បេក្ខនារី MCC 2025 ទៅសិក្សាស្វែងយល់ និងថតការប្រកួតនៅអគារមរតកសង្គមរាស្ត្រនិយម សម្ដេចឳ-សម្ដេចម៉ែ បុរីអូរស្វាយ សែនជ័យ ក្នុងខេត្តស្ទឹងត្រែង ដែលជាសាខាមួយរបស់មជ្ឈមណ្ឌលឯកសារកម្ពុជា និងព្រះរាជ្យបណ្ណាល័យហ្លួងម៉ែ។ រូបថត សហការី
ស្ទឹងត្រែង៖ សកម្មភាពថតរូប និងសប្បុរសធម៌របស់ក្រុមការងារ និងបេក្ខនារី Miss Cosmo Cambodia ២០២៥ នៅខេត្ដស្ទឹងត្រែង គឺជាកម្មវិធីដ៏កម្រដែលច្របាច់បញ្ចូលគ្នារវាងប្រវត្ដិសាស្ដ្រ ភាពស្រស់ស្អាត និងសុច្ឆន្ទៈ។
ការថតរូបកាលពីថ្ងៃទី២៥ ខែមីនានេះ មានគោលបំណងលើកកម្ពស់វិស័យទេសចរណ៍ ខណៈការលើកកម្ពស់ការយល់ដឹងអំពីការអភិរក្សបរិស្ថាន។
ទន្ទឹមនឹងនេះ សកម្មភាពសប្បុរសធម៌ផ្តោតលើការជួយដល់សហគមន៍មូលដ្ឋានតាមរយៈការបរិច្ចាគ ការខិតខំប្រឹងប្រែងស្ម័គ្រចិត្ត និងកម្មវិធីពង្រឹងអំណាច ជាមួយការទទួលខុសត្រូវសង្គមរបស់កម្មវិធីប្រកួត។
តាមមន្ត្រីរបស់មជ្ឈមណ្ឌលឯកសារកម្ពុជាបានឱ្យដឹងថា៖ «សកម្មភាពថតរបស់ MCC 2025 នេះត្រូវបានធ្វើឡើងនៅអគារមរតកសង្គមរាស្ត្រនិយម សម្ដេចឳ-សម្ដេចម៉ែ បុរីអូរស្វាយ សែនជ័យ ក្នុងខេត្តស្ទឹងត្រែង ដែលជាសាខាមួយរបស់មជ្ឈមណ្ឌលឯកសារកម្ពុជា និងព្រះរាជ្យបណ្ណាល័យហ្លួងម៉ែ»។
កិច្ចប្រជុំថែរក្សាសន្ដិសុខត្រូវបានធ្វើឡើងក្រោមអធិបតីភាពលោក ឡុង ភិរម្យ រដ្ឋលេខាធិការក្រសួងទេសចរណ៍ និងមានការចូលរួមពីលោក ស្រ៊ុន សំរិទ្ធី អភិបាលរងខេត្តស្ទឹងត្រែង រួមជាមួយនឹងមន្ត្រីមកពីស្រុកបូរីអូរស្វាយសែនជ័យ និងមន្ទីរពាក់ព័ន្ធ។
គោលបំណងនៃកម្មវិធីនេះ រួមមានការបង្ហាញពីភាពស្រស់ស្អាត ខណៈពេលដែលការលើកកម្ពស់ទេសចរណ៍ សកម្មភាពសង្គម ការផ្តល់សិទ្ធិអំណាច ក៏ដូចជាការបំផុសគំនិតដល់សហគមន៍មូលដ្ឋាន ការពង្រឹងការតស៊ូមតិ និងការទទួលខុសត្រូវរបស់បេក្ខជន។
នេះបើតាមមន្ត្រីមជ្ឈមណ្ឌលឯកសារកម្ពុជា ដែលស្វាគមន៍ក្រុមការងារទាំងអស់បានឱ្យដឹងថា៖ «កម្មវិធីនេះមិនត្រឹមតែលើកកិត្យានុភាពរបស់កម្មវិធីប្រកួតប៉ុណ្ណោះទេ ប៉ុន្តែវាក៏ផ្តល់ផលវិជ្ជមានជានិរន្តរ៍ដល់ប្រជាជនខេត្តស្ទឹងត្រែង លាយឡំភាពស្រស់ស្អាតថែមទៀត»។
សកម្មភាព MCC 2025 ត្រូវបានរំពឹងថានឹងទាក់ទាញការចាប់អារម្មណ៍យ៉ាងខ្លាំង ដោយដាក់ឱ្យខេត្តស្ទឹងត្រែងជាគោលដៅទេសចរណ៍ដែលកំពុងរីកចម្រើន ស្របពេលដែលជំរុញទឹកចិត្តសប្បុរសធម៌ និងការឱ្យតម្លៃវប្បធម៌ក្នុងចំណោមបេក្ខនារី និងអ្នកទស្សនាដូចគ្នា៕
