតួកគី ក្រិកកំពុងរំលោភលើកិច្ចព្រមព្រៀងអន្តរជាតិ ដោយរក្សាវត្តមានយោធានៅលើកោះនៅជិតឆ្នេរ Aegean របស់តួកគី៕
