យន្តហោះ Airbus A330neo ដែលក្រុមហ៊ុន VietJet បញ្ជាទិញ។ AFP
VietJet ជាក្រុមហ៊ុនអាកាសចរណ៍គិតថ្លៃទាបរបស់ប្រទេសវៀតណាម កាលពីថ្ងៃទី ២២ ខែកុម្ភៈ បានឱ្យដឹងថា ក្រុមហ៊ុនបានយល់ព្រមលើកិច្ចព្រមព្រៀងបណ្ដោះអាសន្នដើម្បីបញ្ជាយន្តហោះ ប្រភេទ A330neo ចំនួន ២០ គ្រឿងពីក្រុមហ៊ុន Airbus របស់អឺរ៉ុប ខណៈដែលក្រុមហ៊ុនអាកាសចរណ៍នេះពង្រីកបណ្តាញផ្លូវឆ្ងាយរបស់ខ្លួន។
ទីភ្នាក់ងារព័ត៌មានរ៉យទ័រដែលបានទទួលរបាយការណ៍របស់ក្រុមហ៊ុន បានរាយការណ៍ថា ក្រុមហ៊ុនអាកាសចរណ៍វៀតណាមនេះបានប្តេជ្ញាចិត្តដែលមានតម្លៃទឹកប្រាក់រាប់ពាន់លានដុល្លារ ត្រូវបានប្រកាសនៅក្នុងកម្មវិធី ពិព័រណ៍យន្តហោះ (Airshow) ក្នុងប្រទេសសិង្ហបុរី។
កិច្ចព្រមព្រៀងបញ្ជាទិញយន្តហោះនោះគឺជាកិច្ចព្រមព្រៀងដ៏ធំបំផុតមួយ រហូតមកដល់ពេលនេះ នៅក្នុងព្រឹត្តិការណ៍អវកាសដ៏ធំបំផុតរបស់អាស៊ី។
តម្រូវការយន្តហោះធុនធំកំពុងកើនឡើង ខណៈការធ្វើដំណើរតាមផ្លូវអាកាសបានស្ទុះងើបឡើងវិញ បន្ទាប់ពីជំងឺរាតត្បាតកូវីដ ១៩។
ក្រុមហ៊ុន VietJet ដែលជាក្រុមហ៊ុនដឹកជញ្ជូនតម្លៃទាបដ៏ធំបំផុតមួយរបស់អាស៊ី បាននិយាយថា ការបញ្ជាទិញ A330-900 នឹងជំនួសមកវិញនូវយន្តហោះ A330-300s ដែលបានជួល ដែលជាគំរូមុន។ នេះនឹងក្លាយជាការទិញទំនិញដំបូងគេរបស់ VietJet។
កិច្ចព្រមព្រៀងចុងក្រោយបំផុតបង្ហាញពីការរីកចម្រើនរបស់ក្រុមហ៊ុន VietJet ដែលបាននិយាយកាលពីថ្ងៃទី ២១ ខែកុម្ភៈថា ខ្លួនកំពុងពង្រីកនៅក្នុងទិសដៅដូចជា អូស្ត្រាលី ឥណ្ឌា ចិន ជប៉ុន កូរ៉េខាងត្បូង ឥណ្ឌូនេស៊ី និងថៃ។
ក្រុមហ៊ុនអាកាសចរណ៍នេះមានយន្តហោះ Airbus ១០៨ គ្រឿង និងយន្តហោះ Boeing ២០០ គ្រឿង។ យោងសេចក្តីរាយការណ៍របស់រ៉យទ័រ៕
