ភ្ញៀវធ្វើដំណើរជាន់លើកាំជណ្ដើរនីមួយៗដែលមានរូបតារាខេប៉ុបអាក្រាត។ រូបថត AFP
ក្រុងវីយែន: អារម្មណ៍ធុញទ្រាន់នឹងវេបសាយបណ្ដាញសង្គមដែលបិទបាំងរូបភាពអាក្រាតស្ដ្រីបុរាណ Venus និងស្នាដៃសិល្បៈផ្សេងៗទៀត ដោយសារតែពាក់ព័ន្ធមាតិកាអាសអាភាស សារមន្ទីរក្រុងវីយែនកំពុងបង្ហាញរូបភាពទាំងនោះនៅលើវេបសាយ platform OnlyFans ល្បីខាងបង្ហាញមាតិកាអាសនេះ ដើម្បីជំនួសឱ្យការទស្សនារៀបរាប់។
វេបសាយនេះល្បីខាងមានហ្វេនហ៊ានបញ្ចេញញើសឈាមគ្រាំទតារាសំណព្វចិត្តតរបស់ខ្លួន។
ជាការកៀរគរមហាជនដែលមួយផ្នែកជាការទាក់ទាញភ្ញៀវទេសចរ គណនី OnlyFans ទទួលបានអ្នកចុចជាវរាប់រយនាក់តាំងពីបង្កើតដំបូងកាលពីខែមុន។
ប៉ុន្ដែនាយកការិយាល័យ នូរបែត ខេតន័រ បាននិយាយថា វិធានការនេះហាក់ដូចជាមានន័យថា វាជាការចាប់ផ្ដើមជជែកអំពីបញ្ហាច្បាប់តម្រូវឱ្យមានការបិទបាំងនៅលើរូបអាសអាភាសក្នុងទម្រង់សិល្បៈ និងតួនាទីដោះស្រាយបញ្ហាលើកុំព្យូទ័រ និងបណ្ដាញសង្គមចំពោះសិល្បៈ។
ខេតន័រ បាននិយាយថា គំនិតនេះកើតឡើងពីការមិនពេញចិត្ដរបស់សារមន្ទីរ ចំពោះការលំបាកនានា នៅពេលពួកគេផ្សព្វផ្សាយពីពិព័រណ៍សិល្បៈ ដោយសារតែការរឹតត្បិតរបស់ platform បណ្ដាញសង្គមមួយចំនួន ពេលផ្ដោតលើតថភាពអាសគ្រាម។
ឧទាហរណ៍ដ៏អសោចមួយ គឺការបិទបាំងរបស់បណ្ដាញសង្គមហ្វេសប៊ុកក្នុងឆ្នាំ ២០១៨ លើរូបភាពសិល្បៈស្ដ្រីបុរាណ «Venus of Willendorf» តាំងបង្ហាញនៅសារមន្ទីរប្រវត្ដិសាស្ដ្រធម្មជាតិក្រុងវីយែន ដែលត្រូវបានចាត់ទុកជាស្នាដៃសម័យបុរាណលេខសាស្ដ្រ។
ខេតន័រ បានចាត់ទុកការសម្រេចនេះ គឺជា «រឿងដ៏ចម្លែក» ហើយហ្វេសប៊ុកខ្លួនឯងក្រោយមកក៏បានធ្វើការសុំទោសចំពោះ «បញ្ហា» កើតមានរាល់ដងនេះផងដែរ។
អ្នកនាំពាក្យសារមន្ទីរ Leopold Museum លោក ក្លោស ផូកូនី បាននិយាយថា៖ «វាលើសពីចម្លែករហូតដល់គួរឱ្យចង់សើច ដែលបច្ចុប្បន្ននេះ រាងកាយអាក្រាតនៅតែជាប្រធានបទរសើប»។
អ្នកនាំពាក្យរូបនេះបានបន្តថា៖ «វាគួរតែរឿងធម្មតាបំផុត តែវាមិនអ៊ីចឹងសោះ»។
សារមន្ទីរធ្លាប់តាំងរូបភាពមិនសមរម្យ ងាកទៅរក OnlyFans ជំនួសបណ្ដាញសង្គម។ AFP
សារមន្ទីរបានផ្សព្វផ្សាយពីសា្នដៃសិល្បៈចម្រុះរបស់វិចិត្រករ Egon Schiele នៅចុងសតវត្សរ៍ទី២០ ដែលគំនូររបស់លោក រមែងពាក់ព័ន្ធនឹងច្បាប់ទប់ស្កាត់រូបភាពអាសអាភាសរបស់បណ្ដាញសង្គម។
លោក ផូខូនី បានឱ្យដឹងថា ឧប្បត្ដិហេតុបែបនេះ បានបង្ខំឱ្យខាងសារមន្ទីរស្វះស្វែងរកជម្រើសផ្សេងៗក្នុងការផ្សព្វផ្សាយស្នាដៃសិល្បៈ។
លោក ផូខូនី បានបន្ដថា៖ «យើងមិនចង់បើកគណនី OnlyFans នោះទេ តែវាបានកើតឡើងដោយសារតែ platform ល្បីៗក្នុងលោកជាច្រើន ដូចជា TikTok, Facebook ឬ Instagram ជាដើមមិនទទួលស្គាល់ស្នាដៃសិល្បៈរបស់យើង»។
រស់នៅក្នុងសតវត្សរ៍ទី២១ ដែលនៅមានទស្សនៈប្រកាន់ពីរាងកាយរបស់មនុស្សជាពិសេសនារី លោក ខេតន័រ បាននិយាយថា៖ «វាស្ទើរតែក្លាយជារឿងរ៉ាវនៃការប្រមាថចំពោះបញ្ហារាងកាយមនុស្ស»។
លោកបន្ដថា៖ «យើងហាក់ដូចជាវិលទៅកាន់កាលវេលា ១០០ ឆ្នាំមុនទៅហើយ»៕ AFP/HR
