ផលិតផលគ្រឿងសម្អាងដែលគេតាំងលក់លើទីផ្សារ។ AFP
ក្រុមឃ្លាំមើលផ្នែកបរិស្ថាន ប្រទេសនូវែលសេឡង់ បានឱ្យដឹងនៅថ្ងៃទី ៣១ ខែមករាថា ប្រទេសនៅទ្វីបអូសេអានីមួយនេះត្រូវបានកំណត់ថា នឹងក្លាយជាប្រទេសដំបូងគេដែលហាមឃាត់ «សារធាតុគីមីជារៀងរហូត» ដែលបង្កគ្រោះថ្នាក់ពីផលិតផលសម្រាប់ផ្សំផលិតគ្រឿងសម្អាង។
អាជ្ញាធរការពារបរិស្ថាន (EPA) បាននិយាយថា ខ្លួននឹងហាមឃាត់សារធាតុ perfluoroalkyl និង polyfluoroalkyl យូរអង្វែង ដែលត្រូវបានគេស្គាល់ថា PFAS ឬ «សារធាតុគីមីជារៀងរហូត» ត្រឹមឆ្នាំ ២០២៧។
ដោយរកឃើញនៅក្នុងរបស់របរផ្សេងៗដូចជា ក្រែមលាបក្រចក ក្រែមកោរសក់ ម្សៅទ្រនាប់ ក្រែមលាបបបូរមាត់ និងម៉ាស្ការ៉ា សារធាតុ PFAS ធ្វើឱ្យផលិតផលកាន់តែប្រើប្រាស់បានយូរ ងាយសាយភាយ និងធន់នឹងទឹក។ សារធាតុគីមីនោះក៏អាចត្រូវបានរកឃើញនៅក្នុងចង្ក្រានដែលមិនស្អិត (non-stick cookware) និងក្រណាត់មិនជ្រាបទឹក។
សារធាតុគីមីគឺស្ទើរតែមិនអាចបំផ្លិចបំផ្លាញបាន ប៉ុន្តែអាចបង្កើតនៅក្នុងរាងកាយតាមពេលវេលា ហើយការសិក្សាបានផ្សារភ្ជាប់សារធាតុនោះទៅនឹងជំងឺមហារីក អារ (ភាពគ្មានកូន) និងការខូចខាតបរិស្ថាន៕
