លោកស្រី Na'imah Abdul Khalid អាយុ ៦៦ឆ្នាំ ភរិយារបស់អ្នកជំនួញ Daim Zainuddin ដែលធ្លាប់បានបម្រើការជារដ្ឋមន្ត្រីហិរញ្ញវត្ថុចំនួន ២លើកក្នុងចន្លោះឆ្នាំ ១៩៨៤និង ២០០១។ The Star/ ANN
ភរិយារបស់អតីតរដ្ឋមន្ត្រីហិរញ្ញវត្ថុម៉ាឡេស៊ី ដែលមានទំនាក់ទំនងជិតស្និទ្ធជាមួយគូប្រជែងនយោបាយរបស់នាយករដ្ឋមន្ត្រី អាន់វ៉ា អ៊ីប្រាហ៊ីម ត្រូវបានចោទប្រកាន់កាលពីថ្ងៃទី ២៣ ខែមករា ពីបទខកខានក្នុងការលាតត្រដាងទ្រព្យសម្បត្តិរបស់តលោកស្រីដល់ក្រុមអ្នកស៊ើបអង្កេតប្រឆាំងអំពើពុករលួយ។ នេះបើយោងតាម AFP។
ទីភា្នក់ងារព័ត៌មានបារាំង បានរាយការណ៍ថា លោកស្រី Na'imah Abdul Khalid អាយុ ៦៦ ឆ្នាំ ភរិយារបស់អ្នកជំនួញ Daim Zainuddin ដែលធ្លាប់បានបម្រើការជារដ្ឋមន្ត្រីហិរញ្ញវត្ថុចំនួន ២ លើក ក្នុងចន្លោះឆ្នាំ ១៩៨៤ និង ២០០១ បានសារភាពថាមិនមានកំហុសនៅក្នុងតុលាការក្នុងរដ្ឋធានី កូឡាឡាំពូនោះទេ។
បទល្មើសនៃការមិនបង្ហាញទ្រព្យសម្បត្តិរបស់លោកស្រីជាការឆ្លើយតបទៅនឹងសំណើរបស់ទីភ្នាក់ងារប្រឆាំងអំពើពុករលួយត្រូវបានចោទប្រកាន់ថាបានប្រព្រឹត្តនៅក្នុងខែវិច្ឆិកា ឆ្នាំ២០២៣។ នេះបើយោងតាមឯកសាររបស់តុលាការដែលមើលឃើញដោយ AFP ។
អតីតរដ្ឋមន្ត្រីហិរញ្ញវត្ថុ Daim Zainuddin ដែលមានអាយុ ៨៥ ឆ្នាំ គឺជាសម្ព័ន្ធមិត្តជិតស្និទ្ធរបស់អតីតនាយករដ្ឋមន្ត្រីពីរសម័យកាលគឺលោក Mahathir Mohamad ។
អតីតរដ្ឋមន្ត្រីហិរញ្ញវត្ថុ Daim Zainuddin គឺជាអ្នករិះគន់យ៉ាងខ្លាំងក្លាទៅលើ លោក អាន់វ៉ា អ៊ីប្រាហ៊ីម (Anwar Ibrahim) ដែលបានឡើងកាន់អំណាចក្នុងឆ្នាំ ២០២២ ដោយប្តេជ្ញាថានឹងលុបបំបាត់អំពើពុករលួយកម្រិតខ្ពស់។
លោកស្រី Na'imah បាននិយាយនៅក្នុងសេចក្តីថ្លែងការណ៍មួយនៅខាងក្រៅតុលាការថា «គ្មានឧក្រិដ្ឋកម្មណាមួយត្រូវបានប្រព្រឹត្តដោយខ្ញុំទេ ហើយខ្ញុំនឹងបង្ហាញរឿងនេះនៅក្នុងតុលាការ»។
សេចក្តីថ្លែងការណ៍នោះបន្តថា៖«ឧក្រិដ្ឋកម្មពិតប្រាកដគឺការធ្វើឱ្យខូចកេរ្តិ៍ឈ្មោះប្ដីខ្ញុំ។ ឧក្រិដ្ឋកម្មពិតប្រាកដគឺការកាន់អំណាចរដ្ឋសម្រាប់ប្រយោជន៍ផ្ទាល់ខ្លួន ហើយមិនមែនដើម្បីប្រយោជន៍ប្រជាជននោះទេ»។
លោកស្រី បានផ្ញើសារទៅកាន់នាយករដ្ឋមន្ត្រី អាន់វ៉ា ដោយនិយាយថា «អំណាចគឺខ្លីណាស់ ហើយតែងតែមានការគិតគូរចំពោះអ្នកដែលបំពានវា»។
តុលាការបានកំណត់ថ្ងៃទី២២ ខែមីនា សម្រាប់សវនាការលើកក្រោយក្នុងសំណុំរឿងនេះ ដែលកាលបរិច្ឆេទជំនុំជម្រះអាចត្រូវបានកំណត់។
បើរកឃើញថាមានកំហុស លោកស្រី Na'imah អាចប្រឈមនឹងការជាប់ពន្ធនាគារយ៉ាងច្រើន ៥ ឆ្នាំ និងពិន័យជាប្រាក់ជាច្រើនទៀត។
ទីភ្នាក់ងារប្រឆាំងអំពើពុករលួយរបស់ប្រទេសនេះបាននិយាយថា ខ្លួនកំពុងស៊ើបអង្កេតអតីតរដ្ឋមន្ត្រីហិរញ្ញវត្ថុ Daim Zainuddin ដែលបានហៅការស៊ើបអង្កេតលើកិច្ចការរបស់គាត់ថាជា «ការប្រមាញ់មេធ្មប់ផែ្នកនយោបាយ»។
អតីតនាយករដ្ឋមន្ត្រី Mahathir Mohamad ក៏បានអះអាងដែរថា ការស៊ើបអង្កេតនេះមានហេតុផលនយោបាយ។
កាលពីសប្តាហ៍មុន គណៈកម្មាធិការប្រឆាំងអំពើពុករលួយម៉ាឡេស៊ី (MACC) បានកោះហៅកូនប្រុសរបស់លោកបណ្ឌិត Mahathir មកសាកសួរជុំវិញសកម្មភាពអាជីវកម្មរបស់គាត់។
MACC បាននិយាយនៅក្នុងសេចក្តីថ្លែងការណ៍មួយកាលពីសប្តាហ៍មុន ដីកាបញ្ជារបស់ MACC ដើម្បីសាកសួរលោក Mirzan Mahathir គឺជាផ្នែកមួយនៃការស៊ើបអង្កេតរបស់ខ្លួន បន្ទាប់ពីការលាតត្រដាងដែលមាននៅក្នុងអ្វីដែលគេហៅថា Panama Papers «ក៏ដូចជាសកម្មភាពអាជីវកម្មរបស់គាត់ដែលពាក់ព័ន្ធនឹងការលក់ និងការទិញក្រុមហ៊ុនដែលពាក់ព័ន្ធជាមួយរដ្ឋាភិបាល»។
នៅខែសីហាឆ្នាំ២០២២ MACC បាននិយាយថា ខ្លួនបានចាប់ផ្តើមស៊ើបអង្កេត «អង្គភាពដែលភ្ជាប់ និងដាក់ឈ្មោះ» នៅក្នុងឯកសារ Pandora និង Panama ដែលមានពន្លឺលើការគេចពន្ធដោយអ្នកមានទ្រព្យ និងអ្នកមានអំណាចជុំវិញពិភពលោក។
នាយករដ្ឋមន្ត្រី អាន់វ៉ា ដែលកំពុងកាន់អំណាចត្រូវបានចោទប្រកាន់ពីបទប្រើប្រាស់ការស៊ើបអង្កេតរបស់ MACC ដើម្បីតាមដានសត្រូវនយោបាយរបស់គាត់៕
