រធានាធិបតីបារាំង លោក អេមម៉ានុយអែល ម៉ាក្រុង កាលពីថ្ងៃទី ២៦ កុម្ភៈ បានស្វាគមន៍បណ្តាប្រទេសអឺរ៉ុប ដែលបញ្ជូនទាហានទៅអ៊ុយក្រែន។ AFP
មេដឹកនាំនៃប្រទេសសំខាន់ៗនៅតំបន់អឺរ៉ុប បានជួបពិភាក្សាពីលទ្ធភាពបញ្ជូនកងកម្លាំងអឺរ៉ុបចូលទៅកាន់ប្រទេសអ៊ុយក្រែន និងបានសន្យាផ្តល់គ្រាប់ផ្លោងដែលអ៊ុយក្រែនដែលកំពុងធ្វើសង្គ្រាមតតាំងយ៉ាងស្វិតស្វាញប្រឆាំងការឈ្លានពានរបស់មហាអំណាចរុស្ស៊ីឈានចូលឆ្នាំទី ៣ ដោយមើលឃើញការធ្លាក់ចុះការជំនួយ។
ទីភ្នាក់ងារព័ត៌មានរ៉យទ័របានរាយការណ៍ថា ប្រធានាធិបតីបារាំង លោក អេមម៉ានុយអែល ម៉ាក្រុង (Emmanuel Macron) កាលពីថ្ងៃទី ២៦ កុម្ភៈ បានស្វាគមន៍បណ្តាប្រទេសអឺរ៉ុប ដែលបញ្ជូនទាហានទៅអ៊ុយក្រែន ទោះបីជាមានការព្រមានថា «មិនមានការឯកភាពគ្នានៅដំណាក់កាលនេះ» ប៉ុន្តែមេដឹកនាំសមាជិកអឺរ៉ុប ២០ ប្រទេសបានចូលរួមប្រជុំនៅទីក្រុងប៉ារីស។
ការប្រជុំគ្នានៅទីក្រុងប៉ារីសនៅថ្ងៃទី ២៦ ខែកុម្ភៈដើម្បីផ្ញើជូនប្រធានាធិបតីរុស្ស៊ីលោក វ្ល៉ាឌីមៀរ ពូទីន នូវសារនៃការដោះស្រាយអឺរ៉ុបស្តីពីអ៊ុយក្រែន និងប្រឆាំងនឹងការនិទានរឿងរបស់វិមានក្រឹមឡាំងដែលថារុស្ស៊ីនឹងឈ្នះសង្គ្រាមនៅឆ្នាំទី ៣ នេះ។
រ៉យទ័របានស្រង់សម្តីលោក Macron និយាយនៅក្នុងសន្និសីទសារព័ត៌មានថា៖ «មិនមានការឯកភាពគ្នានៅដំណាក់កាលនេះទេ ... ក្នុងការបញ្ជូនកងទ័ពថ្មើរជើងនោះទេ។ គ្មានអ្វីគួរត្រូវបានដកចេញទេ។ យើងនឹងធ្វើអ្វីគ្រប់យ៉ាងដែលយើងត្រូវធ្វើ ដើម្បីកុំឱ្យរុស្ស៊ីឈ្នះ»។
មន្ត្រីសេតវិមានបានប្រាប់រ៉យទ័រថា សហរដ្ឋអាមេរិកមិនមានគម្រោងបញ្ជូនកងទ័ពទៅប្រយុទ្ធនៅអ៊ុយក្រែនទេ ហើយថាក៏មិនមានផែនការបញ្ជូនកងទ័ពណាតូទៅប្រយុទ្ធនៅអ៊ុយក្រែនដែរ។
ក្នុងពេលដែល លោក ដូណាល់ ត្រាំ រិះគន់ណាតូ ដែលហាក់លើកទឹកចិត្តរុស្ស៊ីវាយចូលសមាជិកណាតូណាមួយ បារាំង អាល្លឺម៉ង់ និងប៉ូឡូញចេញមុខអះអាងធ្វើឱ្យកងកម្លាំងអឺរ៉ុបខ្លាំង៕
