(ពីឆ្វេង) នាយករដ្ឋមន្ត្រីន័រវែស លោក Jonas Gahr Store នាយករដ្ឋមន្ត្រីស៊ុយអែត លោក Ulf Kristersson និងនាយករដ្ឋមន្ត្រីហ្វាំងឡង់ លោក Sauli Niinisto ធ្វើសន្និសីទកាសែតរួមគ្នា។ Xinhua
មេដឹកនាំនៃប្រទេសស៊ុយអែត ហ្វាំងឡង់ និងន័រវេស បានប្តេជ្ញាពង្រឹងកិច្ចសហប្រតិបត្តិការលើវិស័យការពារជាតិកាលពីថ្ងៃពុធ ដើម្បីប្រឈមមុខនឹងបញ្ហាប្រឈមផ្នែកសន្តិសុខរួម។
លោកប្រធានាធិបតីហ្វាំងឡង់ Sauli Niinisto នាយករដ្ឋមន្រ្តីស៊ុយអែត លោក Ulf Kristersson និងនាយករដ្ឋមន្រ្តី ន័រវេស លោក Jonas Gahr Store បានជួបប្រជុំគ្នាកាលពីថ្ងៃពុធនៅក្នុងតំបន់ Harpsund មានចម្ងាយប្រហែល ១២០ គីឡូម៉ែត្រភាគនិរតីនៃរដ្ឋធានី Stockholm។
លោកទាំង ៣ រូប បានពិភាក្សាអំពីបញ្ហាប្រឈមសន្តិសុខរួម និងកិច្ចសហប្រតិបត្តិការលើបញ្ហាគោលនយោបាយការបរទេស សន្តិសុខ និងការពារជាតិ។
សេចក្តីថ្លែងការណ៍របស់រដ្ឋាភិបាលស៊ុយអែត ដែលបានចេញផ្សាយកាលពីថ្ងៃពុធបានឱ្យដឹងថា ថាស្ថានភាពសន្តិសុខកាន់តែយ៉ាប់យ៉ឺនទៅ ដោយសារជម្លោះរុស្ស៊ី-អ៊ុយក្រែន។
សេចក្តីថ្លែងការណ៍នោះ បាននិយាយថា៖ «ន័រវេស ហ្វាំងឡង់ និងស៊ុយអែត រួមជាមួយនឹងប្រទេសជិតខាង Nordic របស់យើង មានការទទួលខុសត្រូវរួមគ្នាក្នុងការឆ្លើយតបទៅនឹងបញ្ហាប្រឈមផ្នែកសន្តិសុខនៅក្នុងតំបន់រួមទាំងតំបន់ភាគខាងជើងរបស់យើង ដោយបន្ថែមថា ខណៈដែលស៊ុយអែត និងហ្វាំងឡង់កំពុងធ្វើដំណើរដើម្បីចូលរួមអង្គការសន្ធិសញ្ញាអាត្លង់ទិកខាងជើង( NATO) យើងកំពុងធ្វើការនៅក្នុងមធ្យោបាយរួមគ្នាបន្ថែមទៀត ដើម្បីពង្រឹងសន្តិសុខ»។
សេចក្តីថ្លែងការណ៍បានបន្ថែមថា៖ «យើងនឹងបន្តធ្វើឱ្យ កិច្ចសហប្រតិបត្តិការរបស់យើងស៊ីជម្រៅនៅក្នុងសមយុទ្ធទ្រង់ទ្រាយធំនៅក្នុងប៉ុន្មានឆ្នាំខាងមុខនេះ។ កិច្ចសហប្រតិបត្តិការលើវិស័យការពារជាតិរបស់យើងត្រូវបានសម្របសម្រួលយ៉ាងជិតស្និទ្ធជាមួយប្រទេសជិតខាង Nordic និងដៃគូជិតស្និទ្ធរបស់យើង រួមទាំង អាមេរិក និងចក្រភពអង់គ្លេស»។
«តំបន់ចុង ខាងជើងបំផុតរបស់ប្រទេសរបស់យើងមានប្រជាជនតិចជាងតំបន់ផ្សេងទៀត ហើយអាកាសធាតុ និងភូមិសាស្ត្ររបស់ពួកគេបង្ហាញពីបញ្ហាប្រឈមជាពិសេសជាច្រើន។ ក្នុងពេលជាមួយគ្នានោះដែរ វាមានសក្តានុពលដ៏អស្ចារ្យសម្រាប់កិច្ចសហប្រតិបត្តិការកាន់តែស៊ីជម្រៅនៅក្នុងតំបន់ទាំងនេះ ដោយផ្តល់ទីតាំង និងលក្ខខណ្ឌពិសេសសម្រាប់កិច្ចសហប្រតិបត្តិការទៅលើ ការផ្លាស់ប្តូរបៃតង លំហអាកាស និងការទាញយកលោហៈធាតុកម្រនានា»។
ប្រទេសហ្វាំងឡង់ និងអ៊ុយអែត បានដាក់ពាក្យចូលជាសមាជិករបស់អង្គការណាតូក្នុងខែឧសភា ឆ្នាំ ២០២២ បន្ទាប់ ពីមានការផ្ទុះឡើងនៃជម្លោះរវាងរុស្ស៊ី និងអ៊ុយក្រែន។ ការចូលជាសមាជិករបស់អង្គការណាតូ ទាមទារឱ្យមានការយល់ព្រមពីរដ្ឋសមាជិកទាំងអស់នៃសម្ព័ន្ធមិត្តយោធានេះ។ តួកគី និងហុងគ្រី ដែលជាសមាជិករបស់អង្គការនេះដែរនោះ នៅមិនទាន់យល់នៅឡើយទេ៕
វីដេអូ៖
