ប្រធានក្រុមហ៊ុន Meta លោក Mark Zuckerberg បានជួបជាមួយនាយករដ្ឋមន្ត្រី Fumio Kishida នៅពេលកំពុងបំពេញទស្សនកិច្ចនៅប្រទេសជប៉ុន។ AFP
ក្រុងតូក្យូ : ប្រធានក្រុមហ៊ុន Meta លោក Mark Zuckerberg បានជួបជាមួយនាយករដ្ឋមន្ត្រីជប៉ុនលោក Fumio Kishida នៅពេលកំពុងបំពេញទស្សនកិច្ចនៅប្រទេសជប៉ុន ជាមួយនឹងរបាយការណ៍ថាពួកគេបានពិភាក្សាអំពីហានិភ័យនៃ AI ដែលមានសមត្ថភាពបំប្លែងទៅតាមការចង់បានរបស់អ្នកប្រើប្រាស់។
ប្រព័ន្ធផ្សព្វផ្សាយក្នុងស្រុកបានដកស្រង់សម្តីលោក Zuckerberg ដែលបាននិយាយបន្ទាប់ពីកិច្ចប្រជុំរយៈពេល ៣០ នាទីកាលពីថ្ងៃអង្គារ ថា៖«យើងមានការសន្ទនាដ៏ល្អ និងប្រកបដោយផលិតភាពអំពី AI និងអនាគតនៃបច្ចេកវិទ្យា»។
ស្ថាបនិក Facebook បាននិយាយបន្ទាប់ពីកិច្ចពិភាក្សា ដែលរាយការណ៍ថារួមមានលោក Joel Kaplan អនុប្រធានគោលនយោបាយសាធារណៈសកលរបស់ Meta ថា៖ «ខ្ញុំពិតជារំភើបសម្រាប់ការងារដែលកំពុងធ្វើនៅទីនេះក្នុងប្រទេសជប៉ុន»។
ប្រតិបត្ដិការឈាននៃ ChatGPTរបស់ OpenAI បញ្ញាសិប្បនិមិត្តជាបច្ចេកវិទ្យា ដែលអាចបញ្ចូលអក្សរ រូបភាព និងសំឡេងបានក្នុងរយៈពេលត្រឹមតែប៉ុន្មានវិនាទីប៉ុណ្ណោះដោយគ្រាន់តែសរសេរពីគោលបំណងបន្ដិចបន្ដួចដ៏សាមញ្ញ។
បញ្ញាសិប្បនិម្មិតAI ត្រូវបានបង្ហាញនៅសមាជទូរស័ព្ទពិភពលោក (MWC) ជាការជួបជុំប្រចាំឆ្នាំដ៏ធំបំផុតរបស់ឧស្សាហកម្មទូរគមនាគមន៍នៅទីក្រុងបាសេឡូណានៅថ្ងៃទី ២៧ ខែកុម្ភៈ ឆ្នាំ ២០២៤។AFP
ការអភិវឌ្ឍន៍យ៉ាងឆាប់រហ័សរបស់វាត្រូវបានប្រកាសថាជាបដិវត្តន៍ដ៏មានសក្ដានុពលសម្រាប់អ្វីៗគ្រប់យ៉ាងចាប់ពីហ្គេមវីដេអូរហូតដល់នយោបាយ។ ប៉ុន្តែវាក៏បានជះឥទ្ធិពលអវិជ្ជមានផងដែរ។
ក្នុងខែនេះ Meta គឺជាក្រុមហ៊ុនបច្ចេកវិទ្យាធំមួយក្នុងចំណោមក្រុមហ៊ុនបច្ចេកវិទ្យាធំៗចំនួន ២០ រួមទាំង OpenAIដែលបានចុះហត្ថលេខាលើការសន្យាមួយដើម្បីបង្ក្រាបមាតិកា AI បោកបញ្ឆោតអ្នកបោះឆ្នោតនៅមុនការបោះឆ្នោតដ៏សំខាន់នៅជុំវិញពិភពលោកនៅឆ្នាំនេះ។
ក្រុមបច្ចេកវិទ្យាពីមុនបានយល់ព្រមប្រើរូបសញ្ញាស្តង់ដានូវអ្វីដែលត្រូវបានបង្កើតដោយកម្មវិធី AI ដូចជា ChatGPT កម្មវិធី Llama របស់ Meta កម្មវិធី Copilot របស់ Microsoft និង Gemini របស់ Google។
លោក Zuckerberg អាយុ ៣៩ ឆ្នាំបានធ្វើដំណើរទៅប្រទេសជប៉ុន អស់រយៈពេលជាច្រើនថ្ងៃ ទាំងគោលបំណងអាជីវកម្មផង និងដំណើរកម្សាន្ដផង ដូចជាទៅលេងជិះស្គីជាមួយគ្រួសារការហ្វឹកហាត់ជាមួយអ្នកលេងគុនដាវជប៉ុន និងញ៉ាំ McDonald's។
លោក Zuckerberg បានថ្លែងនៅពេលលោកធ្វើដំណើរទៅកាន់ប្រទេសជប៉ុន។AFP
បន្ទាប់មកនៅក្នុងប្រទេសឥណ្ឌា Zuckerberg នឹងចូលរួមពិធីមង្គលការដ៏ប្រណិតនៅថ្ងៃទី ១-៣ ខែមីនារបស់កូនប្រុសរបស់លោក MukeshAmbani ជាប្រធានក្រុមហ៊ុនទូរគមនាគមន៍យក្ស Reliance។
Meta, Google និងក្រុមហ៊ុនផ្សេងទៀតបានបណ្តាក់ទុនរាប់ពាន់លានដុល្លារ នៅក្នុងអង្គភាពឌីជីថលរបស់ Reliance Jio Platforms ខណៈដែលខ្លួនកំពុងស្វែងរកការចាប់យកក្រុមហ៊ុន Amazon និង Walmartនៅក្នុងទីផ្សារអេឡិចត្រូនិកដ៏ធំរបស់ប្រទេសឥណ្ឌា៕ AFP/HR
នាយករដ្ឋមន្ត្រីជប៉ុនលោក Fumio Kishida។
