ក្រុងស្ដុកខុល៖ មន្ដ្រីពន្ធនិងអាករស៊ុយអែតបានច្រានចោលសំណើប្ដីប្រពន្ធមួយគូក្នុងការដាក់ឈ្មោះកូនទើបប្រសូតថ្មី «Vladimir Putin» ដោយលើកហេតុផលថា នេះជាឈ្មោះមិនសមរម្យ។
ទីភ្នាក់ងារពន្ធ និងអាករស៊ុយអែត បានឱ្យដឹងថា ស្ថិតក្រោមច្បាប់ប្រទេស «ឈ្មោះសាម៉ីខ្លួនអាចជាឈ្មោះដែលមិនខូចអារម្មណ៍ ឬបង្កភាពចម្រូងចម្រាស ដល់អ្នកមានឈ្មោះនេះស្រាប់»។
យោងតាមសេចក្ដីសម្រេចកាលពីដើមខែកញ្ញាបានបន្ដថា៖ «ឈ្មោះត្រកូល មិនស័ក្ដិសមជាមួយឈ្មោះសាម៉ីខ្លួន ហើយវាក៏មិនគួរជាឈ្មោះដូចនាមត្រកូលនោះទេ»។
ទីភ្នាក់ងារពន្ធ និងអាករក៏បានបដិសេធឈ្មោះ «Vladimir» និង «Putin» ជាឈ្មោះពីរផ្សេងគ្នា ដោយនិយាយថា វាត្រូវចាត់ទុកជា «ឈ្មោះតែមួយបញ្ចូលគ្នា» ហើយវាក៏មិនត្រូវបានឱ្យប្រើផងដែរ។
លិខិតច្រានចោលសំណើឈ្មោះនេះ ដែលត្រូវបានចែករំលែកដោយប្រធានាធិបតីរុស្ស៊ីផ្ទាល់ ក៏មានទម្រង់លិខិតឈ្មោះថ្មីសម្រាប់ឪពុកម្ដាយថ្មីថ្មោង ដែលរស់នៅក្នុងភូមិភាគខាងត្បូងប្រទេសស៊ុយអែត៕ AFP/HR