លោក Boris Nadezhdin ដែលជាអ្នកប្រឆាំងការធ្វើសង្គ្រាមឈ្លានពានអ៊ុយក្រែន។ AFP
ទីភ្នាក់ងារព័ត៌មានរ៉យទ័រ បានរាយការណ៍ថា លោក Boris Nadezhdin ដែលជាអ្នកប្រឆាំងការធ្វើសង្គ្រាមឈ្លានពានអ៊ុយក្រែន ត្រូវបានបដិសេធមិនឱ្យចុះឈ្មោះជាបេក្ខជនប្រធានាធិបតីប្រជែងជាមួយលោក វ្ល៉ាឌីមៀរ ពូទីន សម្រាប់ការបោះឆ្នោតដែលធ្វើឡើងនៅខែមីនាខាងមុខនោះទេ។
តាមសេចក្តីរាយការណ៍ដែលទើបចេញផ្សាយមុននេះ លោក Boris Nadezhdin បាននិយាយនៅថ្ងៃព្រហស្បតិ៍ថា គណៈកម្មាធិការរៀបចំការបោះឆ្នោតកណ្តាល (CEC) នៃសហព័ន្ធរុស្ស៊ី បានបដិសេធមិនចុះឈ្មោះរបស់លោកជាបេក្ខជនសម្រាប់ការបោះឆ្នោតខែមីនា ដែលគាត់ចង់ប្រកួតប្រជែងនឹងលោក វ្ល៉ាឌីមៀ ពូទីន ដែលកាន់អំណាច។
CEC ធ្លាប់បាននិយាយថា ខ្លួនបានរកឃើញកំហុសហត្ថលេខាដែលគាត់ និងសម្ព័ន្ធមិត្តបានប្រមូលដើម្បីគាំទ្របេក្ខភាពរបស់លោកលោក Boris Nadezhdin។
រ៉យទ័របានរាយការណ៍ថា Nadezhdin បាននិយាយនៅលើបណ្តាញ Telegram ផ្លូវការរបស់គាត់ថា លោកមិនយល់ស្របនឹងការសម្រេចចិត្តរបស់ CEC ហើយនឹងជំទាស់វានៅក្នុងតុលាការកំពូលរបស់ប្រទេសរុស្ស៊ី៕
