ភ្ញៀវទេសចរដើរកម្សាន្តនៅក្នុងប្រទេសជប៉ុន។ AFP
ប្រទេសជប៉ុន ដែលមានសេដ្ឋកិច្ចធំបំផុតទី៤ នៅក្នុងពិភពលោក បានមើលឃើញការកើនឡើងនៃចំនួនអ្នកទេសចរដល់ ២,៦៩ លាននាក់ក្នុងខែមករា ដែលដូចទៅនឹងល្បឿនកំណត់ត្រាឆ្នាំ ២០១៩ មុនវិស័យធ្វើដំណើរត្រូវបានវាយប្រហារដោយការរីករាលដាលជំងឺកូវីដ ១៩។
ទិន្នន័យផ្លូវការសម្រាប់ការកត់ត្រាស្ថិតិទេសចរណ៍ របស់រដ្ឋាភិបាលបានបង្ហាញនៅថ្ងៃពុធនេះ ប្រទេសជប៉ុន បានស្វាគមន៍ភ្ញៀវទេសចរជាង ២,៥ លាននាក់ ក្នុងខែមករា ដែលមានរយៈពេលប្រាំបីខែជាប់ៗគ្នា។
ទីភ្នាក់ងាររ៉យទ័រ បានដកស្រង់ទិន្នន័យពីអង្គការទេសចរណ៍ជាតិជប៉ុន (JNTO) ដែលកាត់ត្រាឃើញថា ចំនួនភ្ញៀវបរទេសសម្រាប់អាជីវកម្ម និងការកម្សាន្តមាន ២,៦៩ លាននាក់កាលពីខែមុន ធ្លាក់ចុះបន្តិចពី ២,៧៣ លាននាក់ ក្នុងខែធ្នូ ២០២៣។
ការមកដល់ក្នុងខែធ្នូគឺជាកម្រិតខ្ពស់បំផុតក្រោយវិស័យទេសចរណ៍ ត្រូវបានវាយប្រហារដោយការរាតត្បាតជំងឺកូវីដ១៩ ហើយបានបិទបាំងឆ្នាំនៃការជាសះស្បើយពីជំងឺរាតត្បាតដែលបានឃើញមានអ្នកទេសចរច្រើនជាង ២៥លាននាក់ចូលប្រទេស។
ទេសចរណ៍ចូលក្នុងប្រទេសជប៉ុនគឺជាផ្នែកមួយដ៏សំខាន់នៃសេដ្ឋកិច្ចរបស់ប្រទេសជប៉ុន ហើយភ្ញៀវទេសចរ បានចំណាយច្រើនជាង ៥ ពាន់ពាន់លានយ៉េន (៣៣,៣២ ពាន់លានដុល្លារ) កាលពីឆ្នាំមុន ជាលើកដំបូងដែលលើសពីគោលដៅរបស់រដ្ឋាភិបាល។
JNTO បាននិយាយថាការមកដល់ក្នុងខែមករា ត្រូវបានរងផលប៉ះពាល់ដោយការរញ្ជួយដីដ៏ធំនៅថ្ងៃទី១ ខែមករា នៅភាគខាងលិចនៃខេត្ត Ishikawa ទោះបីជាចំនួននេះ គឺដូចគ្នាទៅនឹងកម្រិតក្នុងឆ្នាំ ២០១៩ នៅពេលដែលប្រទេសជប៉ុនបានស្វាគមន៍ភ្ញៀវទេសចរចំនួន ៣៩,៩ លាននាក់។
អ្នកធ្វើដំណើរមកពីកូរ៉េខាងត្បូង តៃវ៉ាន់ និងអូស្ត្រាលីបានបង្កើតកំណត់ត្រាខ្ពស់ជាងគេ។
រដ្ឋាភិបាលជប៉ុនក៏ត្រៀមដាក់ចេញឱ្យអនុវត្តទិដ្ឋាការឌីជីថលដែលមានរយៈពេល៦ខែ សំដៅទាក់ទាញអ្នកប្រកបអាជីវកម្ម អ្នកធ្វើការដែលពឹងផ្អែកលើបច្ចេកវិទ្យាទៅស្នាក់នៅប្រទេសជប៉ុន៕
