ការដុតវត្ថុសែនធ្វើពីក្រដាសបង្កផលអវិជ្ជមានដល់បរិស្ថាន និងហានិភ័យអគ្គីភ័យ។ AFP
ក្រុងហាណូយ: ក្រសួងវប្បធម៌ កីឡា និងទេសចរណ៍ទីក្រុងហាណូយ បានស្នើឱ្យអាជ្ញាធរអនុវត្តវិធានការចាំបាច់ ដើម្បីធានាថា ប្រជាជនមិនដុតក្រដាសសែនក្នុងឱកាសបុណ្យ Tết (បុណ្យចូលឆ្នាំថ្មីវៀតណាម) និងពិធីបុណ្យនិទាឃរដូវ។
ក្រសួងបាននិយាយថា ការដុតវត្ថុនានាធ្វើពីក្រដាសបង្កឱ្យមានកាកសំណល់ បង្កើនអត្រាប្រឈមនឹងប្រឈមហានិភ័យ គ្រោះថ្នាក់នានា និងអាចមានឥទ្ធិពលអវិជ្ជមានដល់បរិស្ថាន ។
ជាមួយគ្នានេះ ក្រសួងក៏បានសំណូមពរដល់អាជ្ញាធរ ត្រូវចុះត្រួតពិនិត្យមុន អំឡុងពេល និងក្រោយពិធីបុណ្យ ដើម្បីទប់ស្កាត់ឱ្យបានទាន់ពេលវេលា។ អាជ្ញាធរស្រាវជ្រាវរកឱ្យឃើញ និងផាកពិន័យយ៉ាងម៉ឺងម៉ាត់ នូវអំពើល្មើសច្បាប់ ជាពិសេសអំពើអបិយជំនឿ និងល្បែងស៊ីសង ដើម្បីប្រើជំនឿជាធ្លាក់បោកប្រាស់រកលុយ និងសកម្មភាពពិធីបុណ្យនានា។
លោក Ninh Thi Thu Hương ប្រធាននាយកដ្ឋានវប្បធម៌មូលដ្ឋាន (DGC) ស្ថិតនៅក្រោមក្រសួងវប្បធម៌កាលពីខែមុនបានចេញសេចក្តីប្រកាសជាផ្លូវការដោយជំរុញឱ្យមន្ទីរវប្បធម៌ កីឡា និងទេសចរណ៍ មន្ទីរវប្បធម៌ និងព័ត៌មាននៃខេត្ត និងទីក្រុងកណ្តាលរក្សានូវ «អរិយធម៌ របៀបរស់នៅប្រកបដោយសុវត្ថិភាព និងសន្សំសំចៃ»ក្នុងអំឡុងពេលថ្ងៃឈប់ សម្រាក Tết និងពិធីបុណ្យនិទាឃរដូវឆ្នាំ ២០២៤។
DGC បានស្នើសុំអាជ្ញាធរវប្បធម៌ និងកីឡាខេត្ត ក្រុង ណែនាំដល់មូលដ្ឋាន ពង្រឹងវិធានការគ្រប់គ្រងរដ្ឋលើពិធីបុណ្យ លើកកម្ពស់ការយល់ដឹង និងការទទួលខុសត្រូវគ្រប់វិស័យ ប្រជាពលរដ្ឋ និងភ្ញៀវទេសចរ ក្នុងការអនុវត្តសេចក្តីប្រកាសផ្លូវការរបស់នាយករដ្ឋមន្ត្រី ចុះថ្ងៃទី ៣០ ខែមករា ឆ្នាំ ២០២៤ ដែលជាក្រឹត្យចុះថ្ងៃទី ២៩ ខែសីហា ឆ្នាំ ២០១៨ របស់រដ្ឋាភិបាលស្តីពីការគ្រប់គ្រង និងការរៀបចំពិធីបុណ្យ និងការអនុញ្ញាតផ្សេងទៀតរបស់ក្រសួងវប្បធម៌។
ប្រជាពលរដ្ឋជាច្រើនបានលើកឡើងថា អាជ្ញាធរគួរតែហាមឃាត់ការផលិតវត្ថុដុតសែនទាំងនេះ។AFP
សេចក្តីប្រកាសនេះក៏បានណែនាំ និងស្នើឱ្យអ្នករៀបចំពិធីបុណ្យគោរពតាមច្បាប់ និងបទប្បញ្ញត្តិយ៉ាងម៉ឺងម៉ាត់ ខណៈពេលដែលការបើកព្រឹត្តិការណ៍ជំនឿ និងវប្បធម៌ ធានាបាននូវសន្តិសុខ សណ្តាប់ធ្នាប់ និងសុវត្ថិភាព ការការពារ និងលើកកម្ពស់តម្លៃនៃប្រពៃណី និងទំនៀមទម្លាប់វប្បធម៌ជាតិ។
ការដុតវត្ថុសក្ការៈ គឺជាទង្វើទូទៅមួយនៅក្នុងទំនៀមទំលាប់វប្បធម៌របស់ជនជាតិវៀតណាម ជាពិសេសក្នុងពិធីបុណ្យ និងពិធីបូជានៅវត្ត ឬវត្តអារាម។ ប៉ុន្តែក្នុងប៉ុន្មានឆ្នាំចុងក្រោយនេះ សមាគមព្រះពុទ្ធសាសនាវៀតណាមបានណែនាំអ្នកកាន់ព្រះពុទ្ធសាសនាកុំដុតវត្ថុធ្វើពីក្រដាសនៅក្នុងផ្ទះឯកជនរបស់ពួកគេ ឬនៅតាមទីសាធារណៈ។
បើតាមព្រះសង្ឃ ការអនុវត្តដុតក្រដាសសែន ឬវត្ថុឱ្យអ្នកចែកឋានទៅនោះ មិនមែនជាប្រពៃណីរបស់វៀតណាមទេ។ ទំនៀមទម្លាប់នេះត្រូវបាននាំចូលពីបរទេស។
សកម្មភាពដុតវត្ថុបូរាណ រួមទាំងសេះក្រដាស ឬកង់ម៉ូតូ និងផ្សេងៗទៀតគឺខ្ជះខ្ជាយ និងបង្កការបំពុលបរិស្ថាន។ ក្នុងករណីខ្លះពួកគេបានបង្កឱ្យមានគ្រោះថ្នាក់ រួមទាំងអគ្គីភ័យផងដែរ ។
ពេលវេលាខិតជិតមកដល់ និងកំឡុងពេល Tết អជ្ញាធរពិបាកគ្រប់គ្រងការដុតវត្ថុសែន។ នៅកន្លែងសក្ការៈបូជា វត្ថុបុរាណប្រវត្តិសាស្ត្រ និងវប្បធម៌ ប្រជាជនតែងតែយកក្រដាសសក្ការបូជាទៅដុតជាមួយនឹងប្រភេទសត្វ ឬគ្រឿងសង្ហារិមជាច្រើនប្រភេទ ដូចជាសេះ ទូរស័ព្ទ iPhone ទូរទស្សន៍ ទូទឹកកក ផ្ទះវីឡា រថយន្ត យន្តហោះ ជាដើម។
ប្រជាពលរដ្ឋជាច្រើនបានលើកឡើងថា អាជ្ញាធរគួរតែហាមឃាត់ការផលិតវត្ថុដុតសែនទាំងនេះ ឬតម្លើងពន្ធលើការផលិត និងការប្រើប្រាស់ក្រដាសដុតសែន។
តាមទស្សនៈផ្លូវច្បាប់ គ្មានបម្រាមណាជាក់លាក់ដែលដាក់ទោសទង្វើដុតក្រដាសសែននោះទេ តែជនដែលប្រកាន់ខ្ជាប់ទម្លាប់នេះអាចត្រូវកាត់ទោសប្រសិនបើសកម្មភាពរបស់ខ្លួនបង្កអគ្គីភ័យ៕ VNS
ជំនឿដុតក្រដាសសែនគឺជាទង្វើទូទៅមួយនៅក្នុងទំនៀមទំលាប់វប្បធម៌របស់ជនជាតិវៀតណាម។AFP
