មេទ័ពអ៊ុយក្រែន លោក Oleksandr Syrskyi និងរដ្ឋមន្ត្រីការពារជាតិអ៊ុយក្រែន លោក Rustem Umerov បានទៅពិនិត្យមើលប៉ុស្តិ៍បញ្ជានៅជិតជួរមុខក្នុងសង្គ្រាម AFP
ឧត្តមសេនីយជាន់ខ្ពស់នៃប្រទេសអ៊ុយក្រែន បាននិយាយនៅថ្ងៃអាទិត្យថា មេទ័ពអ៊ុយក្រែន លោក Oleksandr Syrskyi និងរដ្ឋមន្ត្រីការពារជាតិអ៊ុយក្រែន លោក Rustem Umerov បានទៅពិនិត្យមើលប៉ុស្តិ៍បញ្ជានៅជិតជួរមុខក្នុងសង្គ្រាម ដើម្បីវិភាគសមរភូមិ និងបង្កើនការការពារ។ នេះបើតាមសេចក្តីរាយការណ៍របស់រ៉យទ័រ។
ទស្សនកិច្ចរបស់ប្រមុខយោធាអ៊ុយក្រែនកើតឡើងតែប៉ុន្មានថ្ងៃ ប៉ុន្តែពីភាគីរុស្ស៊ីដណ្តើមបានទីប្រជុំជនក្នុងអាឌីវកា នៅភាគខាងកើត បន្ទាប់ពីការប្រយុទ្ធអស់រយៈពេលជាច្រើនខែ។
យោធារបស់ទីក្រុងកៀវ កំពុងតស៊ូដើម្បីទប់ទល់នឹងកងកម្លាំងរុស្ស៊ីនៅតាមបណ្តោយជួរមុខដ៏វែង ខណៈដែលការលុកលុយពេញទីក្រុងម៉ូស្គូបានឆ្លងផុតរយៈពេលពីរឆ្នាំរបស់ខ្លួន។
ឧត្តមសេនីយ Syrskyi បានបង្ហោះនៅលើ Telegram ដែលមានរូបភាពរដ្ឋមន្ត្រីការពារជាតិ Umerov រួមជាមួយនឹងរូបភាពរបស់លោក ជួបជាមួយមេទ័ព ដោយសរសេរថា៖«យើងបានវិភាគស្ថានភាពបច្ចុប្បន្នយ៉ាងលម្អិត និងបានពិភាក្សាអំពីជំហានចាំបាច់បន្ថែមទៀត ជាចម្បង ការការពារកងទ័ពពីយន្តហោះគ្មានមនុស្សបើក និងការវាយប្រហារដោយគ្រាប់បែកពីលើអាកាស ក៏ដូចជាការពង្រឹងតំបន់មួយចំនួននៃផ្នែកខាងមុខ»។
ទោះជាបែបណា លោក Syrskyi មិនបានលម្អិតថាតើដំណើរទស្សនកិច្ចនេះបានកើតឡើងនៅពេលណានោះទេ និងបានបន្ថែមថា៖«ស្ថានការណ៍មានភាពស្មុគស្មាញ និងទាមទារឱ្យមានការត្រួតពិនិត្យជាប្រចាំ»។
អាជ្ញាធរអ៊ុយក្រែនបាននិយាយថា កងកម្លាំងរុស្ស៊ីកាលពីសប្តាហ៍មុនបានដណ្តើមយកទីក្រុងយុទ្ធសាស្ត្រភាគខាងកើតនៃទីក្រុង Avdiivka របស់អ៊ុយក្រែន បន្ទាប់ពីការវាយលុកអស់រយៈពេលជាច្រើនខែ និងកំពុងបង្កើនការគាបសង្កត់លើតំបន់ផ្សេងទៀតជាច្រើននៅតាមបណ្តោយជួរមុខ។
ទីភ្នាក់ងារព័ត៌មានរុស្ស៊ី TASS បានរាយការណ៍ថា ក្នុងសមរភូមិ Avdiivka ភាគីអ៊ុយក្រែនបាត់បង់មេទ័ពនិងកងទ័ពជាង ៤២០ នាក់ ប៉ុន្តែមិនបានបង្ហាញពីការបាត់បង់របស់ខ្លួនឡើយ។
ភាគីអ៊ុយក្រែនមិនបានបង្ហាញពីការបាត់បង់មានទំហំប៉ុណ្ណា ឬកងទ័ពរបស់ខ្លួនបាត់បង់ប៉ុន្មាននាក់ឡើយ៕
