ប្រធានាធិបតីអ៊ុយក្រែន Volodymyr Zelensky ជួបជាមួយលោក ដូណាល់ ត្រាំ កាលពីខែកុម្ភៈ ២០២៥។ AFP
ច្រកចេញពីសង្គ្រាមនៅអ៊ុយក្រែន ទំនងជាមិនអាចកើតមាននាពេលឆាប់ៗនេះទេ ដោយសារតែប្រធានាធិបតីអ៊ុយក្រែន ទាមទារដាក់តំបន់ Crimea នៅក្នុងការចរចាបញ្ចប់សង្គ្រាមនេះ ខណៈដែលប្រធានាធិបតីសហរដ្ឋអាមេរិក ដូណាល់ ត្រាំ មិនចង់ឃើញតំបន់នេះជាប់ពាក់ព័ន្ធក្នុងការចរចានេះទេ។
លោក ដូណាល់ ត្រាំ បានសរសេរនៅលើបណ្ដាញសង្គម Truth របស់លោកថា ប្រធានាធិបតីអ៊ុយក្រែន Volodymyr Zelensky បានអួតនៅលើទំព័រមុខរបស់កាសែត The Wall Street Journal ថា អ៊ុយក្រែនមិនយល់ស្របទៅលើការគ្រប់គ្រងរបស់រុស្ស៊ីលើតំបន់ Crimea ទេ។ លោកបន្ត ត្រាំ បន្តថា តំបន់ Crimea គ្មានអ្វីពាក់ព័ន្ធនឹងការចរចានេះទេ ហើយចាត់ទុកការលើកឡើងរបស់លោក Zelensky ថានឹងធ្វើឲ្យខូចកិច្ចចរចារកសន្តិភាពនៅអ៊ុយក្រែន។
តំបន់ Crimea ត្រូវបានរុស្ស៊ីដាក់ជាឧបសម្ព័ន្ធរបស់ខ្លួនកាលពីឆ្នាំ២០១៤ ដែលការណ៍នេះធ្វើឲ្យលោក ត្រាំ ចោទជាសំណួរថា ហេតុអ្វីអ៊ុយក្រែនមិនបានវាយប្រហារដោយអាវុធការពារ និងទាមទារតំបន់នេះសូម្បីមួយគ្រាប់ ក្នុងរយៈពេល ១១ឆ្នាំ។
លោក ត្រាំ ថ្លែងថា៖ «អ្វីដែលលោក Zelensky បានថ្លែង វាជាសេចក្ដីថ្លែងការណ៍បញ្ឆេះកម្ដៅ ហើយវានឹងធ្វើឲ្យការការដោះស្រាយសង្គ្រាមនេះជួបការលំបាក»។ លោកថា នៅតែយកតំបន់ Crimea មកពាក់ព័ន្ធទៀត សង្គ្រាមអាចបន្ត ៣ឆ្នាំទៀត។
លោក Zelensky កាលពីម្សិលមិញបានធ្វើសេចក្ដីថ្លែងការណ៍ និងបានបង្ហោះសេចក្ដីថ្លែងការណ៍របស់ក្រសួងការបរទេសអាមេរិកកាលពីឆ្នាំ២០១៨ ដែលបញ្ជាក់ពីគោលការណ៍អន្តរជាតិដែលមិនអនុញ្ញាតឲ្យប្រទេសណាមួយធ្វើការកែប្រែព្រំដែនប្រទេសណាមួយដោយប្រើកម្លាំងប្រដាប់អាវុធ៕
